އަންނަ އަހަރަށް އެމެރިކާގެ ޑިފެންސް ބަޖެޓްގެ ގޮތުގައި 54 ބިލިއަން ޑޮލަރު ކަނޑައެޅުމަށް ރައީސް ޑޮނަލްޑް ޓްރަމްޕް ހުށަހަޅުއްވައިފިއެވެ. މިއީ މިއަހަރުގެ ބަޖެޓަށްވުރެ 9 ޕަސެންޓް ބޮޑު އަދަދެކެވެ.
ހުށަހަޅާފައިވާ ބަޖެޓަށް ބަލާލާއިރު ބޭރު ޤައުމުތަކަށް ދޭ އެހީއާ ތިމާވެށީގެ ބަޖެޓު ވަނީ ކުޑަކޮށްފައެވެ. އެހެންނަމަވެސް 2018 ގެ ބަޖެޓްގައި ޓްރަމްޕް ވަނީ އެމަނިކުފާނުގެ ޕްލޭންގެ ދަށުން ވެލްފެއަރ ބަޖެޓް ބޮޑުކޮށްފައެވެ. އޭގެ ތެރޭގައި ސޯޝަލް ސެކިއުރިޓީއާ މިހާތަނަށް އަތްނުލެވި ހުރި ސިއްޙީ ޚިދުމަތްތައް ހިމެނެއެވެ.
ރައީސް ޓްރަމްޕް އުއްމީދު ކުރައްވާފައިވާ ގޮތުގައި ލަފާކުރާ 2018 ގެ ފައިނަލް ބަޖެޓް އަންނަ މާރޗް މަހުގެ ތެރޭގައި ޢާއްމު ކުރެވޭނެއެވެ.
ޓްރަމްޕް ވަނީ މިލިޓަރީ ބަޖެޓް އިތުރުކޮށް ވެލްފެއަރ ޕްރޮގްރާމްތައް އިތުރު ކުރައްވާނެ ކަމަށް ކެމްޕޭން ތެރޭގައިވެސް ވިދާޅުވެފައެވެ. އެގޮތުން ބަޖެޓް އަމާޒު ކުރައްވާނީ މިލިޓްރީއަށާއި ރައްޔިތުންގެ ރައްކާތެރިކަމާއި، އިޤްތިސޯދީ ކުރިއެރުމަށް ކަމަށް ޓްރަމްޕް ވަނީ ވިދާޅުވެފައެވެ.
ޓްރަމްޕް ވިދާޅުވީ އިންފްރާސްޓްރަކްޗަރ އަށް ހޭދަކުރައްވާނެ ގޮތުގެ ޕްލޭނާ ބެހޭގޮތުން އަންގާރަ ދުވަހު ކޮންގްރެސްގައި ތަޤްރީރު ކުރައްވާނެ ކަމަށެވެ.
