1979 ން ފެށިގެން ދިވެހިރާއްޖެއިން އަންނަނީ ސަލާމަތީ މަޖިލީސް އިސްލާހު ކުރުމަށް ގޮވާލަމުންކަމަށާއި އެ މަޖިލީހުގެ ދާއިމީ މެމްބަރުންގެ އަދަދު އިތުރުވާން ޖެހޭކަމަށް ރާއްޖެއިން އދ އަށް ކަނޑައަޅުއްވާފައިވާ މަންދޫބު ގޮވާލައްވައިފިއެވެ.

ސަލާމަތީ މަޖިލީހުގެ މެމްބަރުންގެ އަދަދު އިތުރުވަމުންދާއިރު ހަމަހަމަގޮތެއްގައި ތަމްސީލް ކޮށްދެވޭތޯ ކުރެވޭ ސުވާލާއި ސަލާމަތީ މަޖިލީހުގެ އެހެނިހެން ކަންކަމާ ބެހޭ ގޮތުން އޮތް ބަހުސްގައި ރާއްޖެއިން އދއަށް ކަނޑައަޅުއްވާފައި ހުންނަވާ ދާއިމީ މަންދޫބު ޑރ އަލީ ނަސީރު ވިދާޅުވީ 1945 ގައި އދ އުފެދުނު އިރު ތިބީ މިނިވަން މަދު ގައުމެއް ކަމަށެވެ.

ނަސީރު ވިދާޅުވީ ވީޓޯ ބާރު އޮންނަ މެމްބަރުންގެ އަދަދު އިތުރުކުރަން ޖެހޭ ކަމަށެވެ.

" އަޅުގަނޑުމެން ގަބޫލުކުރާ މިހާރު އަޅުގަނޑުމެން މިތިބި ދުވަސްވަރުގެ ސިޔާސީ އަދި އިގްތިސާދީ ހަގީގަތަށް ބެލުމަށް ފަހު ކޮންމެ ބައްރަކަށްވެސް މަދުވެގެން އެއްގޮނޑިދާއިމީ ކުރެވެންޖެހޭ" ޑރ ނަސީރު ވިދާޅުވިއެވެ.

އދގެ ކުޑައިގެ ދަށުން ގައުމުތަކަށް ފައުޖުފޮނުވުން ނުވަތަ އަދަބު ދިނުމުގެ ގޮތުން ފިޔަވަޅު އެޅުމުގެ ބާރު ދީފައިވާ ހަމައެކަނި ގުނަން ކަމަށްވާ ސަލާމަތީ މަޖިލީހަކީ ވަގުތާ ހާލަތަށް ބަލައިގެން އުފައްދާފައިވާ އޮނިގަނޑަކަށްވާއިރު އެ ހާލަތާއި އެ ވަގުތާއި ދުނިޔެ ބަދަލުވެއްޖެ ކަމަށް ރާއްޖޭގެ މަންދޫބު ވަނީ ވިދާޅުވެފައެވެ.

ދުނިޔެ ބަދަލުވެއްޖެ ކަމަށާއި އދ ބަދަލުވެއްޖެ ކަމަށާއި މިއަދު ރައްކާތެރިކަން މާނަކުރާ ގޮތް ބަދަލުވެއްޖެ ކަމަށް މަންދޫބު ވިދާޅުވިއެވެ. އަދި އދގެ މެމްބަރުންގެ އަދަދުވެސް ބަދަލުވެފައިވާއިރު އަދިވެސް އަމަލުކުރެވެމުން ދަނީ ޒަމާންވީ މުސްކުޅި ގޮތަށް ކަމަށް މަންދޫބުވަނީ ވިދާޅުވެފައެވެ.

އިންސާނީ ހައްގުތަކަށް ރާއްޖޭގެ ސަރުކާރުން އަރައިގަންނަމުންދާދިއުން ހުއްޓާލުމަށް ބައިނަލްއަގްވާމީ މުޖުތަމައުއިން ތަކުރާރުކޮށް ގޮވާލަމުންދާއިރު ރާއްޖެއިން މި އަހަރުވަނީ ހިއުމަން ރައިޓްސް ކަންސިލަށް ވާދަ ކުރުމަށްފަހު ނަން އަނބުރާ ގެންގޮސްފައެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި ނަން އަނބުރާ ނަގާފައިވަނީ ގައުމުތަކުގެ ތާއީދު ނެތުމުންނެވެ.

ރާއްޖެއިން ދަނީ  15 މެމްބަރުންގެ މައްޗަށް އެކުލެވޭ ސަލާމަތީ މަޖިލީހުގެ ގޮނޑިއެއް ހޯދުމަށް މަސައްކަތް ކުރަމުންނެވެ.