އެމެރިކާގެ މަޝްހޫރު ފެޝަން ޑިޒައިނަރ ކޭޓް ސްޕޭޑް މަރުވެފައި އޮއްވާ ފެނިއްޖެއެވެ.
ފުލުހުން ކޭޓްގެ މަރު ތަހުގީގު ކުރަމުންދާއިރު އޭނާ މަރުވެފައިވަނީ އަމިއްލައަށްކަމަށް ބެލެވޭކަމަށް ފުލުހުންނާ ހަވާލާދީ ރިޕޯޓްތައް ބުނެއެވެ. އަދި އޭނާ މަރުވުމުގެ ކުރިން ލިޔެފައިވާ ނޯޓު ކޮޅެއް ކައިރީގައި އޮތްކަމަށާއި އެކަންތައްތައް ފުލުހުން ތަހުގީގު ކުރަމުން ދާކަމަށްވެސް ރިޕޯޓްތައް ބުނެއެވެ.
ކޭޓް މަރުވެފައި އޮއްވާ ފުރަތަމަ ފެނުނީ އޭނޭގެ އެޕާޓްމަންޓުގެ ތެރެއިން އެގޭގައި ގެންގުޅޭ މަސައްކަތު މީހަކަށެވެ.
ކޭޓް މަޝްހޫރު ވެފައިވަނީ ހެދުމާއި ބޫޓު އަދި ގަހަނާ ޑިޒައިން ކުރާ މީހެއްގެ ގޮތުގައެވެ. އޭނާ މަރުވިއިރު އުމުރަކީ 55 އަހަރެވެ. މަރުވިއިރު 13 އަހަރުގެ އަންހެން ކުއްޖަކު ދުނިޔޭގައި އެބަހުއްޓެވެ.
