ކޭޓްގެ ކޮއްކޮ ޕިޕާއަށް ވެސް ދަރިއަކު ލިބެނީ

މި އެޕްރީލް މަހުގެ 23 ގައި ވަނީ އިނގިރޭސި ޝާހީ އާއިލާގެ ޕްރިންސް ވިލިއަމްގެ އަނބިކަނބަލުން، ކޭޓް މިޑިލްޓަންއަށް ފިރިހެން ބޭކަލެއް ލިބިވަޑައިގެންފައެވެ.

ކޭޓްއަށް ފިރިހެން ދަރިކަލަކު ލިބިވަޑައިގެންފައިވާއިރު އެކަމަނާގެ ކޮއްކޮ ޕިޕާ މިޑިލްޓަން އަށް ވެސް މިއަހަރުގެ ތެރޭގައި ދަރިއަކު ލިބޭނެ ކަމަށް ޚަބަރުތައް ބުނެފިއެވެ.

ރޮއިޓާސްއިން ރިޕޯޓްކޮށްފައިވާ ގޮތުގައި ޕިޕާ މިޑިލްޓަން އިނނީ ބަލިވެ ކަމަށާއި އޭނާ ވިހާނެ ކަމަށް ލަފާކޮށްފައި ވަނީ އަންނަ އޮކްޓޯބަރުމަހުއެވެ.

ޕްރިންސް ވިލިއަމްސްގެ އަނބިކަބަލުން ކޭޓް މިޑިލްޓަންގެ އެންމެ ހަގު އަންހެން ކޮއްކޮ ޕިޕާ މިޑިލްޓަން ކައިވެނިކޮށްފައި ވަނީ މިދިޔަ އަހަރުގެ އެޕްރީލްމަހުގެ 20 ވަނަ ދުވަހުގައެވެ. އޭނާ ކައިވެނި ކޮށްފައި ވަނީ މިލިއަނާރ އަދި ހެޖްފަންޑް މެނޭޖަރެއް ކަމަށްވާ ޖޭމްސް މެތިއުއާއެވެ.

ޕިޕާ ފުރަތަމަ ދަރިއަށް ބަލިވެ އިން އިރު އޭނާގެ ދައްތަ އަދި ޕްރިންސް ވިލިއަމްސްގެ އަނބިކަބަލުން ކޭޓް މިޑިލްޓަންއަށް ވަނީ މިދިޔަ މަހުގެ ތެރޭގައި ތިންވަނަ ދަރިކަލުން ލިބިވަޑައިގެންފައެވެ. ކޭޓް އަށް ލިބިވަޑައިގެންނެވި ދެވަނަ ފިރިހެން ބޭފުޅާ އަދި ތިންވަނަ ދަރިކަލުންނަށް ލުއީ އާތަރ ޗާލްސްގެ ނަމުން ވަނީ ނަން ދެއްވާފައެވެ.