މޮޅު ސެލްފީއެއް ނަގަނިކޮށް މަރުވި މީހުންގެ އަދަދު 259

މޮޅު ސެލްފީ ނަގަން އުޅެނިކޮށް ދުނިޔޭގެ އެކި ކަންކޮޅުތަކުން 2011 ވަނަ އަހަރާއި 2017 ވަނަ އަހާރާއި ދެމެދު މަރުވި މީހުންގެ އަދަދުތަކެއް ހާމަކޮށްފިއެވެ.

އެމެރިކާގެ ނޭޝަނަލްް ލައިބްރަރީ އޮފް މެޑިސިން އިން ލަފާދެނީ މަރުތައް މަދުކުރުމަށްޓަކައި ނުރައްކާތެރި ސްޕޮޓްތަކުގައި ސެލްފީ ޒޯންތައް ނުހެދުމަށެވެ.

މި ތަންތަނުގެ ތެރޭގައި މިހާތަނަށް ސެލްފީ ނަގަނިކޮށް އެންމެ ގިނައިން މީހުން މަރުވެފައިވާ ތަންތަން ކަމަށްވާ ފަރުބަދަތަކާއި، އުސް އިމާރާތްތަކާއި،ކޯރުތައް ހިމެނެއެވެ.

އެންމެ އާއްމުކޮށް މީހުން މަރުވެފައި ވަނީ ގެނބިގެންނާއި، ދަތުރުފަތުރުގެ އެކްސިޑެންޓާއި، ވެއްޓިގެންނެވެ.

ނަމަވެސް ޖަނަވާރުގެ ހަމަލާތަކުން މަރުވުމާއި، ކަރަންޓުގައި ޖެހިގެން މަރުވުމާއި، އަލިފާނާއި، ބަޑީގެ ހަމަލާތަކުގައި މަރުވުން ދުނިޔޭގައި އާއްމު ކަމަށް ރިޕޯޓްގައި ބުނެއެވެ.

މި ރިޕޯޓްގައި ބުނެފައިވާ ގޮތުގައި ސެލްފީ ނަގަން އުޅުމުގެ ތެރޭގައި އެންމެ ގިނަ އިން މީހުން މަރުވެފައި ވަނީ އިންޑިއާ، ރަޝިއާ، އެމެރިކާ އަދި ޕާކިސްތާނުގައެވެ. އަދި އެ ގައުމުތަކުން އެގޮތަށް މަރުވި މީހުންގެ 72.5 އިންސައްތައަކީ ފިރެހެނުންނެވެ.

މީގެ ކުރީގެ ދިރާސާއަކީ ވިކިޕީޑިއާ އާއި، ޓްވިޓަރއިން ނަގާފައިވާ މައުލޫމާތުގެ އަލީގައި ހަދާފައިވާ ރިސަރޗެއް ކަމަށްވާއިރު މިއީ އެންމެ ސާފު އަދަދެއް ނޫނެވެ.

އާ ދިރާސާ އިން ވެސް ދައްކަނީ މަރުތައް އިތުރުވާ ކަމަށެވެ.

ސެލްފީ ނެގުމުގެ ތެރޭގައި ހިނގާފައިވާ މަރުތަކުގެ ގޮތުގައި 2011 ވަނަ އަހަރު ރިޕޯޓްކުރެވިފައި ވަނީ ތިން ހާދިސާއެވެ. ނަމަވެސް 2016 އަހަރު އެ އަދަދުވަނީ 96 އަށް އަރާފައެވެ. އަދި 2017 ވަނަ އަހަރު އެ އަދަދު އުޅެނީ 93 ގައެވެ.

ދިރާސާ ކުރާ ފަރާތްތަކުން ގަބޫލުކުރާ ގޮތުގައި މަރުވި ސަބަބު ބަޔާން ނުކުރާ އެތައް ރިޕޯޓްތަކެއްވާއިރު ސެލްފީ ނެގުމުގެ ތެރޭގައި ހިނގާފައިވާ މަރުތަކުގެ އަދަދު މިއަށް ވުރެ ވެސް އިތުރުވާނެއެވެ.