މިސައިލްތައް އެބަ ތައްޔާރުވޭ: ޓްރަމްޕް

ސީރިޔާގެ ޣޫޫތާގެ ޓައުނެއް ކަމަށްވާ ދޫމާގައި މިދިޔަ ހޮނިހިރު ދުވަހު ދިން ކަމަށް ތުހުމަތުކުރެވޭ ކެމިކަލް ހަމަލާގެ ރައްދުގައި، ރަޝިޔާގެ އެކުވެރި ސީރިޔާއަށްް ފޮނުވާލާ މިސައިލްތަކަަަށް ރަޝިއާ ތައްޔާރަށް އޮތުމަށް ގޮވާލައި އެމެރިކާގެ ރައީސް ޑޮނަލްޑް ޓްރަމްޕް ޓްވީޓްކުރައްވައިފިއެވެ.

"ތައްޔާރުވޭ ރަޝިއާ، އެ ތަކެތި އެބަ އާދޭ، ރީތިވާނެ، އާވާނެ ސްމާޓްވާނެ," ރައީސް ޓްރަމްޕްގެ ޓްވީޓްގައިވެއެވެ.

ރަޝިއާގެ އިސް ފަރާތްތަކުން ވެސް ވަނީ އެމެރިކާއިން ދިން ކޮންމެ ހަމަލާއެއްގެ ރައްދު ދޭނެ ކަމަށް އިންޒާރުދީފައެވެ.

ރައީސް ބަޝާރުލް އަސަދުގެ ސަރުކާރުން ދަނީ އިދިކޮޅު ހަނގުރާމަ ވެރިންގެ ބާރުގެދަށުގައި އޮތް ދޫމާގައި އެއްވެސް ބާވަތެއްގެ ކެމިކަލް ހަމަލާއެއް ދީފައިނުވާނެކަމަށް ބުނަމުންނެވެ.

ބުދަ ދުވަހު ރައީސް ޓްރަމްޕް ކުރެއްވި އެހެން ޓްވީޓެއްގައިވަނީ ސީރިޔާގެ ރައީސްއަކީ "ގޭސް ކިލިންގ އެނިމަލް" އެއްކަމަށް ވެސް ވިދާޅުވެފައެވެ.

އިތުރު އެހެން ޓްވީޓެއްގައި ޓްރަމްޕްވަނީ އެމެރިކާއާއި ރަޝިއާގެ ގުޅުން ދައްކުވއިދޭ އަނދިރި ފޮޓޯއެއް ޓްވީޓް ކުރައްވައި އެއީ އެކަން ވާންޖެހޭ ގޮތް ނޫން ކަމަށް ވިދާޅުވެފައެވެ.

އެމެރިކާއާއި ފްރާންސާއި، އިނގިރޭސިވިލާތުން އެކުގައި މަސައްކަތްކުރުމަށް އެއްބަސްވެފައި ވާއިރު ބެލެވޭ ގޮތުގައި ކެމިކަލް ހަމަލާގެ ރައްދުގައި ހަފްތާ ބަންދުގައި ހަމަލާ ދިނުމަށް ދަނީ ތައްޔާރުވަމުންނެވެ.