ނޭހާ ދޫޕިއާ އަންގަދް ބެޑީ އާ ކައިވެނި ކޮށްފި

ނޭހާ ދޫޕިއާ އަންގަދް ބެޑީ ކައިވެނި ކޮށްފިއެވެ.

އެ ދެމީހުން ކައިވެނި ކުރިކަން ހާމަކުރީ ސޯޝަލް މީޑިއާ މެދުވެރިކޮށެވެ. ދުވަހަކުވެސް ދެމީހުންގެ ގުޅުން ސޯޝަލް މީޑިއާގައި ހާމަކޮށްފައި ނުވާއިރު ކުއްލިއަކަށް ކައިވެނި ކުރިކަން އެންގުމުން ދެމީހުންގެ ސަޕޯޓަރުންނަށް ވަނީ ވަރަށް ބޮޑު ހައިރާންކަމެއް ގެނުވާފައެވެ.

އިންސްޓަރގްރާމް މެދުވެރިކޮށް ނޭހާ އޭނާގެ ކައިވެނީގެ ފޮޓޯއެއް ޝެއާކޮށްފައި ވާއިރު ކެޕްޝަން އަކަށް ޖަހަފައި ވަނީ މިއީ އެނާގެ މުޅި ހަޔާތުގެވެސް ނިންމުނު އެންމެ ރަނގަޅު ނިންމުންކަމުގައެވެ.

މިމަހުގެ އަށްވަނަ ދުވަހު ސޯނަމްގެ ކައިވެނި ކުލަގަދަ ގޮތަކަށް ކުރެވިގެން ދިޔައިރު ނޭހާ އާއި އަންގަދްގެ ކައިވެނި ކޮށްފައިވަނީ ވަރަށް ކުޑަ ހަފްލާއެއްގެ ތެރެއިންނެވެ.

ފޮޓޯއިން ފެންނަ ގޮތުގައި އޭނާ ކައިވެނި ކޮށްފައި ވަނީ ނިއު ދިއްލީގައެވެ. އަންގަދް އަކީ ދިއްލީގެ ކްރިކެޓް ކުޅުންތެރިޔާ ބިޝާން ސިންގް ބެޑީގެ ދަރިއެކެވެ. ނޭހާވެސް ކިޔަވާފައިވަނީ ދިއްލީގެ ކޮލެޖެއްގައެވެ.

އަންގަދް މަޝްހޫރު ވެފައިވަނީ ޕިންކް، ޓައިގާ ޒިންދާ ހެއި އަދި ޑިއާ ޒިންދަގީ އިންނެވެ. އަނެއްކޮޅުން ނޭހާ ވަނީ ރޭޑިއޯ ޝޯ ނޯ ފިލްޓަރ ނޭހާގައި ވަރަށް ބޮޑު މަގުބޫލުކަމެއް ހޯދާފައެވެ. ދެމީހުންގެ ކައިވެންޏަކީ އުފާވެރި ހަބަރަކަށް ވީކަމުގައި ވިޔަސް ކައިވެނީގެ އިތުރު އެއްވެސް މަޢުލޫމަތެއް އަދި ލިބިފައެއް ނުވެއެވެ.