މީރާއާއި ފާލިހު ކައިވެނިކޮށްފި
ދެމީހުންގެ ކައިވެނީގެ ޕާޓީ ބާއްވާފައިވަނީ ސޯލްޓް ކެފޭ އެންޑް ރެސްޓޯރެންޓުގަ
މީރާ އޭނާގެ ކައިވެންޏަށް ތައްޔާރުވި އިރު އިންސްޓަގްރާމަށް ލާފައި ވާ ފޮޓޯ:އިންސްޓަގްރާމް
މަޝްހޫރު ލަވަކިޔުންތެރިޔާ މީރާ މުހައްމަދު މާޖިދު އަދި މޯލްޑިވިއަން އައިޑޮލުން މަޝްހޫރުކަން ހޯދި ލަވަކިޔުންތެރިޔާ ފާލިހު ކައިވެނިކޮށްފިއެވެ.
މި ދެމީހުން ކައިވެނިކޮށްފައިވަނީ ހޮނިހިރު ދުވަހުގެ މެންދުރުގެ ވަގުތެއްގައެވެ. އެދެމީހުންގެ ކައިވެނީގެ ޕާޓީ ބާއްވާފައިވަނީ ސޯލްޓް ކެފޭ އެންޑް ރެސްޓޯރެންޓުގައެވެ.
ގިނަ ދުވަސްތަކެއް ވަންދެން އެކީގައި ރައްޓެހިކަމުގައި އުޅުމަށްފަހު މީރާއާއި ފާލިހު ލޯބީގެ ގޮތުން ގުޅިފައިވަނީ މިދިޔަ އަހަރުގައެވެ. މީރާ އޭނާގެ ފޭސްބުކް އެކައުންޓުގައި ޖަހާފައިވާ ސްޓޭޓެއްގައި ބުނެފައިވަނީ ހޮނިހިރުދުވަހުގެ ހެނދުނު 11 އިން ފެށިގެން އޭނާގެ ސްނެޕްޗެޓް ޗެކްކުރުމަށެވެ.
މީރާއަކީ ލަވަކިޔުންތެރިޔާ މެޒޯ މުހައްމަދުގެ ދަރިފުޅެވެ.
މިއީ މީރާގެ ފުރަތަމަ ކައިވެންޏެވެ. އެހެން ނަމަވެސް ފާލިހު މީގެ ކުރިން ކައިވެނިކޮށް ވަނީ ދަރިއެއް ލިބިފައެވެ.
