ހިމަބިހީގެ ސާމްޕަލްގެ ނަތީޖާ ލިބުން ލަސްވުން: އެޗްޕީއޭއިން ބުނީ އެހެން ދިމާވަނީ ލެބޯޓަރީއަށް ސާމްޕަލް ލިބުން ލަސްވާތީކަމަށް
9 އޯގަސްޓު 2026 | އާދީއްތަ 05:50ސާމްޕަލްގެ ނަތީޖާ ލިބުމުގައި ބޮޑެތި ލަސްތަކެއް ކުރިމަތިވަމުންދާ ކަމަށް އާންމުން ދަނީ ބުނަމުން. އެގޮތުން މިދިޔަ ހަފްތާގެ ބުދަ ދުވަހު ހުޅުމާލޭ ހޮސްޕިޓަލުން ސާމްޕަލް ނެގި މީހަކަށް ގިނަ ދުވަސްތަކެއް ވީއިރުވެސް ނަތީޖާ ނުލިބިގެން އައިޖީއެމްއެޗްގެ ލެބޯޓަރީއަށް ގުޅުމުން، ނަތީޖާ ލިބޭނީ 5 ދުވަހާއި 7 ދުވަހާ ދެމެދު ކަމަށް ބުނެފައިވާ ކަމުގެ މައުލޫމާތު ވަނީ ލިބިފައި
ހިމަބިހި ޖެހުމުން ވެކްސިން ޖެހުން | ރާއްޖެއެމްވީ
ހިމަބިހި ނުވަތަ މީސަލްސްއަށް ޝައްކު ކުރެވިގެން ނަގާ ސާމްޕަލްތަކުގެ ނަތީޖާ، އައިޖީއެމްއެޗްގެ ލެބޯޓަރީއަށް ލިބޭތާ 24 ގަޑިއިރާއި 48 ގަޑިއިރާ ދެމެދު ލިބޭނެ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެޗްޕީއޭއިން މިހެން ބުނެފައިވަނީ ހިމަބިހީގެ ސާމްޕަލްގެ ނަތީޖާ ލިބުން ލަސްވެ، ރަށްރަށުން މާލެ އައިސް އުޅޭ ގިނަ ބަޔަކު އެނބުރި ރަށަށް ނުދެވި މާލޭގައި މަޑުކުރަން ޖެހިފައިވާ ކަމުގެ ޝަކުވާތައް ބޮޑުވެފައިވާ ދަނޑިވަޅެއްގަ އެވެ.
މިކަމާ ގުޅޭގޮތުން އެޗްޕީއޭއިން އިތުރަށް ބުނީ، ބަލީގެ އަލާމާތްތައް ފެނިގެން ސާމްޕަލް ނަގާ މީހުން އައިސޮލޭޝަންގައި ނުވަތަ އެކަހެރިވެގެން ތިބެންޖެހޭ މުއްދަތަކީ "ރޭޝް" ފެންނަ ދުވަހުން ފެށިގެން 4 ދުވަސް ކަމަށެވެ. އަދި އެ މުއްދަތަށްފަހު އަނބުރާ މުޖުތަމައުގެ ތެރެއަށް ނުކުމެ އުޅުމުގެ ހުއްދަ ދޭނެ ކަމަށްވެސް އެ އެޖެންސީން މައުލޫމާތުދެ އެވެ.
މިހާރު ލެބް ޓެސްޓު ހަދާ، ސާމްޕަލް ނަގާފައި ސާމްޕަލް ނަގާ ލޮކޭޝަނަކުން އައިޖީއެމްއެޗަށް ފޮނުވީމާ އައިޖީއެމްއެޗަށް ސާމްޕަލް ރީޗްވާ ފަހުން އަޅުގަނޑުމެން މި ބުނަނީ 24 ގަޑިއިރާ 48 ގަޑިއިރޭ، އެހެންވީމާ ފަހަރެއްގާ ސާމްޕަލް ނަގާ ލޮކޭޝަނަކުން އައިޖީއެމްއެޗަށް ސާމްޕަލް ނުދަންޏާ ކޮންމެވެސް ވަރަކަށް ޑިލޭތައް އައިސްދާނެއެޗްޕީއޭ
ނަމަވެސް ސާމްޕަލްގެ ނަތީޖާ ލިބުމުގައި ބޮޑެތި ލަސްތަކެއް ކުރިމަތިވަމުންދާ ކަމަށް އާންމުން ދަނީ ބުނަމުންނެވެ. އެގޮތުން މިދިޔަ ހަފްތާގެ ބުދަ ދުވަހު ހުޅުމާލޭ ހޮސްޕިޓަލުން ސާމްޕަލް ނެގި މީހަކަށް ގިނަ ދުވަސްތަކެއް ވީއިރުވެސް ނަތީޖާ ނުލިބިގެން އައިޖީއެމްއެޗްގެ ލެބޯޓަރީއަށް ގުޅުމުން، ނަތީޖާ ލިބޭނީ 5 ދުވަހާއި 7 ދުވަހާ ދެމެދު ކަމަށް ބުނެފައިވާ ކަމުގެ މައުލޫމާތު ވަނީ ލިބިފަ އެވެ.
އަދި އޭނާ މިހާރު އާންމުންގެ ތެރެއަށް ނުކުމެ އުޅުނަސް އެންމެ ރަނގަޅު ކަމަށް ލެބޯޓަރީން އޭނާއަށް އަންގާފައިވާ ކަމަށްވެސް މައުލޫމާތު ލިބެ އެވެ.
ރާއްޖޭގައި މި ދުވަސްވަރު ހިމަބިހި ފެތުރެމުންދާއިރު، އެންމެ ފަހުގެ ތަފާސްހިސާބުތަކަށް ބަލާއިރު މިހާތަނަށް ޖުމްލަ 199 ކޭސް ވަނީ ފެނިފަ އެވެ. ބަލި ފެތުރުން ކޮންޓްރޯލް ކުރުމަށްޓަކައި ސާމްޕަލް ނެގުމާއި ވެކްސިން ޖެހުމުގެ މަސައްކަތް ކަމާބެހޭ އިދާރާތަކުން ދަނީ ކުރަމުންނެވެ.
