ރަނާއި ޖަވާހިރު ދިނަސް އަނިޔާވެރިއަކަށް ދޭނެ ވޯޓެއް ނޯންނާނެ: ނިޔާޒު
2 ސެޕްޓެމްބަރު 2018 | އާދީއްތަ 04:25ދަރިންނަށްޓަކައި ކޮށްދެވޭނެ އެންމެ ހެޔޮކަމަކީ އަދުލު އިންސާފު ޤާއިމު ކުރެވިފައިވާ އިންސާފަށް ލޯބިކުރާ މުސްލިމް މުޖުތަމައެއް ހޯދައި ދިނުން
ނިޔާޒް އިބްރާހީމް
އޭނާ އާއި އާއިލާގެ ބަރުދަނަށް ރަނާއި ޖަވާހިރު ދިނަސް އަނިޔާވެރި މުޖުރިމަކަށް ދޭނެ ވޯޓެއް ނޯންނާނެ ކަމަށް ކުރީގެ އޮޑިޓަރ ޖެނެރަލް ނިޔާޒް އިބްރާހީމް ވިދާޅުވެއްޖެއެވެ.
އެމްއެމްޕީއާރުސީގެ ޚިޔާނާތުގެ ވާހަކަ ފަޅައިއަރުވާލި އޭރުގެ އޮޑިޓަރ ޖެނެރަލް ނިޔާޒް އިބްރާހީމް ކުރެއްވި ޓްވީޓެއްގައި ވިދާޅުވީ އޭނާ އާއި އަނބިދަރިންގެ ބަރުދަނަށް ރަނާއި ޖަވާހިރާއި ޔާގޫތު ދިނަސް އަނިޔާވެރި ޚިޔާނާތްތެރި މުޖުރިމަކަށް ދޭނެ ވޯޓެއް ނޯންނާނެ ކަމަށެވެ.
ސަރުކާރުގެ ޚިޔާނާތްތަކެއް ފަޅާއަރުވާލި އޮޑިޓް ރިޕޯޓެއް ނެރުމާއެކު ޤާނޫނަށް ގެނައި އިސްލާހަކުން މަޤާމުން ވަކިކޮށްފައިވާ ނިޔާޒް ވިދާޅުވީ ދަރިންނަށްޓަކައި ކޮށްދެވޭނެ އެންމެ ހެޔޮކަމަކީ އަދުލު އިންސާފު ޤާއިމު ކުރެވިފައިވާ އިންސާފަށް ލޯބިކުރާ މުސްލިމް މުޖުތަމައެއް ހޯދައި ދިނުން ކަމަށެވެ.
ނިޔާޒު ގެންދަވަނީ މަޤާމުން ވަކިކުރި ފަހުން ވެސް ސަރުކާރުން ކޮށްފައިވާ ބައެއް ކަންކަން ރައްޔިތުންނަށް ހާމަ ކޮށްދެއްވަމުންނެވެ. ސިޔާސީ ފިއްތުންތަކާހުރެ ނިޔާޒްވެސް އުޅުއްވަނީ އަމިއްލައަށް އަރުވާލެއްވިގެން ރާއްޖެއިން ބޭރުގައެވެ.
