ވައިފުޅި އަޅައިގެން ފީނަން އުޅުމުގެ ތެރޭގައި "ޑައިވިންގ ޑީކޮމްޕްރެޝަން ސިކްނެސް" (ޑީކޯ) ވެގެން އެމްއެންޑީއެފް ސަދަން އޭރިއާއިން ވައިގެ މަގުން ހެލިކޮޕްޓްރުގައި ސ.ގަމަށް ގެންގޮސްފިއެވެ.

އެމްއެންޑީއެފުން ބުނީ ގދ. ފިޔޯރީ ސިއްޙީ މަރުކަޒުގައި ފަރުވާދެމުންދިޔަ އުމުރުން 37 އަހަރުގެ ދިވެއްސަކު ހޮނިހިރު ދުވަހު 15:45 ހާއިރު އެމްއެންޑީއެފްގެ ހެލިކެޕްޓަރުގައި ސ.ގަމަށް ގެންގޮސް އިތުރު ފަރުވާދޭން ޝަންގްރިއްލާ ރިސޯޓަށް ގެންދިޔަ ކަމަށެވެ. މި މީހާ ޑީކޯ ވެގެން ގދ. ފިޔޯރީ ޞިއްޙީ މަރުކަޒަށް ގެންގޮސް ފަރުވާދޭން ފަށާފައި ވަނީ ހޮނިހިރު ދުވަހު 11:55 ހާއިރުއެވެ.

ސ.ގަމުގެ ރަހާ ދޯނީގެ މި ފަޅުވެރިޔާ ޑިކޯވީ ފުޅި އަޅައިގެން ފީނަން އުޅެނިކޮށް، ފުޅިން ވައި ހުސްވެގެންކަމަށް މަޢުލޫމާތު ލިބިފައި ވެއެވެ.