ހުޅުމާލެއިން ދެ ގަޑިއިރަށް ކަރަންޓް ކެނޑިއްޖެ
21 ޖޫން 2018 | ބުރާސްފަތި 09:30ކަރަންޓު ކެނޑުނީ ޓެކްނިކަލް މައްސަލައަކުން: ސްޓެލްކޯ
ހުޅުމާލެ: ކަރަންޓް ކެނޑުނީ ހެދުނު 9:00ގައި
މާލޭ ސަރަހައްދުގެ ބޮޑު އާބާދީއެއް ދިރިއުޅޭ ހުޅުމާލެއިން ދެ ގަޑިއިރަށް ކަރަންޓު ކެންޑިއްޖެއެވެ.
ސްޓެލްކޯގެ އޮފިޝަލަކު "ރާއްޖެއެމްވީ"އަށް ވިދާޅުވީ ކަރަންޓު ކެނޑުނީ ދިމާވި ޓެކްނިކަލް މައްސަލައަކާ ގުޅިގެން ކަމަށާއި، މިހާރު މައްސަލަ ހައްލުކޮށްފައިވާ ކަމަށެވެ. ނަމަވެސް ދިމާވި މައްސަލައިގެ ތަފްސީލެއް އޭނާ ނުދެއްވައެވެ.
ހުޅުމާލެއިން ކަރަންޓު ކެނޑުނީ ބުރާސްފަތި ދުވަހުގެ ހެނދުނު 9:45 ހާއިރުއެވެ. އަދި ކަރަންޓު ލިބުނީ މެންދުރު 11:15 ހާއިރުއެވެ.
ގާތްގަނޑަކަށް ދެ ގަޑިއިރަށް ހުޅުމާލެއިން ކަރަންޓު ކެނޑުމުން އެ ރަށުގެ ގިނަ ހިދުމަތްތަކަކަށް ބުރޫ އަރާފައިވެއެވެ. އެގޮތުން ސްކޫލުތަކާއި، އޮފީސްތަކުގެ މަސައްކަތް ހުއްޓުނެވެ.
ފަހަކަށް އައިސް ދޭތެރެ ދޭތެރިން ހުޅުމާލެއިން ކަރަންޓު ކެނޑެމުންދެއެވެ. އެ މައްސަލައަށް ދާއިމީ ހައްލެއް ނުލިބޭތީ ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ.
