Raajje.mv
Raajje.mv
  • ރާއްޖެ
  • ދުނިޔެ
  • ކުޅިވަރު
  • ވިޔަފާރި - އިގްތިސާދު
  • ސިއްހަތު
  • ރިޕޯޓު
  • ފިލްމް - މިޔުޒިކް
  • ތަފާތު ޚަބަރު
  • އިސްލާމް
  • ލައިފް ސްޓައިލް
ރިޕޯޓުމަގޭ ރިޕޯޓް

މަގުތަކާއި ސޯޝަލް މީޑިއާގެ އަޑުތައް ނީވޭކަމަށް ހެދުން: ރަސްމާލެ ދޫކޮށްލުމާ ދެކޮޅަށް ތެދުވަނީ މަދު ބައެއްތަ؟

21 ނޮވެމްބަރު 2026 | ހޮނިހިރު 14:08

ރަސްމާލެއިން ބޭރުގެ ކުންފުންޏަކަށް ބިން ވިއްކުމާ ދެކޮޅަށް އާންމުންނާއި އިލްމުވެރިން އަޑުއުފުލަމުންދާއިރު، އެއީ މަދު ބައެއްގެ ކަންބޮޑުވުމެއްގެ ގޮތުގައި ރައީސް މުއިއްޒު ސިފަކުރެއްވުމުން ގިނަ ބައެއްގެ ފާޑުކިޔުން ވަނީ އަމާޒުވެފައި. މި ނިންމުމާ މެދު ރައްޔިތުންގެ ސީދާ ބަސް ހޯދުމަށް ގޮވާލަމުންދިޔަ ނަމަވެސް، ސަރުކާރުން ދަނީ ރައްޔިތުންގެ އިހުސާސްތަކަށް ބެލުމެއްނެތްކަން ހާމަވާ ފަދަ ގޮތަކަށް އަމަލުކުރަމުން

ޝާމާ ޝުއައިބް
ޝާމާ ޝުއައިބް | 21 ނޮވެމްބަރު 2026 | ހޮނިހިރު 14:08
ރަސްމާލެ މަޝްރޫއާ ދެކޮޅަށް ބޭއްވި އެއްވުން

ރަސްމާލެ މަޝްރޫއާ ދެކޮޅަށް ބޭއްވި އެއްވުން | މޯލްޑިވްސް އިންޑިޕެންޑެންޓް

ރައީސް ޑރ. މުހައްމަދު މުއިއްޒު ޖުމްހޫރީ ދުވަހުގެ ރަސްމީ ޖަލްސާގައި ދެއްކެވި ވާހަކަފުޅުގައި، ރައްޔިތުންނަށް ބޯހިޔާވަހިކަން ފޯރުކޮށްދިނުމަށް ދައުލަތުގެ ފައިސާއިން ހިއްކަމުންގެންދާ ރަސްމާލޭގެ ބައެއް ޔޫއޭއީގެ އީގަލް ހިލްސް ކުންފުންޏަށް ދޫކޮށްލުމާ ދެކޮޅަށް ތެދުވެފައިވަނީ މަދު ބައެއް ކަމަށް ދޭހަވާ މޭރުމަކުން ވާހަކަފުޅު ދެއްކެވުމަކީ، މިއަދު ރާއްޖޭގެ މަގުތަކުގައްޔާއި ސޯޝަލް މީޑިއާއިން ފެންނަން އޮތް ހަގީގީ މަންޒަރާ މުޅިން ހިލާފު، އަދި އާންމު ރައްޔިތުންގެ ކަންބޮޑުވުންތަކަށް އެމަނިކުފާނު ކުރައްވާ މަލާމާތެއްގެ ގޮތުގައި ގިނަ ބަޔަކު ދަނީ ސިފަކުރަމުންނެވެ. އެމަނިކުފާނު ތާރީހީ މިސާލުތަކުގެ ތެރެއިން، މުހައްމަދު އަމީންގެ ވެރިކަމުގައި އަންހެން ކުދިންނަށް ތައުލީމު ދިނުމަށް ކުރެއްވި މަސައްކަތްތަކާއި، އިބްރާހީމް ނާސިރުގެ ވެރިކަމުގައި މަސްދޯނިފަހަރުގައި އިންޖީނު އެޅުމާއި ފަތުރުވެރިކަން ތައާރަފުކުރުމާ ގުޅުވައި، ކުރިއެރުމާއި ޒަމާނީ ތަރައްގީއަށް ދިވެހީން އަބަދުވެސް މަރުހަބާ ކިޔާކަމަށް ވިދާޅުވި އެވެ. 

ނަމަވެސް، ދައުލަތުގެ ބަޖެޓުން ބޮޑު ހޭދައެއް ކޮށްގެން ހިއްކަމުންދާ ރަސްމާލެއިން ޔޫއޭއީގެ އީގަލް ހިލްސް ކުންފުންޏަށް 500 ހެކްޓަރުގެ ބިން ވިއްކުމުގެ ކޮމާޝަލް ޓާމްސް އެއްބަސްވުމުގައި ސޮއިކުރުމަކީ ގައުމީ އަދި އިގުތިސާދީ ގޮތުން ކަންބޮޑުވުން އުފެދޭ ކަމެއް ކަމަށް މިއަދު ބުނަމުން ދަނީ މަދު ބައެއް ނޫނެވެ. އެތައް ބަޔަކު ދަނީ މިކަމާ ދެކޮޅަށް އަޑުއުފުލައި، ނުރުހުން ފާޅުކޮށް، ކަންބޮޑުވުން ވެސް ފާޅުކުރަމުންނެވެ. އަދި މި ނިންމުމާ ދެކޮޅަށް ސޯޝަލް މީޑިއާގައާއި އާންމު މަސްރަހުގައި ގިނަ ބަޔަކު އަޑު އުފުލަމުންދާއިރު، މިއީ ހަމައެކަނި ސިޔާސީ ވާދަވެރިކަމެއްގެ ގޮތުގައި ނުވަތަ މަދު ބައެއްގެ ކަންބޮޑުވުމެއްގެ ގޮތުގައި އެމަނިކުފާނު އެކަން ސިފަކުރެއްވުމަކީ ހަގީގަތުގައި ވެސް މިއަދު އެމަނިކުފާނު ރައްޔިތުންނަށް ކުރައްވާ މަލާމާތެއް ނޫންތޯ އެވެ.

ރަސްމާލެ މަޝްރޫއަކީ އާންމު ރައްޔިތުންގެ އެންމެ ބޮޑު އުންމީދު ކަމަށްވާ ބޯހިޔާވަހިކަމުގެ މައްސަލައާ ސީދާ ގުޅިފައިވާ މަޝްރޫއަކަށް ވާއިރު، ދައުލަތުގެ މާލިއްޔަތުން ބޮޑު ހޭދައެއް ކޮށްގެން ހިއްކާ ބިމުގެ ބޮޑު ބައެއް ބޭރުގެ ކުންފުންޏަކަށް ދޫކޮށްލުމަކީ ރައްޔިތުންގެ ހައްގުތަކާއި މުސްތަގުބަލާ ގުޅުންހުރި ނާޒުކު ނިންމުމެކެވެ. މިއީ ވަކި ސިޔާސީ ފިކުރަކަށް ނިސްބަތްވުމުގެ ކުރިން، އަމިއްލަ ގޯއްޗަކާއި ގެދޮރެއް ނެތި ދަތި ހާލުގައި އުޅޭ އެތައް ހާސް އާއިލާއެއްގެ ވިންދާ ގުޅިފައިވާ މައްސަލައެކެވެ. ރަސްމާލެއިން ބިން ދޫކޮށްލުމާ ގުޅިގެން އާންމުންގެ މެދުގައި އުފެދިފައިވާ ކަންބޮޑުވުންތަކަށް ބަލާއިރު، ސޯޝަލް މީޑިއާގެ އެކި ޕްލެޓްފޯމްތަކުގައި އާންމުން އަންނަނީ މި ނިންމުމުގެ ސަބަބުން ރާއްޖޭގެ ބިމުގެ މިލްކުވެރިކަމަށާއި ގައުމީ ސިޔާދަތަށާއި އިސްލާމީ ވަހުދަތަށް އޮތް ނުރައްކާތަކާ މެދު ފާޅުގައި ސުވާލު އުފައްދަމުންނެވެ.

މަގުތަކަށް ނުކުމެ ކުރަމުންދާ އިހުތިޖާޖުތަކާއި އެއްވުންތަކުން ވެސް ފެންނަނީ ސަރުކާރުން ދައްކާ ވާހަކަތަކާއި އާންމުންގެ ހާލަތާ ދެމެދު އޮތް ބޮޑު ފަރަގެވެ. "ދިވެހީންގެ ބިން ދިވެހީންނަށް" ފަދަ ހަރަކާތްތަކާއި އެކި ރޭތަކުގައި ބާއްވަމުންދާ އެއްވުންތަކުގައި އާންމު ރައްޔިތުންނާއި ޤާނޫނީ ވަކީލުންނާއި އާންމު ޖަމިއްޔާތަކުން ބައިވެރިވެ، ރަސްމާލޭގެ ބިން ބޭރު ފަރާތަކަށް ދޫކޮށްލުމާ ދެކޮޅަށް އަޑު އުފުލަމުން ދާދިޔުމަކީ އެއްވެސް ޝައްކެއް ނެތް މިންވަރަށް އާންމުންގެ ކަންބޮޑުވުން ހުރި މިންވަރު އަންގައިދޭ ފުރިހަމަ މިސާލެކެވެ. މީގެ އިތުރުން، ދީނީ އިލްމުވެރިންނާއި ޖަމިއްޔާ ޖަމާއަތްތަކުން ވެސް މި މަޝްރޫއާ މެދު ކަންބޮޑުވުން ފާޅުކޮށް، އެއްބަސްވުމުގައި ސޮއިކުރުމުގެ ކުރިން މަޝްރޫއު ހުއްޓާލުމަށް ގޮވާލާފައިވާކަން ފާހަގަކުރެވެ އެވެ.

އިދިކޮޅު ސިޔާސީ ލީޑަރުންނާއި ޕާޓީތަކުން ވެސް މި މައްސަލައިގައި އަންނަނީ ރައްޔިތުންގެ ހިޔާލު ހޯދުމުގެ އާންމު ވޯޓަކަށް ނުވަތަ ރެފެރެންޑަމްއަކަށް ދިއުމަށް ގޮވާލަމުންނެވެ. ރާއްޖޭގެ ބިމާ ގުޅޭ މިފަދަ ބޮޑު ނިންމުމެއް ނިންމާއިރު، ރައްޔިތުންގެ ސީދާ ބަސް ހޯދުމަކީ ޑިމޮކްރަސީގެ އުސޫލުތަކާއި ރައްޔިތުންގެ ބާރުވެރިކަމާ ގުޅިފައިވާ ކަމެއް ކަމަށް އެ ފަރާތްތަކުން ދެކެ އެވެ. ނަމަވެސް، ރައީސް މުއިއްޒު ވަނީ ރެފެރެންޑަމްއެއް ބޭއްވުމުގެ ވިސްނުންފުޅެއް ނެތްކަމަށް ވިދާޅުވެ، ރަސްމާލެ މަޝްރޫއާ ގުޅޭ ކަންބޮޑުވުންތަކަކީ އެއްވެސް އަސާސެއް ނެތް ވާހަކަތަކެއްގެ ގޮތުގައި ސިފަކުރައްވާފަ އެވެ. މިފަދަ ގޮތަކަށް ރައްޔިތުންގެ ކަންބޮޑުވުންތައް އަޅާނުލައްވާ ދޫކޮށްލެއްވުމާއި 99 އަހަރުގެ ދިގު މުއްދަތުގެ ލީސްތަކާއި ބިމުގެ މިލްކުވެރިކަމާ ގުޅޭ ޤާނޫނީ ބަދަލުތައް މަޖިލީހުގެ ތެރެއިން ހަލުވި މިނުގައި ކުރިއަށް ގެންދިއުމަކީ، ރައްޔިތުންގެ އަޑު އަހާ ސަރުކާރެއްގެ ސިފަ ގެއްލިފައިވާ ކަމުގެ ހެއްކެކެވެ.

ތާރީހުގައި ހިނގާފައިވާ ތަރައްޤީގެ މުހިންމު ބަދަލުތަކާއި ރަސްމާލޭގެ ބިން ވިއްކާލުމުގެ މައްސަލަ އެއްގޮތް ކުރުމަކީ ވެސް ގިނަ ބަޔަކު ގަބޫލުކުރާ ގޮތުގައި ސަރުކާރުން މިކަން އޮޅުވާލުމަށް ދައްކާ ވާހަކަތަކެވެ. މަސްދޯނިފަހަރުގައި އިންޖީނު އެޅުމާއި އަންހެން ކުދީންނަށް ތައުލީމު ދިނުމާއި، ފަތުރުވެރިކަން ތައާރަފްކުރުމަކީ ދިވެހިންގެ އަތްމަތީގައި ބާރު އޮވެ، ދިވެހިންގެ އަމިއްލަ ބިމާއި ވަސީލަތްތައް ބޭނުންކޮށްގެން ކުރިއެރުން ހޯދުމަށް އެޅުނު މުހިއްމު ފިޔަވަޅުތަކެކެވެ. އެކަމަކު، ދައުލަތުގެ ފައިސާއިން ހިއްކާ ބިމުގެ ބޮޑު ބައެއް ބޭރުގެ އިންވެސްޓަރަކަށް ދޫކޮށްލައި، އެތަނުގައި އުފެދޭ ޕްރޮޕަޓީތަކުގެ ލީސް އުސޫލުތައް ބައްޓަންކުރާ ގޮތާ މެދު އުފެދޭ ސުވާލުތަކަކީ މުޅިން ތަފާތު، އަދި ގައުމީ މުސްތަގުބަލާއި މިނިވަންކަމާ ވެސް ގުޅޭ ބޮޑު މައްސަލައެކެވެ.

އާންމު ރައްޔިތުންގެ ޝުއޫރުތަކާއި މުޒާހަރާތަކާއި މީޑިއާތަކުގައި ދެކެވޭ ވާހަކަތައް މިހާ ސާފުކޮށް ފެންނަން އޮތްއިރު، ރައްޔިތުންގެ މާބޮޑު ދެކޮޅުވެރިކަމެއް ނެތް ކަމަށް ދޭހަވާ ފަދަ ވާހަކަތަކެއް ދެއްކުމަކީ، ވެރިކަމުގެ ފަރާތުން އާންމު ރައްޔިތުންގެ ހަގީގީ އިހުސާސްތަކަށް ދޭ ސަމާލުކަމުގެ ކުޑަކަން ހާމަވާ ކަމެކެވެ. އަދި މިއީ ރައްޔިތުންގެ ހަގީގީ އިހުސާސްތަކާއި ވިންދާ މެދު ސަރުކާރުން އެކަށީގެންވާ ސަމާލުކަމެއް ނުދޭކަން ދައްކުވައިދޭ ކަމެއް ވެސްމެ އެވެ. ވެރިކަން ހިންގުމުގެ ނިޒާމުގެ ތެރެއިން ދެކެވޭ ވާހަކަތަކާއި ފެންނަމުންދާ ހަގީގަތްތަކާ ދެމެދު އުފެދޭ މިފަދަ ފަރަގުތައް ފުޅާވަމުން ދިޔުމަކީ، ވެރިންނާއި ރައްޔިތުންނާ ދެމެދު އޮންނަންޖެހޭ އިތުބާރުގެ ގުޅުން ބަލިކަށިވެ، މުޖުތަމައުގެ ހަމަޖެހުމާއި ސުލްހަވެރިކަމަށް ބުރޫއަރައި، ސިޔާސީ އަދި އިޖުތިމާއީ ނުތަނަވަސްކަން އިތުރުވުމަށް މަގުފަހިވާ ކަމެކެވެ.  ގައުމުގެ ހަމަޖެހުމާއި ތަރައްގީގެ ދުވެލި ދެމެހެއްޓުމަށްޓަކައި، ކަންކަމުގެ ހަގީގީ މަންޒަރު އޮޅުންފިލުވައިދިނުމަކީ ވެރިކަމުގެ ޒިންމާއެކެވެ. އެހެންނަމަވެސް މިއަދު ސާފުކޮށް ފެންނަ މަންޒަރަކީ ކޮންމެ ޒިންމާއަކުން ވެސް މި ސަރުކާރު ރެކެމުންދާ މަންޒަރެވެ. 

ޑރ. މުހައްމަދު މުއިއްޒުއީގަލް ހިލްސްރަސްމާލެ

އެންމެ ހިނގާ

1

ގްރެޖުއޭޝަނަށް ބޮޑު ހޭދައެއް ކުރުވުމަށްފަހު، ބޯދިގު ކަމަށް ބުނެ ރެހެންދި ސްކޫލުގެ ގިނަ ދަރިވަރުންތަކެއް ގެއަށް ފޮނުވާލައިފި

2

2028 ގެ އިންތިޚާބަށްފަހު އެއްބަސްވުން ބާތިލުވެދާނެތީ، ފެންނަ ނުފެންނަ ވޯޓަކާ ނުލައި ސޮއިނުކުރުމަށް އެދި އަލައްބާރު އަށް ސިޓީއެއް!

3

އެއް ލައްކަ މެންބަރުން ހަމަވި ކަމަށް ބުނެ އުފާފާޅުކުރި ޕީއެންސީގެ މެންބަރުންގެ އަދަދު އަނެއްކާވެސް ދަށަށް

4

ހިމާޔަތްކޮށްފައިވާ ކ. ރަސްފަރި ސަރަހައްދާ ކައިރި ފަޅަކަށް ގިނަ އަދަދެއްގެ ގާކުނޑި އަޅައި އެ ފަޅު ކުނިގޮނޑަކަށް ހަދައިފި

5

އަދާލަތު ޕާޓީއަށް ގިނަގުނަ ހިދުމަތްތަކެއް ކޮށްދެއްވާފައިވާ ޝެއިހް ހަސަން ލަތީފް އެ ޕާޓީން ވަކިވެވަޑައިގަންނަވައިފި

އިތުރަށް ކިޔާލަން

21 ނޮވެމްބަރު 2026

ރަސްމާލެ މަޝްރޫއާ ދެކޮޅަށް އެމްޑީޕީން 26 ނޮވެމްބަރުގައި މަގުމައްޗަށް ނުކުންނަނީ!

21 ނޮވެމްބަރު 2026
ރަސްމާލެ މަޝްރޫއާ ދެކޮޅަށް އެމްޑީޕީން 26 ނޮވެމްބަރުގައި މަގުމައްޗަށް ނުކުންނަނީ!
21 ނޮވެމްބަރު 2026

ރަސްމާލެ މަޝްރޫއާ ގުޅިގެން ފެންނަ ނުފެންނަ ވޯޓެއް ނެގުމަށް ރައީސް ނަޝީދު ގޮވާލައްވައިފި

21 ނޮވެމްބަރު 2026
ރަސްމާލެ މަޝްރޫއާ ގުޅިގެން ފެންނަ ނުފެންނަ ވޯޓެއް ނެގުމަށް ރައީސް ނަޝީދު ގޮވާލައްވައިފި
20 ނޮވެމްބަރު 2026

2028 ގެ އިންތިޚާބަށްފަހު އެއްބަސްވުން ބާތިލުވެދާނެތީ، ފެންނަ ނުފެންނަ ވޯޓަކާ ނުލައި ސޮއިނުކުރުމަށް އެދި އަލައްބާރު އަށް ސިޓީއެއް!

20 ނޮވެމްބަރު 2026
2028 ގެ އިންތިޚާބަށްފަހު އެއްބަސްވުން ބާތިލުވެދާނެތީ، ފެންނަ ނުފެންނަ ވޯޓަކާ ނުލައި ސޮއިނުކުރުމަށް އެދި އަލައްބާރު އަށް ސިޓީއެއް!
20 ނޮވެމްބަރު 2026

ޕީއެންސީގެ މެންބަރުންގެ އަދަދު 1 ލައްކައަށް އަރުވަން ސަރުކާރު ޑެސްޕަރޭޓް ލެވެލްއަކަށް؟

20 ނޮވެމްބަރު 2026
ޕީއެންސީގެ މެންބަރުންގެ އަދަދު 1 ލައްކައަށް އަރުވަން ސަރުކާރު ޑެސްޕަރޭޓް ލެވެލްއަކަށް؟
20 ނޮވެމްބަރު 2026

މި ދިރާސީ އަހަރު ނާލާފުށީ ސްކޫލުގައި ކިޔަވައިދޭނެ ކަމަށް ރައީސް ވައުދުވެވަޑައިގެންނެވި ނަމަވެސް، އަހަރު ނިމެންދާއިރު ވެސް މަސައްކަތް އޮތީ ހުއްޓިފައި!

20 ނޮވެމްބަރު 2026
މި ދިރާސީ އަހަރު ނާލާފުށީ ސްކޫލުގައި ކިޔަވައިދޭނެ ކަމަށް ރައީސް ވައުދުވެވަޑައިގެންނެވި ނަމަވެސް، އަހަރު ނިމެންދާއިރު ވެސް މަސައްކަތް އޮތީ ހުއްޓިފައި!
20 ނޮވެމްބަރު 2026

އެއް ލައްކަ މެންބަރުން ހަމަވި ކަމަށް ބުނެ އުފާފާޅުކުރި ޕީއެންސީގެ މެންބަރުންގެ އަދަދު އަނެއްކާވެސް ދަށަށް

20 ނޮވެމްބަރު 2026
އެއް ލައްކަ މެންބަރުން ހަމަވި ކަމަށް ބުނެ އުފާފާޅުކުރި ޕީއެންސީގެ މެންބަރުންގެ އަދަދު އަނެއްކާވެސް ދަށަށް
20 ނޮވެމްބަރު 2026

ތަރައްގީގެ ސިޔާސަތު އެކަށައަޅާފައި އޮންނާނީ ދެ ނުކުތާއެއްގެ މައްޗަށް: ރައީސް މުއިއްޒު

20 ނޮވެމްބަރު 2026
ތަރައްގީގެ ސިޔާސަތު އެކަށައަޅާފައި އޮންނާނީ ދެ ނުކުތާއެއްގެ މައްޗަށް: ރައީސް މުއިއްޒު
19 ނޮވެމްބަރު 2026

ރައްޔިތުންގެ މަޖިލީހަށް ހުށަހަޅާފައިވާ ރިއަލް އެސްޓޭޓް ބިލުގައި ވަރަށް ބޮޑު އޮޅުވާލުމެއް އަދި މަކާރާއި ހިލާތެއް ހިމެނޭ: ޑރ. ޒާހިރު

19 ނޮވެމްބަރު 2026
ރައްޔިތުންގެ މަޖިލީހަށް ހުށަހަޅާފައިވާ ރިއަލް އެސްޓޭޓް ބިލުގައި ވަރަށް ބޮޑު އޮޅުވާލުމެއް އަދި މަކާރާއި ހިލާތެއް ހިމެނޭ: ޑރ. ޒާހިރު
19 ނޮވެމްބަރު 2026

ރަސްމާލެ މަޝްރޫއުގެ އެއްބަސްވުމުގެ އަސަރު ރާއްޖޭގެ އިސްލާމް ދީނާއި ބިމާއި ސިޔާދަތުގެ އިތުރުން އަންނަން އޮތް ޖީލުތަކަށްވެސް ފޯރާނެ: އިލްމުވެރިންގެ ގުޅުން

19 ނޮވެމްބަރު 2026
ރަސްމާލެ މަޝްރޫއުގެ އެއްބަސްވުމުގެ އަސަރު ރާއްޖޭގެ އިސްލާމް ދީނާއި ބިމާއި ސިޔާދަތުގެ އިތުރުން އަންނަން އޮތް ޖީލުތަކަށްވެސް ފޯރާނެ: އިލްމުވެރިންގެ ގުޅުން
19 ނޮވެމްބަރު 2026

ރަސްމާލެއާ ދެކޮޅަށް ކޮންމެ ރެއަކު އަޑުއުފުލުމަކީ ރައީސް މުއިއްޒު އަށް އެންމެ އުނދަގޫވާ ކަންތައް، މި ކަމުގައި ދެމިތިބޭނަން: އަލީ ހުސެއިން

19 ނޮވެމްބަރު 2026
ރަސްމާލެއާ ދެކޮޅަށް ކޮންމެ ރެއަކު އަޑުއުފުލުމަކީ ރައީސް މުއިއްޒު އަށް އެންމެ އުނދަގޫވާ ކަންތައް، މި ކަމުގައި ދެމިތިބޭނަން: އަލީ ހުސެއިން
ރާއްޖެދުނިޔެކުޅިވަރުވިޔަފާރި - އިގްތިސާދުސިއްހަތުރިޕޯޓުފިލްމް - މިޔުޒިކްތަފާތު ޚަބަރުއިސްލާމްލައިފް ސްޓައިލް
RaajjeMV
RaajjeTV
Raajje Sport
RaajjeTV Live
RaajjeTV PR
RaajjeMV
Raajje.mv

Copyright © 2010-2025 Raajje Television Pvt Ltd.

All rights reserved

ޕްރައިވެސީ ޕޮލިސީކިޔުންތެރިންގެ ހިޔާލުޓާމްސް އޮފްޔޫސް