ކ. މާލެ
|
11 ޖެނުއަރީ 2017 | ބުދަ 18:21
ޔުމްނާ މައުމޫން ފުލުސް އޮފީހަށް ހާޒިރުވެވަޑައިގަންނަވަނީ
ޔުމްނާ މައުމޫން ފުލުސް އޮފީހަށް ހާޒިރުވެވަޑައިގަންނަވަނީ
މުހައްމަދު ޝަރުހާން
ޔުމްނާ މައުމޫން
ފުލުހަށް ހާޒިރު ކުރީ ޕީޕީއެމްގެ ހާޑްޑިސްކެއް ގެއްލިގެން ހުށަހެޅި މައްސަލައާ ގުޅިގެން: ޔުމްނާ
 
ހާޒިރު ކުރި ހަމައެކަނި މައުލޫމާތު ސާފް ކުރުމަށް
 
ފުލުހަށް ހާޒިރު ކޮށް ބަޔާން ނަގާފައެއް ނުވޭ

ރައީސް މައުމޫނުގެ ދަރިކަނބަލުން ޔުމްނާ މައުމޫނު ފުލުސް އޮފީހަށް ހާޒިރުވުމަށް ޕީޕީއެމްގެ ހާޑްޑިސްކެއް ގެއްލިގެން ކަމަށް ބުނެ ހުށަހަޅާފައިވާ މައްސަލައާ ގުޅިގެން ކަމަށް ޔުމްނާ ވިދާޅުވެއްޖެއެވެ.

 

ރާއްޖެއެމްވީ އަށް މައުލޫމާތު ދެއްވަމުން ޔުމްނާ ވިދާޅުވީ ހާޑްޑިސްކް ގެއްލިގެން ހުށަހަޅާފައިވާ މައްސަލައާ ގުޅިގެން ފުލުހަށް ހާޒިރު ކުރި ނަމަވެސް ބަޔާނެއް ނަގާފައި ނުވާ ކަމަށެވެ.

 

ޔުމްނާ ވިދާޅުވީ ހެޑްޑިސްކާ ގުޅޭ ގޮތުން ފުލުހުން ސާފް ކުރި ސުވާލްތަކަށް ޖަވާބު ދެއްވި ކަމަށާއި އެގޮތުން ޕީޕީއެމްގެ ފަސް ވަނަ އަހަރީ ދުވަސް ފަހަގަ ކުރުމަށް ހިންގަން މަސައްކަތް ކުރި ހަރަކާތްތަކުގެ މައުލޫމާތު ދެއްވި ކަމަށް ޔުމްނާ ވިދާޅުވިއެވެ. އަދި ފުލުހުން ޕީޕީއެމްގެ އޮފީސް ބަލަހައްޓަން ފެށި ފަހުން ރައީސް މައުމޫނަށް ތާއިދު ކުރައްވާ އެއްވެސް ބޭފުޅަކު އެ އޮފީހަށް ވެދެފައި ނުވާނެ ކަމަށް ފުލުހުންނަށް ދެންނެވި ކަމަށް ޔުމްނާ ވިދާޅުވިއެވެ.

 

މި މައްސަލާގައި ޕީޕީއެމްގެ ސެކްރެޓަރީ ޖެނެރަލްއަކަށް ހުންނެވި އަބުދުލް އަލީމާއި، ޕީޕީއެމްގެ ރައީސް، މައުމޫނު ފެކްޝަނަށް ތާއީދު ކުރައްވާ ތުލުސްދޫ ދާއިރާގެ މެންބަރު މުހައްމަދު ވަހީދު އިބްރަހިމް ވެސް މީގެ ކުރިން ވަނީ ކޯޓަށް ހާޒިރުކޮށް ސުވާލުކޮށްފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް