ހުޅުމާލޭގައި ޒުވާނެއްގެ ގަޔަށް ވަޅި ހަރައި ޒަޚަމްކޮށްލައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ހުޅުމާލޭގައި ހުކުރު ދުވަހުގެ ރޭ ޒުވާނެއްގެ ގަޔަށް ވަޅިހަރާފައިވާ ކަމުގެ މައުލޫމާތު ލިބިފައިވާ ކަމަށެވެ.
ހުޅުމާލެ ހޮސްޕިޓަލް ހިންގާ އާސަންދަ ކުންފުނީގެ މީޑިއާ ކޯޑިނޭޓަރ އާޝިއާ ސޯލިހު ވިދާޅުވީ ހުޅުމާލޭގައި ހިންގި މާރާމާރީއެއްގައި ޒަޚަމްވި ޒުވާނާ އެ ހޮސްޕިޓަލަށް ގެންދިޔައީ ހުކުރު ދުވަހުގެ ރޭ 9:30 ހާއިރުކަމަށެވެ. އޭނާގެ ގައިގެ ހަތްތަނަކަށް ވަޅި ހަރާފައިވާ ކަމަށް އޭނާ ވިދާޅުވިއެވެ. ޒަހަމްކޮށްލާފައި ވަނީ 24 އަހަރުގެ ޒުވާނެއް ކަމަށާއި އޭނާގެ ހާލު ރަނގަޅުވަމުން އަންނަ ކަމަށް އާޝިއާ ވިދާޅުވިއެވެ.
އެ މާރާމާރީއާ ބެހޭ އިތުރު މައުލޫމާތެއް ފުލުހުން އަދި ހާމައެއް ނުކުރެއެވެ.
