އީރާން ހަނގުރާމައާ ގުޅިގެން ޓްރަމްޕްގެ ކުންފުނިން ރާއްޖޭގައި ތަރައްގީކުރަން އުޅުނު ރިސޯޓް މަޝްރޫއު ފަސްކޮށްފި
14 އޯގަސްޓު 2026 | ހުކުރު 16:04އީރާނުގެ ހަނގުރާމައިގެ ސަބަބުން ރާއްޖޭގައި ތަރައްގީކުރާ ރިސޯޓު މަޝްރޫއަކަށް ފައިސާ ހޯދުމަށް ކުރިއަށްގެންދަން ނިންމި ޓޯކަން ސޭލް ފަސްކޮށްފި. އިނގިރޭސިވިލާތުގެ ދާރު ގްލޯބަލް ކުންފުނިން ހިންގާ މި މަޝްރޫއުގެ ތާވަލަށް ބަދަލު ގެނައީ ބައިނަލްއަގުވާމީ ބާޒާރަށް އަންނަ ބަދަލުތަކަށް ރިއާޔަތްކުރުމަށްފަހު ކަމަށް އެ ކުންފުނިން ބުނޭ
ކޮންސެންސަސް މިއާމީ 2026 ކޮންފަރެންސްގައި، ޑަބްލިއު.އެލް.އެފް.އައި (WLFI) ގެ ކޯ-ފައުންޑަރ އެރިކް ޓްރަމްޕް ބައިވެރިވެރިވަނީ | ކޮއިންޑެސްކް
އެމެރިކާގެ ރައީސް ޑޮނަލްޑް ޓްރަމްޕްގެ އާއިލާއިން އިސްވެ ހިންގާ ޑިޖިޓަލް އެސެޓް މަޝްރޫއެއް ކަމަށްވާ "ވޯލްޑް ލިބަޓީ ފައިނޭންޝަލް" އިން، ދިވެހިރާއްޖޭގެ ރިސޯޓް މަޝްރޫއަކާ ގުޅޭގޮތުން ކުރިއަށްގެންދަން ނިންމާފައިވާ ޓޯކަން ސޭލް ފަސްކޮށްފި އެވެ.
ބްލޫމްބާގުން އޮގަސްޓް މަހުގެ 14 ވަނަ ދުވަހު ރިޕޯޓްކޮށްފައިވާ ގޮތުގައި، ވޯލްޑް ލިބަޓީ ފައިނޭންޝަލް އާއި އެ ކުންފުނީގެ ބައިވެރިން މި ޓޯކަން ސޭލް ފަސްކޮށްފައިވަނީ މި އަހަރުގެ ބަހާރު މޫސުމުގައި އެކަން ކުރިއަށްގެންދަން ކުރިން ރާވާފައި ވަނިކޮށެވެ.
މި މަޝްރޫއު ފަސްކުރަން ޖެހުނީ އީރާނާއެކު ހިނގަމުންދާ ހަނގުރާމައިގެ ސަބަބުން އެ ސަރަހައްދުގެ ދަތުރުފަތުރަށް ބުރޫއަރާފައިވާތީ ކަމަށް މައުލޫމާތު ލިބެ އެވެ. އަދި މި މަޝްރޫއު އަލުން ފަށާނެ ތާރީޚެއް މިހާތަނަށް ކަނޑައަޅާފައެއް ނުވެ އެވެ.
މި ޓޯކަން ފަރުމާކޮށްފައިވަނީ ރިސޯޓް ތަރައްގީކުރުމަށް ބޭނުންވާ ފައިސާ ހޯދުމަށް ނަގާ ލޯނުތައް ސެކިއުރިޓައިޒް ކުރެވޭ ގޮތަށެވެ. މީގެ ބޭނުމަކީ އިންވެސްޓަރުންނަށް ކަނޑައެޅިފައިވާ ވަކި ފައިދާއެއްގެ އިތުރުން، ލޯނުން ލިބޭ އާމްދަނީގެ ބައެއް ވެސް ލިބޭނެ އިންތިޒާމު ހަމަޖެއްސުމެވެ.
ދިވެހިރާއްޖޭގައި މި ރިސޯޓް ތަރައްގީކުރަނީ އިނގިރޭސިވިލާތުގެ ރިއަލް އެސްޓޭޓް ކުންފުންޏެއް ކަމަށްވާ "ދާރު ގްލޯބަލް" އިންނެވެ. އެ ކުންފުނީގެ ޗީފް އެގްޒެކެޓިވް އޮފިސަރު ޒިއާދު އަލް ޝާރު ވިދާޅުވީ، ބާޒާރުގެ ހާލަތަށާއި، ގަވާއިދުތަކަށް އަންނަ ބަދަލުތަކުގެ އިތުރުން ކުންފުނީގެ ދިގު މުއްދަތުގެ އިސްތިރާޖީ ލަނޑުދަނޑިތަކަށް ރިއާޔަތްކޮށް، ދުނިޔޭގެ އެކި ކަންކޮޅުތަކުގައި އެ ކުންފުނިން ހިންގާ މަޝްރޫއުތަކުގެ ތާވަލުތައް މުރާޖައާ ކުރަމުންދާ ކަމަށެވެ.
