ރާއްޖޭގައި ޕިއްޒާހަޓްގެ އައުޓްލެޓެއް މާލޭގައި ހުޅުވައިފި
28 މާރިޗު 2018 | ބުދަ 18:08ޕިއްޒާ ހަޓް ހުޅުވާފައި ވަނީ ގާކޮށީގައި ހަދާފައިވާ މާލެ ސްކޮއާ ފްލެޓް އިމާރާތުގެ ތިރީގައި
ގާކޮށި ފްލެޓްގެ ތިރީގައި އަލަށް ހުޅުވި ޕިއްޒާ ހަޓް
ރާއްޖޭގައި ޕިއްޒާ ހަޓްގެ އައުޓްލެޓެއް ބުދަ ދުވަހުގެ ރޭ ހުޅުވައިފިއެވެ.
މި އައުޓްލެޓް ހުޅުއްވައިދެއްވީ އިކޮނޮމިކް މިނިސްޓަރ މުހައްމަދު ސައީދުއެވެ.
ޕިއްޒާ ހަޓް ރާއްޖޭގައި ހުޅުވާފައި ވަނީ ސްރީލަންކާގައި ވެސް ޕިއްޒާހަޓް ހިންގާ ގެމާ ޕިއްޒާކްރާފްޓް ކުންފުންޏާއި، ރާއްޖޭގެ ކުންފުންޏެއް ކަމުގައިވާ އައިލެންޑް ފުޑްސް މޯލްޑިވްސް ގުޅިގެން އުފައްދާފައިވާ ޖޮއިންޓް ވެންޗަރ، ގެމާ އައިލެންޑް ފުޑްސްއިންނެވެ.
މާލޭގައި ޕިއްޒާ ހަޓް ހުޅުވާފައި ވަނީ ގާކޮށީގައި ހަދާފައިވާ މާލެ ސްކޮއާ ފްލެޓް އިމާރާތުގެ ތިރީގައި، އަމީނީމަގަށް ވާ ގޮތަށެވެ.
އާންމުންނަށް ޕިއްޒާ ހަޓް ހުޅުވަން ނިންމާފައި ވަނީ މާދަމާ ހެނދުނު 11:00 ޖަހާއިރުއެވެ. ޕިއްޒާ ހަޓްގެ އިތުރުން ކޭއެފްސީ ފަދަ މަޝްހޫރު ފްރެންޗައިޒްތައް ވެސް ހުޅުވުމަށް ދަނީ ތައްޔާރުވަމުންނެވެ. އެގޮތުން މާލެ ސްކޮއާގައި ކޭއެފްސީ ވެސް ހުޅުވާ އިރު ހުޅުމާލޭ ޓާމިނަލްގައި ވެސް ދަނީ ދެ ފްރެންޗައިޒެއް ހުޅުވުމަށް ތައްޔާރުވަމުންނެވެ.
