މެންޗެސްޓާ ޔުނައިޓެޑާމެދު އެޓީމުގެ ކޯޗު ހޯޒޭ މޮރީނިއޯ ހިތްހަމަނުޖެހިފައި ހުރި ކަމަށް ރިޕޯޓްތައް ބުނެފިއެވެ.

ރިޕޯޓްތައް ބުނާގޮތުން ހޮނިހިރު ދުވަހުގެ ރޭ ލެސްޓާ ސިޓީއަތުން 2-2 ގެ ނަތީޖާއަކުން ޔުނައިޓެޑް އެއްވަރުވި މެޗަށް ފަހު މޮރީނިއޯ ވަނީ ކްލަބުގެ ކުޅުންތެރިންނާ މެދު ހިތްހަމަނުޖެހުން ފާޅުކޮށްފައެވެ.

މެޗަށް ފަހު ނޫސްވެރިންނަށް މައުލޫމާތު ދެމުން މޮރީނިއޯ ބުނީ ލެސްޓާ އަތުން އެއްވަރުވި މެޗަކީ އެ މެޗަކުން ބަލިވުން ފަދަ މެޗެއް ކަމަށެވެ. އޭނާ ބުނީ ބައެއް ފަހަރު ޕޮއިންޓެއް ލިބުމުން އެކަން މާބޮޑު ކަމަކަށް ނަހަދާ ގަބޫލު ކުރި ނަމަވެސް މިފަހަރު ގަބޫލުނުކުރެވޭނެ ކަމަށެވެ.

މޮރީނިއޯ ބުނީ މެޗު ހުއްޓުވުމަށް ފަހު ކުޅުންތެރިންނަށް އޭނާ އަށް އިރުޝާދު ނުދެވޭނެ ކަމަށާއި، ފަހުވަގުތު ބައިކޮޅަށް ވަން ލަނޑަކީ ޑިފެންސްލައިނުން ހެދި ގޯހެއްގެ ސަބަބުން ވަން ލަނޑެއް ކަމަށެވެ.

މީގެއިތުރުން އޭނާ ބުނީ ލަނޑު ޖަހަން ރަނގަޅު ފުރުސަތުތައް ލިބުނު ނަމަވެސް އެ ފުރުސަތުތައް ގޯލަކަށް ބަދަލު ނުކުރެވުނީ ކުޅުންތެރިންގެ ފަރުވާ ކުޑަކަމުން ކަމަށާއި، އެއީ ގަބޫލު ކުރެވޭނެ ކަމެއް ނޫން ކަމަށެވެ.

ޕްރިމިއާ ލީގުގައި ޔުނައިޓެޑް 19 މެޗު ކުޅެފައިވާއިރު، އޭގެތެރެއިން އެޓީމު މޮޅުވީ 13 މެޗުންނެވެ. ބާކީ ތިން މެޗުން އެޓީމު ބަލިވިއިރު، އަނެއް ތިން މެޗު ނިމުނީ އެއްވަރު ވެގެންނެވެ.