އެންމެ ބޮޑު އެހީތެރިކަމެއް ލިބެނީ ކަރީނާގެ ފަރާތުން: ސޮހާ

މާބަނޑު ދުވަސްވަރު އެންމެ ބޮޑު އެހީތެރިކަމެއް ލިބެނީ ފަހަރި، ކަރީނާ ކަޕޫރު ޚާންގެ ފަރާތުން ކަމަށް ސޮހާ އަލީ ޚާން ބުނެފިއެވެ.

ސޮހާއަކީ ސައިފް އަލީ ޚާންގެ ކޮއްކޮއެވެ.

ސޮހާ ބުނެފައި ވަނީ އޭނާ ބަނޑުބޮޑުވުމުން "ޑައިޓް" ކުރާނެ ގޮތްތަކާއި ކެއުމުގައި ކަންތައްތައް ބަހައްޓަންވީ ގޮތް ބުނެދެނީ ކަރީނާ ކަމަށެވެ. އަދި އޭނާ އަށް ހުރިހާ ކަމެއްގައި ކަރީނާ އެހީވެދޭ ކަމަށް ސޮހާ ބުނެފައި ވެއެވެ.

ސޮހާ ބަލިވެއިންކަން ޔަގީން ކޮށްދީފައި ވަނީ މިދިޔަ މަހުގެ ތެރޭގައި އޭނާގެ ފިރިމީހާ ކުނާލްއެވެ.

އެދެމީހުންގެ އަލަތު ދަރިއެއް ލިބެން އުޅޭކަމަށް ބުނެ އަޑުތައް ފެތުރެން ފެށުމާ އެކު ކުނާލް ވަނީ އެކަން ކަށަވަރު ކޮށްފައެވެ. ކުނާލް ކޮށްފައިވާ ޓްވީޓްގައި ބުނެފައިވަނީ ސޮހާ ވިހާނީ މިއަހަރުގެ ފަހުކޮޅު ކަމަށާއި އެދެމަފިރިން ތިބީ ވަރަށް އުފަލުން ކަމަށެވެ. ސޮހާ އާއި ކުނާލް ކައިވެނި ކޮށްފައި ވަނީ 2015 ގައެވެ.

ސޮހާ އާއި ކުނާލް ބައްދަލު ވެފައި ވަނީ 2009 ވަނަ އަހަރު ފިލްމު "ދޫންޑްތޭ ރެހެޖާއޮގޭ" ޝޫޓް ކުރަން އުޅުމުގެ ތެރޭގައެވެ.

ގިނަ ދުވަސްތަކެއް ވަންދެން ރައްޓެހި ވެގެން އުޅުމަށް ފަހު، ސޮހާއާ ކައިވެނިކުރަން ކުނާލް ޕްރޮޕޯސްކޮށްފައި ވަނީ 2014 ވަނަ އަހަރު ޕެރިހުގައެވެ.

ސޮހާއަކީ މަންޞޫރު ޢަލީ ޚާން ޕަޓޯޑީ އަދި ފިލްމީ ބަތަލާ ޝަރުމީލާ ޓާގޯރުގެ ދަރިއެކެވެ.

ސޮހާ ކުޅެފައިވާ ފިލްމުތަކުގެ ތެރޭގައި "ކަލްޔުގް"، "ޖައި ވީރޫ"، "ގޯލްމާލް 3، ބާގް ޖޯނީ ހިމެނެއެވެ. ސޮހާއާއި ކަރީނާ އަބަދުވެސް ގާތް ގުޅުމެއް އޮންނަ ކަމަށްވެއެވެ.