ކ. މާލެ
|
7 އޭޕްރިލް 2017 | ހުކުރު 16:39
ސީރިޔާގެ ފޮރިން މިނިސްާޓަރު މުއައްލިމް
ސީރިޔާގެ ފޮރިން މިނިސްާޓަރު މުއައްލިމް
ޓްވިޓަރ
ސީރިޔާ
ކެމިކަލް ހަތިޔާރު ބޭނުން ނުކުރާނަން އަދި ނުވެސް ކުރާނެ: ސީރިޔާގެ ފޮރިން މިނިސްޓަރު
 
އިދްލީބުގައި ދިން ކެމިކަލް ހަމަލާއެއް ކަމަށް ބެލެވޭ ހަމަލާއާއި ގުޅިގެން ބައިނަލްއަގްވާމީ މުޖުތަމައުއިން އިނގިލި ދިއްކުރަނީ ރައީސް ބައްޝާރުލް އަސަދުގެ ސަރުކާރަށް

ސީރިޔާގެ ސިފައިން ކެމިކަލް ހަތިޔާރު "ބޭނުން ނުކުރާ ކަމަށާއި އަދި ކުރިއަށް އޮތްތާނގައި ވެސް ބޭނުން ނުކުރާނެ" ކަމަށް އެގައުމުގެ ފޮރިން މިނިސްޓަރު ވަލީދް މުއައްލިމް ބުރާސްފަތި ދުވަހު ވިދާޅުވެއްޖެއެވެ.

ވެރިރަށް ޑަމަސްކަސް ގައި ބޭއްވި ނޫސްވެރިންގެ ބައްދަލުވުމެއްގައި މުއައްލިމް މިހެން ވިދާޅުވިއިރު ސީރިޔާގެ ޓައުނެއް ކަމަށްވާ އިދްލީބްގައި ދިން ކެމިކަލް ހަމަލާއެއް ކަމަށް ބެލެވޭ ހަމަލާއާއި ގުޅިގެން 86 މީހުން މަރުވެފައިވެއެވެ.

މުއައްލިމް އިތުރަށް ވިދާޅުވީ ސީރިޔާ ސަރުކާރުން ކެމިކަލް ހަތިޔާރު ބޭނުން ނުކުރާނީ ހަމައެކަނީ އާންމު ރައްޔިތުންނަށް އެކަނި ނޫން ކަަމަށާއި އާންމުންނަށް ހަަމަލާ ދޭ ޓެރަރިސްޓް ޖަމާއަތްތަކުގެ ހަނގުރާމަވެރިންނާ ދެކޮޅަށް ވެސް ކެމިކަލް ހަތިޔާރު ބޭނުން ނުކުރާނެ ކަމަށެވެ.

އިދްލީބުގައި ދިން ކެމިކަލް ހަމަލާއެއް ކަމަށް ބެލެވޭ ހަމަލާއާއި ގުޅިގެން ބައިނަލްއަގްވާމީ މުޖުތަމައުއިން އިނގިލި ދިއްކުރަނީ ރައީސް ބައްޝާރުލް އަސަދުގެ ސަރުކާރަށެވެ.

އިދްލީބްގައި ދިން ކެމިކަލް ހަމަލާއެއް ކަމަށް ބެލެވޭ ހަމަލާއާއި ގުޅިގެން އދ.ގެ ސެކިޔުރިޓީ ކައުންސިލުން ވެސް ވަނީ އެއްވެ މަޝްވަރާކޮށްފައެވެ. ބުދަދުވަހު ބޭއްވި ސެކިޔުރިޓީ ކައުންސިލް ބައްދަލުވުމުގައި އެމެރިކާ، އިނގިރޭސިވިލާތް އަދި ފްރާންސް އިން ވަނީ އިދްލީބަށް ދެވުނު ހަމަލާއާއި ގުޅިގެން ހުށަަަހަޅާ ގަރާރެއްގެ ޑްރާޕްޓް ހުށަހަޅާފައެެވެ. މި ގަރާރުގައި ވަނީ އިދްލީބަށް ދެވުނު ހަމަލާ ފުރިހަމަޔަށް ތަހުގީގު ކުރުމަށް ގޮވާލާފައެވެ. މި ބައްދަލުވުމުގައި ރަޝިއާ ވަނީ ސީރިޔާ ދިފާއުކޮށް ވާހަކަ ދައްކާފައެވެ. ރަޝިއާ އިނެް ބުނީ އެމެރިކާ، އިނގިރޭސިވިލާތް އަދި ފްރާންސް އިން ހުށަހެޅި ގަރާރަކީ "ބަލައިނުގަނެވޭނެ" ގަރާރެއް ކަމަށެވެ.

ސީރިޔާ ސަރުކާރުން ތަކުރާރުކޮށް ދަނީ، އެއްވެސް ހަމަލާތަކެއްގައި އެއްވެސް އިރެއްގައި ކެމިކަލް ހަތިޔާރު ބޭނުން ނުކުރާ ކަމަށް ބުނަމުންނެވެ. އެހެން ނަމަވެސް މިދިޔަ އޮކްޓޯބަރުގައި އދ. އާއި އޯގަނައިޒޭޝަން ފޯ ދަ ޕްރޮހިބިޝަން އޮފް ކެމިކަލް ވެޕަންސް އިން ބުނެފައިވަނީ 2014 އާއި 2015 އާ ދޭތެރޭ، ސީރިޔާ ސަރުކާރުގެ ސަލާމަތީ ބާރުތަކުން މަދުވެގެން ތިން ފަހަރެއްގެ މަތިން ހަތިޔާރެއްގެ ގޮތުގައި ބޭނުންކޮށްފައިވާ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް