ކޭޓް 3 ވަނަ ބޭފުޅަކަށް އާލާސްވެ އިންނަވައިފި
ކޭޓް އާއި ވިލިއަމަށް ވަނީ ދެ ބޭފުޅުން ލިބިވަޑައިގެންފައި
ތަހާރަތު މުހައްމަދު ވަހީދު | 4 ސެޕްޓެމްބަރު 2017 | ހޯމަ 11:16
ކޭޓް މިޑިލްޓަން
އިނގިރޭސި ޝާހީ އާއިލާގެ ކޭޓް މިޑިލްޓަން 3 ވަނަ ބޭފުޅަކަށް އާލާސްވެ އިންނެވި ކަމަށް އިނގިރޭސި ޝާހީ އާއިލާއިން ބުނެފި އެވެ.މިއަދު އިނގިރޭސި ޝާހީ ގަނޑުވަރު ކެނިސްޓަން ޕެލަސް އިން ކޮށްފައިވާ ޓްވީޓެއްގައި ބުނެފައިވަނީ ޕްރިންސް ވިލިއަމްގެ އަނބި ކަނބަލުން ކޭޓް މިޑިލްޓަން ތިންވަނަ ބޭފުޅަކަށް އާލާސްވެ އިންނެވި ކަމަށެވެ.
އެހެން ނަމަވެސް ދަރިފުޅު އުފަންވާނެ ތާރީޚެއް އިއުލާން ކޮށްފައިނުވެއެވެ.
ކެނިސްޓަންހައުސްއިން ކޮށްފައިވާ ޓްވީޓުގައި ބުނެފައިވަނީ ކޭޓް އާލާސްވެއިންނެވިކަން އެނގުމާއި ގުޅިގެން ދެ އާއިލާއަށް އިތުރު އުފާވެރިކަމެއް އައިސްފައިވާ ކަމަށެވެ.
ކޭޓް އާއި ވިލިއަމަށް ވަނީ ދެ ދަރިކަލުން ލިބިވަޑައިގެންފައެވެ. އެއީ ޕްރިންސް ޖޯޖްއާއި ޕްރިންސެސް ޗާލޮޓްއެވެ.
