ކޮރަޕްޝަނުގެ ބޮޑު އަދަބުން ލުއި ހޯއްދެވުން: ނަޖީބު ރަޒާކު ބޮޑު ޖޫރިމަނާއެއް ދައްކަވައި ޖަލު ގޮޅިން ގޭބަންދަށް!

މެލޭޝިއާގެ ދައުލަތުގެ އިންވެސްޓްމަންޓް ފަންޑު، ވަން މެލޭޝިއާ ޑިވެލޮޕްމެންޓް ބަރހަދުއާ (1އެމްޑީބީ) ގުޅުންހުރި ކޮރަޕްޝަނުގެ މައްސަލައިގައި އެ ޤައުމުގެ ކުރީގެ ބޮޑުވަޒީރު ނަޖީބު ރަޒާކުގެ މައްޗަށް ކަނޑައެޅި 50 މިލިޔަން މެލޭޝިއަން ރިންގިޓުގެ (ގާތްގަނޑަކަށް 12.3 މިލިޔަން އެމެރިކާ ޑޮލަރު) ޖޫރިމަނާ ދައްކަވައިފި އެވެ. މި ފައިސާ ދެއްކެވުމާއެކު، ޖަލު ހުކުމުގެ ބާކީބައި ގޭބަންދުގައި ފުރިހަމަކުރެއްވުމަށް އޭނާއަށް މަގު ފަހިވެފައިވާ ކަމަށް ދައުލަތުގެ ޚަބަރު ފަތުރާ އިދާރާ ކަމަށްވާ ބަރްނާމާ ނޫސް އޭޖެންސީން ހުކުރު ދުވަހު ރިޕޯޓުކުރި އެވެ.

މެލޭޝިއާގެ ރަސްގެފާނު އައްސުލްޠާން އިބްރާހީމް ނިމިދިޔަ އޮކްޓޫބަރު މަހު ވަނީ ނަޖީބަށް ޝަރުތުތަކަކާއެކު ލުއި މައާފެއް ދެއްވާފަ އެވެ. އެ ނިންމެވުމުގެ ދަށުން، ކަނޑައެޅިފައިވާ ޖޫރިމަނާ ދެއްކެވުމަށާއި މައާފު ދިނުމުގެ އަމުރުގައި ބަޔާންކޮށްފައިވާ އެހެނިހެން ޝަރުތުތައް ފުރިހަމަކުރެއްވުމުން، 2028 އޮގަސްޓު 23 އާ ހަމައަށް އޭނާގެ ޖަލު އަދަބުގެ ބާކީ އޮތް ބައި ގޭބަންދުގައި ހުންނަވައިގެން ތަންފީޒުކުރެއްވުމުގެ ހުއްދަ ދެއްވާފައިވެ އެވެ.

Advertisement

މިހާރު އުމުރުފުޅުން 73 އަހަރުގެ ނަޖީބު ކަޖަންގު ޖަލުގައި ހުކުމް ތަންފީޒުކުރައްވަމުން ގެންދަވަނީ 2022 އޮގަސްޓު 23 އިން ފެށިގެންނެވެ. އެއީ، 1އެމްޑީބީގެ ކުރީގެ ގޮތްޕެއް ކަމަށްވާ އެސްއާރްސީ އިންޓަނޭޝަނަލްއާ ގުޅުންހުރި ކޮރަޕްޝަނުގެ މައްސަލައިގައި އޭނާގެ މައްޗަށް އިއްވި ހުކުމް މެލޭޝިއާގެ ފެޑެރަލް ކޯޓުން ދެމެހެއްޓުމާ ގުޅިގެންނެވެ.

1އެމްޑީބީގެ ބޮޑު ޚިޔާނާތާއި ޝަރިއަތް

މުޅި ދުނިޔޭގެ ސަމާލުކަން ހުއްޓުނު 1އެމްޑީބީގެ ބޮޑު ޚިޔާނާތުގެ މައްސަލައިގައި ނަޖީބުގެ މައްޗަށް ކުށް ސާބިތުވީ 2020 ގައެވެ. މި ގޮތުން، މަގާމުގެ ނުފޫޒު ނަހަމަ ގޮތުގައި ބޭނުންކުރުމާއި، އަމާނާތަށް ޚިޔާނާތްތެރިވުމާއި، މަނީ ލޯންޑަރިންg ހިމެނޭހެން އުފުލި ޖުމުލަ ހަތް ދައުވާއެއް ސާބިތުވެފައިވެ އެވެ. މި ދައުވާތައް ބިނާވެފައި ވަނީ އެސްއާރްސީ އިންޓަނޭޝަނަލްއިން ނަޖީބުގެ އަމިއްލަފުޅު ބޭންކު އެކައުންޓަށް ޖަމާކުރި 42 މިލިޔަން ރިންގިޓުގެ (10.3 މިލިޔަން އެމެރިކާ ޑޮލަރު) މައްޗަށެވެ.

އަދަބަށް ލިބުނު ލުއިތަކާއި މިނިވަންވުމުގެ ތާރީޚު

މި މައްސަލައިގައި ފުރަތަމަ ނަޖީބުގެ މައްޗަށް އިއްވީ 12 އަހަރު ދުވަހުގެ ޖަލު ހުކުމެކެވެ. ނަމަވެސް، ކުރީގެ ރަސްގެފާނުގެ ބެއްލެވުމުގެ ދަށުން އޮތް ޕާޑަންސް ބޯޑުން 2024 ގައި ވަނީ އޭނާގެ ޖަލު މުއްދަތު ދެބައިކުޅަ އެއްބަޔަށް ކުޑަކޮށް، ހަ އަހަރަށް ކުރުކޮށްދީފަ އެވެ. މިއާއެކު، އޭނާ ޖަލުން މިނިވަންވާނެ ކަމަށް ކަނޑައެޅުނު ތާރީޚަކީ 2028 އޮގަސްޓު 23 ކަމަށެވެ.

ހަމަމިއާއެކު، އެންމެ ފަހުން ލިބިވަޑައިގެންނެވި ލުއި މައާފުގެ ދަށުން ޖޫރިމަނާގެ ފައިސާ ދައްކަވައި ނިމުމުން، ކުރިއަށް އޮތް ދުވަސްތަކުގައި އޭނާ ޖަލު ގޮޅިން ގޭބަންދަށް ބަދަލުކުރެވޭނެ އެވެ.