ވެމްކޯ އިން ޖެހިޖެހިގެން ހަ ވަނަ ފަހަރަށް ވީއޭއެމް ކަޕް ކާމިޔާބުކޮށްފި

ވީއޭއެމް ކަޕްގެ ފައިނަލްގައި ކުލަބު އެމްޓީސީސީ ބަލިކޮށް، ކުލަބު ވެމްކޯ އިން ޖެހި ޖެހިގެން ހަ ވަނަ ފަހަރަށް މުބާރާތުގެ ޗެމްޕިއަންކަން ހޯދައިފި އެވެ.

ހޯމަ ދުވަހުގެރޭ ޒުވާާނުންގެ މަރުކަޒުގެ އެތެރޭ ކޯޓުގައި ކުޅުނު ފައިނަލް މެޗު ވެމްކޯ އިން ކާމިޔާބުކޮށްފައި ވަނީ ތިން ސެޓު އެއް ސެޓުންނެވެ. 

މެޗުގެ ފުރަތަމަ ސެޓު ވެމްކޯ އިން ކާމިޔާބު ކުރީ 25-20 އިންނެވެ. ނަމަވެސް އެމްޓީސީސީ އިން ވަނީ ދެ ވަނަ ސެޓުގައި ހިތްވަރުކޮށް، 20-25 އިން ދެ ވަނަ ސެޓު ކާމިޔާބުކޮށްފަ އެވެ. ވެމްކޯ އިން ވަނީ ދެން ކުޅުނު ދެ ސެޓު ވެސް ކާމިޔާބުކޮށް، މުބާރާތުގެ ޗެމްޕިއަންކަން ހޯދައިފަ އެވެ. ވެމްކޯ އިން އެ ދެ ސެޓު ކާމިޔާބު ކޮށްފައި ވަނީ 25-13 އަދި 25-18 އިންނެވެ. 

ފައިނަލްގެ ކުރިން މުބާރާތުގެ ގުރޫޕު ސްޓޭޖުގައި ވެސް ވެމްކޯ އިން ވަނީ އެމްޓީސީސީއާ ވާދަކޮށްފައި އެވެ. ގުރޫޕު ސްޓޭޖުގެ މެޗު ވެމްކޯ އިން ކާމިޔާބު ކުރީ ސީދާ ތިން ސެޓުންނެވެ. ވެމްކޯ އިން މިފަހަރުގެ މުބާރާތް ކާމިޔާބު ކުރީ އެ ޓީމު ކުޅުނު ހުރިހާ މެޗަކުން ވެސް މޮޅުވެގެންނެވެ.

މިއީ ވެމްކޯ އިން ޖެހި ޖެހިގެން ވީއޭއެމް ކަޕް ކާމިޔާބު ކުރި ހަ ވަނަ ފަހަރެވެ. އެ ކުލަބުން ވަނީ 2021، 2022، 2023، 2024، 2025 އަދި 2026 ވަނަ އަހަރު ވެސް ވީއޭއެމް ކަޕް ކާމިޔާބު ކޮށްފައި އެވެ.