ފުވައްމުލަކުގައި ތޫނު އެއްޗަކުން މީހަކަށް ހަމަލާދީ ޒަހަމްކޮށްލައިފި
15 ސެޕްޓެމްބަރު 2018 | ހޮނިހިރު 17:30ހަމަލާދީފައިވަނީ ފިރިހެނަކަށް
ސިމާހާ ނަސީމް | 15 ސެޕްޓެމްބަރު 2018 | ހޮނިހިރު 17:30
ޕޮލިސް ލައިން
ފުވައްމުލަކު ސިޓީގައި ތޫނު އެއްޗަކުން ފިރިހެނަކަށް ހަމަލާދީ ޒަހަމްކޮށްލައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ހަމަލާދީފައިވަނީ އުމުރުން 33 އަހަރުގެ ފިރިހެނަކަށް ކަމަށާއި ފުލުހުންނަށް އެކަން ރިޕޯޓްކޮށްފައިވަނީ މިރޭ 20:21 ހާއިރު ކަމަށެވެ.
ފުލުހުންގެ މީޑިއާ އޮފިޝަލް އިތުރަށް ވިދާޅުވީ އެ މީހާ އަށް މިހާރު ފުވައްމުލަކު ހޮސްޕިޓަލުގައި ފަރުވާދެމުންދާ ކަމަށެވެ.
ރާއްޖެއެމްވީ އަށް މައުލޫމާތު ލިބިފައިވާ ގޮތުގައި ތޫނު އެއްޗަކުން ހަމަލާ ދީފައިވަނީ އެ މީހާގެ ކަރަށެވެ.
ފުލުހުން ދަނީ މި މައްސަލަ އިތުރަށް ތަހުޤީޤު ކުރަމުންނެވެ.
