ހޮނިހިރު 25 ޖެނުއަރީ 2020
7 ހުވަން
1441 ޖުމާދަލްއޫލާ 30
ފަތިސް 05:04
އިރުއަރާ 06:18
މެންދުރު 12:22
އަސްރު 15:42
މަޣްރިބް 18:18
އިޝާ 19:33
ލުއި ޚަބަރު - ބިޕާޝާ އާއި ކަރަން

ލަންޑަނުގައި އޮތް ފެޝަން ޝޯއެއްގެ ރޭމްޕަށް އެރުމަށް އެންމެ ފަހު ވަގުތު ބިޕާޝާ ދެކޮޅު ހަދައިފި

  • ބިޕާޝާ ވަނީ ޝޯ އިންތިޒާމުކުރި ފަރާތަށް ވަރަށް ހުތުރު ބަހުން އެއްޗެހި ކިޔާފައި

އަލީ ޔޫސުފް
AliYooosuf

ކ. މާލެ 8 މާރޗް 2017 | ބުދަ 14:39 2,020

ބިޕާޝާ އާއި ފިރިމީހާ ކަރަން - ގޫގުލް

އިނގިރޭސި ވެރިރަށް ލަންޑަނުގައި ބޭއްވި ފެޝަން ޝޯއެއްގައި ރޭމްޕަށް އެރުމަށް ބޮލީވޫޑްގެ މަޝްހޫރު ތަރި ބިޕާޝާ ބާސޫ ދެކޮޅު ހަދައިފިއެވެ.

ފިރިމީހާ އަދި އެކްޓަރު ކަރަން ސިންގް ގްރޯވަރއާ އެކު ބިޕާޝާ ލަންޑަނަށް ދިޔައީ ލަންޑަނުގެ ޑިޒައިނަރުން ކަމަށްވާ ލުބްނާ އާއި އުޒްމާ ރާފިގްގެ ޝޯއަކަށެވެ. ޝޯ ސްޓޮޕާގެ ގޮތުގައި އޭނާ ހަމަޖައްސާފައިވާއިރު ޕާކިސްތާނާއި އިންޑިޔާގެ ސަގާފަތް ދައްކުވައިދޭ މި ޝޯގެ ރޭމްޕްގައި އޭނާއާ އެކު އެރުމަށް ހަމަޖައްސާފައި އޮތީ ޕާކިސްތާނުގެ މަޝްހޫރު ތަރިއެއް ކަމަށްވާ ޖާވިދު ޝައިޚްއެވެ. ޝޯގެ ކުރިން ދެ މީހުން އެކުގައި އިންޓަވިއު ވެސް ދީފައި ވެއެވެ.

ނަމަވެސް ޝޯ ފެށެން ހަތަރު ގަޑިއިރު ފަހުން ބިޕާޝާ ވަނީ އޭނާގެ ކޮޓަރިއަށް ވަދެ ތަޅުލާފައެވެ. އަދި އެއްވެސް މީހަކާ ވާހަކަ ދައްކަން ވެސް އޭަނާ ވަނީ ދެކޮޅު ހަދާފައެވެ. އޭނާގެ މެނޭޖަރު ވެސް އެކަމަށް މަސައްކަތްކުރި ކަމަށާއި ނަމަވެސް ދޮރު ހުޅުވަން ބިޕާޝާ ދެކޮޅު ހަދާފައިވާ ކަމަށް ރިޕޯޓްތައް ބުނެއެވެ. އަދި ޝޯގެ ބާނީ އަދި އިންތިޒާމުކުރާ ފަރާތަށް ވަރަށް ހުތުރު ބަހުން އެއްޗެހި ކިޔާފައިވާ ކަމަށް ވެސް ރިޕޯޓްތައް ބުނެއެވެ.

އިވެންޓް އޯގަނައިޒަރ ކަމަށްވާ ސަނީ ސުރާނީ ބުނީ މި ޝޯ އަށް ބިޕާޝާ އަށް 7،800 ޕައުންޑް ދިން ކަމަށާއި އެއާޕޯޓުން ނަގުދު ފައިސާ ހަވާލުކުރި ކަމަށެވެ. ނަމަވެސް ކަރަންއާ އެކު ހަނީމޫން ހެދުމަށް ބޭނުންވާ ފައިސާ ވެސް ދިނުމަށް އޭނާ ޑިމާންޑްކުރި ކަމަށާއި މައްސަލައަކީ އެއީ ކަމަށް ބެލެވޭ ކަމަށެވެ. އަދި މުސްތަގުބަލުގައި ބިޕާޝާ އަށް ލަންޑަނުގައި މަސައްކަތްނުކުރެވޭ ގޮތް ހެދުމަށް އިމިގްރޭޝަނަށް ވެސް ހުށަހަޅާނެ ކަމަށް އޭނާ ބުންޏެވެ. އަދި ކަން ހިނގި ގޮތުގެ ހުރިހާ ހެއްކެއް އެމީހުން އަތުގައި އެބަހުރި ކަމަށާއި ލިޔެކިޔުންތަކާއި ހޮޓަލުގެ ސީސީޓީވީ ފޫޓޭޖް ވެސް އެބަހުރި ކަމަށް އޭނާ ބުންޏެވެ. އަދި އެކަމަށް ޖަވާބުދާރީވާން 48 ގަޑިއިރު ބިޕާޝާ އަށް ދީފައިވާ ކަމަށާއި އޭގެ ފަހުން ކަމާ ބެހޭ ފަރާތްތަކަށް ހުށަހަޅައިގެން ގެއްލުމުގެ ބަދަލު ހޯދާނެ ކަމަށް ޝޯ އިންތިޒާމުކުރި ފަރާތުން ވަނީ ބުނެފައެވެ.

މި ވާހަކަތަކަށް ރައްދު ދިނުމުގެ ގޮތުން ބިޕާޝާގެ ތަރުޖަމާނު ބުނީ ޝޯ އިންތިޒާމުކުރި ފަރާތުން އެއްބަސްވުމަށް އިހްތިރާމުކޮށްފައި ނުވާ ކަމަށެވެ. އެގޮތުން ހޮޓާ ވެސް ބުކްކުރަން ޖެހުނީ ބިޕާާޝާ އަމިއްލަ އަށް ކަމަށާއި އެއީ ވަރަށް އަންޕްރޮފެޝަނަލް ކަމެއް ކަމަށެވެ.

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: ރާއްޖެއެމްވީ ލޯކަލް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް