ކުރީގެ ރައީސް މައުމޫން އަބްދުލްޤައްޔޫމް އަނެއްކާވެސް މާފުށީ ޖަލަށް ބަދަލުކޮށްފި އެވެ.
ރައީސް މައުމޫން މާފުށީ ޖަލަށް ބަދަލުކޮށްފައިވާކަން ޤާނޫނީ ވަކީލުން ކަށަވަރުކޮށްދިފައިވާއިރު، ރައީސް މައުމޫންގެ ވަކީލް ހުސެއިން ޝަމީމް ވިދާޅުވީ ރައީސް މައުމޫން މާފުށީ ޖަލަށް ބަދަލުކުރިއިރު، ރައީސް މައުމޫންގެ ސިއްހީ ހާލުކޮށްޅު ގޯސްވެ، ބޯ ނުގުޑެވުމަށް ޑޮކްޓަރުން އަންގަވާފައިވާކަމަށެވެ. އަދި ޑޮކްޓަރުގެ ރިޕޯޓްގައިވާ މައުލޫމާތުގެ ތެރެއިން ފުލުހުންނާއި ކަރެކްޝަނަލް ސާރވިސްއަށް ސާފުނުވަނީ ކޮން މައުލޫމާތެއްތޯ ޝަމީމް ވަނީ ސުވާލު އުފައްދަވާފަ އެވެ.
ރައީސް މައުމޫން މާފުށްޓަށް ބަދަލުކުރިއިރު، ވަކީލުންގެ ބައްދަލުވުމަށް ފުރުސަތު ދީފައެއް ނުވެ އެވެ. އަދި ރައީސް މައުމޫން މާފުށީ ޖަލަށް ބަދަލުކުރީ ކީއްވެގެންކަމެއްވެސް، އަދި އެމަނިކުފާނުގެ ސިއްހީ ހާލުކޮޅުވެސް ވަކީލުންނަށް ވަނީ ސާފުކުރެވޭގޮތް ނުވެފަ އެވެ.
ރައީސް މައުމޫންގެ ސިއްހީ ހާލުކޮޅު ގޯސްވެ، އެމަނިކުފާނު ދޫނިދޫއަށް ބަދަލުކުރީ އިއްޔެގެ ވަގުތެއްގައެވެ. އަދި ދޫނިދޫއަށް ބަދަލުކުރުމަށްފަހު އެމަނިކުފާނު ފަރިއްކުޅުވާ ބޭސްތައް އަތުލާފައިވާކަމަށް ވަކީލުން ވަނީ ވިދާޅުވެފަ އެވެ.
ރައީސް މައުމޫން ހައްޔަރުކޮށްފައިވަނީ ފެބުރުއަރީ މަހުގެ 6 ވަނަ ދުވަހު އެވެ. އޭގެފަހުން ރައީސް މައުމޫން އެކި ޖަލުތަކުގައި ގެންގުޅޭއިރު، އެމަނިކުފާނަށް ސިއްހީ ފަރުވާ ދިނުމަށް ސަރުކާރުން ހުރަސްތައް ކުރިމަތިކުރަމުންނެވެ.
