ގްރީސްއިން ސައުދީ އަރަބިއްޔާއަށް 78.7 މިލިއަން އެމެރިކާ ޑޮލަރުގެ މިސައިލާ ބޮން ވިއްކަން އެއްބަސްވުމާއެކު ގްރީސްގެ އެތެރޭގެ ސިޔާސީ ކަންކަން ހަލަބޮލިވެއްޖެއެވެ.
އިދިކޮޅު ސިޔާސީ ފަރާތްތަކުން ތުހުމަތުކުރާގޮތުގައި މިހާރު އޮތް ވައަތުފިޔައިގެ ސިރިޒާ ޕާޓީގެ ސަރުކާރުން މި އެއްބަސްވުން ހެދުމުގައި ފުރިހަމަ ކުރަންޖެހޭ އިޖުރާއަތްތަކަކަށް ބަލާފައެއް ނުވެއެވެ. މީގެ އިތުރުން ފާޑުކިޔާ ފަރާތްތަކުން ދަނީ ހަނގުރާމައެއްގެ ތެރޭގައި އޮތް ގައުމަކަށް ހަތިޔާރު ވިއްކުމާއި ދެކޮޅު ހަދަމުންނެވެ.
ސަރަހައްދުގެ އެންމެ ފަގީރު އަދި ސައުދީ އަރަބިއްޔާއާއި އަވަށްޓެރި ޔަމަނުގައި ހަނގުރާމަ ކުރަމުންދާ ކޯލިޝަން ލީޑުކުރަނީ ސައުދީ އަރަބިއްޔާއެވެ.
މެދުމިނުގެ ސިޔާސަތަށް ތާއީދުކުރާ ގްރީސްގެ ނިއު ޑެމޮކްރަސީ ޕާޓީއަށް ނިސްބަތްވާ ގާނޫނު ހަދާ މަޖިލީހުގެ މެމްބަރުންގެ ވިދާޅުވަމުން ގެންދަވަނީ ޑިފެންސް މިނިސްޓަރ ޕާނޯޝް ކަމެނޯޝް، ސައުދީ އަރަބިއްޔާއާއެކު މި އެއްބަސްވުން އެކުލަވާލުމަށް ގާނޫނާ ޚިލާފަށް އަމިއްލަ ފަރާތެއް މެދުވެރިކުރައްވާފައިވާ ކަމަށެވެ. ޑިފެންސް މިނިސްޓަރ ގެންދަވަނީ އެ ވާހަކަ ދޮގުކުރައްވަމުންނެވެ.
ގްރީސްގެ ގާނޫނުތައް ބުނާގޮތުން އެފަދަ އެއްބަސްވުމެއް އެކުލަވާލުގެ ކަންކަން ކުރިއަށް ގެންދަންޖެހެނީ ސަރުކާރުންނެވެ.
ޔަމަނުގެ ހޫސީންނާ ދެކޮޅަށް ސައުދީ އިސްވެ އޮވެ އުފައްދާފައިވާ ކޯލިޝަނުން ޔަމަަނަށް ވައިގެ މަގުން ހަމަލާދޭން ފަށާފައިވަނީ 2015 ވަނަ އަހަރުގެ މާޗުމަހުގެ 26 ވަނަ ދުވަހުއެވެ.
