ވެނެޒުއޭލާ ހަމަނުޖެހުން: ހުޅަނގުގެ ސަރަހައްދަށް 2600 ސިފައިން ފޮނުވައިފި

ވެނުޒުއޭލާގެ ހުޅަނގުގެ ސްޓޭޓެއް ކަމަށްވާ ޓަޗީރާ ގައި ހިނގަމުންދާ ލޫޓުވުމާއި އަދި މުޒާހަރާތައް ހުއްޓުވުމަށް 2600 ސިފައިން ފޮނުވައިފިއެެވެ.

ޑިފެންސް މިނިސްޓަރު ވްލަޑީމިއާ ޕެޑްރިނޯ ލޯޕެޒް ބުދަ ދުވަހު ދައުލަތުގެ ޓީވީގައި ވާހަކަފުޅުދައްކަވަމުން ވިދާޅުވީ އޭނާ ވަނީ 200 ގާޑް ސިފައިންނާއި އަދި 600 ސްޕެޝަލް އޮޕަރޭޝަންސް ސިފައިން އެ ސަރަހައްދަށް ފޮނުވާފައި ކަމަށެވެ.

ވެނެޒުއޭލާގެ އެކި ކަންކޮޅުތަކުގައި ސަރުކާރާއި ދެކޮޅު މުޒާހަރާތައް ކުރަމުންދާއިރު ވެރިރަށް ސެން ކްރިސްޓޮބަލް ގެ ގިނަ ފިހާރަތައް ބަންދުކޮށްފައިވާއިރު ސިފައިން ދަނީ ފޯރިމަރަމުންނެވެ.

ޓަޗީރާގައި ހިނގަމުންދާ ހަމަނުޖެހުންތަކުގައި މިހަފްތާގައި އެކަނިވެސް ތިން މީހުން މަރުވެފައިވާއިރު، އޭގެތެރޭގައި ފުރާއުމުރުގެ ދެކުދިން ހިމެނެއެވެ.

އޭޕްރީލް ކުރީކޮޅުން ފެށިގެން އަވަސް އިންތިޚާބެއް ބޭއްވުމަށާއި އަދި އިގްތިސާދީ ގޮތުން ގައުމަށް ކުރިމަތިވެފައިވާ ދަތިތަކަށް ހައްލެއް ގެނެއުމަށް އެދި ގޮވާލާ ކުރަމުންދާ މުޒާހަރާތަކުގައި 43 މީހުން ގައުމުގެ އެކިކަންކޮޅުތަކުން މަރުވެފައިވެއެވެ.

ވެނެޒުއޭލާގެ ރައީސް ނިކޮލަސް މަޑޫރޯ ވިދާޅުވަމުން ގެންދަވަނީ މަގުމައްޗަށް މީހުން ނިކުންނަމުން ދަނީ އިދިކޮޅު ސިޔާސީ ފަރާތްތަކުން ހަމަނުޖެހުމަށް ގޮވާލަމުން ދާތީ ކަމަށެވެ.