މަޖީދީ މަގުގައި ޕޮއިސްގެ އާ ޝޯ ރޫމެއް ހުޅުވައިފި

ހެޔޮ އަގެއްގައި ބްރޭންޑެޑް ސެންޓް އަދި ބޮޑީ ސްޕްރޭ ވިއްކުމުގައި ދިވެހިންގެ މަގުބޫލުކަން ހޯދާފައިވާ ޕޮއިސްއިން މަޖީދީ މަގުގައި އާ ޝޯ ރޫެމެއް ހުޅުވައިފިއެވެ.

ފްރާންސް ގެ ސެންޓް ވިޔަފާރީގައި މަޝްހޫރު ބްރޭންޑްތައް ކަމަށްވާ ޕެރިސްވެލީ އިތުރުން ލުއިސް ކާޑިން ބްރޭންޑްގެ އިތުރުން ވެސް ތަފާތު އެކި ކޮސްމެޓިކްސް، ޕޮއިސް އިން އަންނަނީ ވިއްކަމުންނެވެ.

ޕޮއިސް އިން މަޖީދީ މަގުގައި ހުޅުވި މި ފިހާރައަކީ އެ ޗޭންގެ އެންމެ ބޮޑު ޝޯރޫމެވެ.

ޕޮއިސްއިން ބުނީ، މި ހުޅުވިގެން ދިޔަ އާ ފިހާރައާއި އެކު ކަސްޓަމަރުންނަށް ޚިދުމަތް ދިނުމުގައި އެތައް ގުނައެއް ފަސޭހަވެގެންދާނެކަމަށެވެ.

ބުރާސްފަތި ދުވަހުގެ ރޭ ޕޮއިސްގެ އާ ޝޯ ރޫމް ހުޅުމުގެ ހަފްލާގައި، އިތުރު އާ ދެ ސެންޓެއްވެސް ވަނީ ބާޒާރަށް ނެރެފައެވެ. އެއީ ޕެރިސް ވެލީގެ "ވިންޑް ފޯލް ވުމަން" އަދި "ޕެޝަން" ސެންޓެވެ.

ދިވެހިންގެ ތެރޭގައި މަގްބޫލްކަން ހޯދަމުން އަންނަ ހޮޓް އައިސް، ޕެރިސްވެލީގެ އިތުރުން ލުއިސް ކާޑިންގެ ސެންޓް އަދި ބޮޑީ ސްޕްރޭގެ ހޯލް ސޭލް ވިޔަފާރިވެސް ކުރަމުން އަންނަ ޕޮއިސްގެ ފިހާރަތަކަކީ ލުއި އަގެއްގައި މީރުވަސް ދުވާ ސެންޓް ވިއްކުމުގައި މަޝްހޫރުކަން ހޯދާފައިވާ ވިޔަފާރިއެކެވެ.