މަގުމަތިން ދާ މީހުންނަށް ރޯދަ ވީއްލަން ތަކެތި ބަހާނެ މީހުން ހޯދަން އިއުލާންކޮށްފި
19 މެއި 2018 | ހޮނިހިރު 05:29ބަންގި ގޮވާއިރު ގެއަށް ނުދެވޭ މީހުންނަށް މަގުމަތިން ރޯދަ ވީއްލުމަށް އެއްޗެހި ބަހުމަކީ ޓީމް ދައުވާއިން ކޮންމެ އަހަރަކު ވެސް ކުރަމުން އަންނަ މަސައްކަތެއް
ޓީމް ދައުވާގެ މެންބަރުން ތަކެއް
ޓީމް ދައުވާ މޯލްޑިވްސް އިން މަގުމަތިން ދާ މީހުންނަށް ރޯދަ ވީއްލާ ތަކެތި ބަހާނެ މީހުން ހޯދަން އިއުލާންކޮށްފި އެވެ.
ބަންގި ގޮވާއިރު ގެއަށް ނުދެވޭ މީހުންނަށް މަގުމަތިން ރޯދަ ވީއްލުމަށް އެއްޗެހި ބެހުމަކީ ޓީމް ދައުވާއިން ކޮންމެ އަހަރަކު ވެސް ކުރަމުން އަންނަ މަސައްކަތެކެވެ.
ޓީމް ދައުވާއިން ބުނީ މަޣްރިބް ނަމާދު ބަންގި ގޮވަން ކައިރިވުމުން، މާލޭގެ އެކި ހިސާބުތަކަށް މަގު މައްޗަށް ނިކުމެ ވީހާ ގިނަ ބަޔަކަށް މި އެހީތެރިކަން ފޯރުކޮށްދިނުމަށް މަސައްކަތް ކުރަމުން އަންނަ ކަމަށާއި، ކޮންމެ ދުވަހަކު ވެސް 150 އަށްވުރެ ގިނަ މީހުންނަށް ރޯދަ ވީއްލަން އެހީތެރިވެދޭ ކަމަށެވެ. މި މަސައްކަތް އިތުރަށްފުޅާ ކޮށް ކުރިއަށް ގެންދިއުމަށް މަސައްކަތް ކުރަމުންދާ ކަމަށް އެގުރޫޕުން ބުންޏެވެ. މީގެ އިތުރަށް އެގްރޫޕްގެ ފޭސްބުކް ޕޭޖްގައި މިމަސައްކަތް ކޮށްދޭނެ ވޮލެންޓިއަރުން ހޯދުމަށް ވެސް ވަނީ މިހާރު އިއުލާންކޮށްފަ އެވެ.
މަގުމަތިން ދާ މީހުން ރޯދަ ވީއްލުމަށް އެ ގުރޫޕުން ބަހަނީ، ކޮތަޅަށް އަޅާފައި ހުންނަ ކަދުރާއި، ފެންފުޅިއެވެ. މިއެއްޗެހި ޓީމް ދައުވާއިން ގަންނަނީ އެކި މީހުން މިމަސައްކަތް ކުރިއަށް ގެންދިއުމަށް ހަދިޔާކޮށްފައިވާ ފައިސާއިންނެވެ.
