މެކްސިކޯގެ މޭޔަރަކު ކުލަގަދަ ރަސްމިއްޔާތެއްގައި ކިނބުލަކާ ކައިވެނި ކޮށްފިއެވެ. މި ރަސްމިއްޔާތު އޮތީ މި ދިޔަ ހުކުރު ދުވަހު މެކްސިކޯގެ ދެކުނުގެ ސިޓީއެއް ކަމަށްވާ އޯޒާކާ ގައެވެ. މިއީ ސަގާފީ ގޮތުން އެމީހުންގެ ތެރޭގައި މަސްވެރިކަން ރަނގަޅު ކުރުމަށް އޮންނަ އާދައެއްގެ މަތިން ކުރި ކައިވެންޏެއް ކަމަށް ރިޕޯޓުތައް ބުނެއެވެ.
މޭޔަރު ކައިވެނި ކުރި ކިނބޫ އޮތީ ހުދު ހެދުމެއް ލައްވާފައެވެ. އަދި ދައި ނުގަނެވޭނެ ގޮތައް އަނގަތީގައި ދައްޗެއް ތިއްބާފައެވެ.
މެކްސިކޯގެ އަވަށެއް ކަމަށްވާ ސެން ޕެޑްރޯ ހުއަމެލުލްގެ މީހުންގެ ތެރޭގައި އޮންނަ އާދަޔަކީ އެ ތަނުގެ ވެރިކަމަށް އަންނަ ކޮންމެ މޭޔަރަކުވެސް ކޮންމެ އަހަރަކު އެއް ފަހަރު އައު ކިނބުލަކާ ކައިވެނި ކުރުމެވެ. އެމީހުން ގަބޫލު ކުރާ ގޮތުގައި އެކަމުގެ ސަބަބުން މަސްވެރިކަން ރަނގަޅުވެ، މަސްވެރިންގެ އަތްމަތި ތިޔާގެ ވެއެވެ.
