ހުޅުމާލެ ފަރުމައްޗަށް ޕީޕީއެމްގެ ދިދަތައް ޖެހި މައްސަލަ ފެންމަތިވެއްޖެ
30 އޯގަސްޓު 2018 | ބުރާސްފަތި 19:51ޕީޕީއެމްގެ ނުވަ ދިދައެއް ވަނީ ދަގަނޑު ހޮޅިއާއެކު ފަރުމައްޗަށް ޖަހާފައި
ޕީޕީއެމްގެ ދިދަތައް ދަގަނޑު ހޮޅިއާއެކު ފަރަށް ޖަހާފައި
ރައީސުލްޖުމްހޫރިއްޔާ އަބްދުﷲ ޔާމިން އަބްދުލްގައްޔޫމަށް ތާއީދުކުރާ ފަރާތްތަކަކުން ހުޅުމާލެ އިރުމަތީ ފަރާތުގެ ފަރު މައްޗަށް ޕީޕީއެމްގެ ދިދަތައް ޖެހި މައްސަލަ ފެންމަތިވެއްޖެއެވެ.
ފޮޓޯތަކުން ފެންނަ ގޮތުގައި ޕީޕީއެމްގެ ދިދަތަކެއް ވަނީ ދަގަނޑު ހޮޅިއާއެކު ފަރުމައްޗަށް ޖަހާފައެވެ. މިއީ ފަރަށް ގެއްލުން ލިބޭ ކަމަކަށްވާއިރު، ޕީޕީއެމްގެ މިއަމަލާއި ގުޅިގެން ގިނަ ބައެއްގެ ފާޑު ކިޔުން މިހާރު ވަނީ އަމާޒުވެފައެވެ.
ޕީޕީއެމްގެ ދިދަތަށް ފަރުމައްޗަށް ޖަހާފައި -- ފޮޓޯ: ރާއްޖެ.އެމްވީ
މިމައްސަލައާ ގުޅިގެން އެންވަޔަރްމަންޓަލް ޕްރޮޓެކްޝަން އޭޖެންސީ (އީޕީއޭ) އިން ބުނީ ފަރުމައްޗަށް ދަގަނޑު ހޮޅިއާއެކު ދިދަ ޖެހި މައްސަލަ ސަމާލުކަމަށް ގެނެސްފައިވާ ކަމަށާއި، މިމައްސަލަ ބަލަމުން އަންނަ ކަމަށެވެ.
ކެމްޕޭނާއި ގުޅުވައި ތަފާތު އެތަށް ހަރަކާތްތަކެއް ކުރިއަށްގެންދާއިރު، ކެމްޕޭންގެ ތެރޭގައިނަމަވެސް ޤާނޫނާއި ހިލާފު އެއްވެސް ކަމެއް ކުރުމަކީ ކުށެވެ.
