ކުރުދީންގެ ސަރަހައްދަށް އިރާގް ފައުޖުތައް ފޮނުވުމުން ހަމަނުޖެހުން ހިނގަނީ
ކުރުދީންވަނީ ވަކި ދައުލަތެއް އުފެއްދުމަށް ވޯޓް ނަގާފަ
ދައުލަތުގެ ޓީވީ ބުނާގޮތުން އިރާގުގެ ފައުޖުތަކުންވަނީ "ހަނގުރާމައަކާ ނުލައި" ބައެއް ސަރަހައްދުތަކުގެ ކޮންޓްރޯލް ހޯދާފަ
ކިރްކުކްގައި ކުރުދީންގެ ސަރަހައްދުތަކުގެ ކައިރިއަށް ބަޣްދާދުގެ ސިފައިން ފޮނުވުމުން އިރާގުގެ ފައުޖުތަކާއި ކުރުދީ ހަނގުރާމަ ވެރިންނާ ދެމެދު ކުރިމަތިލުންތައް ހިނގަން ފަށައިފިއެވެ.
އިރާގުގެ ފައުޖުތަކުންވަނީ "ހަނގުރާމައަކާ ނުލައި" ބައެއް ސަރަހައްދުތަކުގެ ކޮންޓްރޯލް ހޯދާފައެވެ. ނަމަވެސް ކުރުދީން އެކަން ދޮގުކުރެއެވެ. ކޮންޓްރޯލް ހޯދާފައިވާ ސަރަހައްދުތަކުގެ ތެރޭގައި ތެޔޮ އުފައްދާ ސަރަހައްދުވެސް ހިމެނެއެވެ.
ބުނެވޭގޮތުގައި ކިރްކުކްގެ ދެކުނުގައި ވަނީ ބަރު ހަތިޔާރު ބޭނުންކޮށްގެން ހަމަލާ ބަދަލުކޮށްފައެވެ.
އެމެރިކާގެ ސަރުކާރުންވަނީ އެ މައްސަލައިގައި އެ ގައުމުން އިންތިހާއަށް ކަންބޮޑުވާކަމަށާއި އަދި އުފެދިފައިވާ ނުތަނަވަސްކަން ހައްލު ކުރުމަށް އޮތް އެންމެ ރަނގަޅު މަގަކީ މަޝްވަރާ ކުރުން ކަމަށް ގޮވާާލާ ކަމަށް ބުނެފައެވެ.
ކުރުދިސްތާނުން އެ ސަރަހައްދުގެ މިނިވަންކަމަށް ފެނޭތޯ ބެލުމަށް ސެޕްޓެމްބަރު މަހު ނެގި ފެންނަ ނުފެންނަ ވޯޓަށްފަހު ދެފަރާތުގެ މެދުގައިވަނީ ކުުރުދީންގެ މުސްތަގްބަލާމެދު ނުތަނަވަސްކަން އުފެދިފައެވެ.
ބަޣްދާދުން ބޭނުންވަނީ ކުރުދިޝް ޕެޝްމާގާ ހަނގުރާމަވެރިން 2014 ވަނަ އަހަރު އައިއެސްއާ ހަނގުރާމަކޮށް އަތުލާފައިވާ ތެޔޮ އުފައްދާ ސަރަހައްދުތައް އަނބުރާ ހޯދުމަށެވެ.
ކިރުކުކަކީ ވަކިވެފައިވާ ކުރުދިސްތާނުގެ ބައެއް ނޫނެވެ.
