އިރާގުގެ ސަރަހައްދަކުން ސައުދީގެ ތެޔޮ އުފައްދާ މަރުކަރުތަކަށް ޓާގެޓްކޮށް ޑްރޯން ހަމަލާތަކެއް ދީފި
28 ޖުލައި 2026 | އަންގާރަ 19:59އިރާގުގެ ސަރަހައްދުން އީރާނުގެ މަދަދުލިބޭ ޖަމާއަތްތަކުން ސައުދީ އަރަބިއްޔާގެ ތެޔޮ އުފައްދާ މަރުކަޒުތަކަށް އަމާޒުކޮށް ފޮނުވާލި ޑްރޯންތަކެއް އެ ގައުމުގެ ދިފާއީ ބާރުން ވައްޓާލައިފި. ސައުދީ ޑިފެންސް މިނިސްޓްރީން ބުނި ގޮތުގައި މި ހަމަލާތައް އަމާޒުކޮށްފައިވަނީ އެ ގައުމުގެ އިރުމަތީ ޕްރޮވިންސްގައި ހުރި މުހިންމު ވަސީލަތްތަކަށް.
ސައުދީ އަރަބިއްޔާގެ އަބްގަައިގްގައި ހުންނަ ތެޔޮ ސާފުކުރާ ކާރުޚާނާއަށް ދިން ހަމަލާތަކުގައި އެތަނަށް ލިބިފައިވާ ބޮޑެތި ގެއްލުންތައް ފެންނަ މަންޒަރެއް، މިއީ 2019 ސެޕްޓެމްބަރު 20 ވަނަ ދުވަހުގެ އާންމުކޮށްފައިވާ ފޮޓޯއެއް | ގެޓީ އިމޭޖަސް
އިރާގުގެ ސަރަހައްދަކުން ސައުދީ އަރަބިއްޔާ އަށް ޑްރޯން ހަމަލާ އެއް ދީފި ކަމަށް ސައުދީ އިން ބުނެފި އެވެ.
އަންގާރަ ރޭ ދަންވަރުގެ މި ހަމަލާ އާ ބެހޭ ގޮތުން ސައުދީ ސަރުކާރުން ބުނީ އިރާގުގެ ސަރަހައްދުން އީރާނުގެ މަދަދުލިބޭ ހަތިޔާރުއެޅި ޖަމާއަތްތަކުން ސައުދީ އަރަބިއްޔާއަށް އަމާޒުކޮށް ފޮނުވާލި ބައެއް ޑްރޯންތައް، އެ ގައުމުގެ ވައިގެ ދިފާއީ ނިޒާމުން ހުއްޓުވައި ވައްޓާލާފައިވާ ކަމަށެވެ.
ސައުދީ އަރަބިއްޔާގެ މިނިސްޓްރީ އޮފް ޑިފެންސްއާ ހަވާލާދީ އެ މިނިސްޓްރީގެ ތަރުޖަމާނު މޭޖަރ ޖެނެރަލް ތުރުކީ އަލް މާލިކީ ނެރުއްވި ބަޔާނެއްގައި ވިދާޅުވީ، މި ޑްރޯންތަކަކީ ސައުދީގެ އިރުމަތީ ޕްރޮވިންސްގައި ހުރި ތެޔޮ އުފައްދާ މަރުކަޒުތަކަށް ހަމަލާދިނުމަށް ފޮނުވާލި ޑްރޯންތަކެއް ކަމަށެވެ.
