ބާރަށު ކައުންސިލުން 2022 ވަނަ އަހަރުގެ މާލީ ބަޔާނުގައި 2021 ވަނަ އަހަރުގެ މާލީ މައުލޫމާތު ފުރިހަމައެއް ނުކުރޭ: އޮޑިޓް އޮފީސް
ހއ. ބާރަށު ކައުންސިލްގެ 2022 ވަނަ އަހަރުގެ މާލީ ބަޔާން ތައްޔާރުކޮށްފައިވަނީ މާލިއްޔަތު ގަވާއިދާއި ކަނޑައެޅިފައިވާ ބައިނަލްއަގުވާމީ މިންގަނޑުތަކާ އެއްގޮތަށް ނޫންކަން އޮޑިޓް އޮފީހުން ފާހަގަކޮށްފި. އެހެންކަމުން، މާލީ މުއާމަލާތްތައް "ވިޔަ މޮޑިއުލް" މެދުވެރިކޮށް ގަވާއިދުން އަދާހަމަކޮށް ބެލެހެއްޓުމަށާއި، ކަނޑައެޅިފައިވާ އޮނިގަނޑާ އެއްގޮތަށް ތެދު މައުލޫމާތު ހިމަނައިގެން މާލީ ބަޔާންތައް ހުށަހެޅުމަށް އޮޑިޓަރ ޖެނެރަލް ވަނީ އެ ކައުންސިލަށް އަންގަވާފައި
ހއ. ބާރަށް: އެ ރަށު ކައުންސިލްގެ 2022 ވަނަ އަހަރުގެ މާލީ ބަޔާން ތައްޔާރުކޮށްފައިވަނީ މާލިއްޔަތު ގަވާއިދާއި ކަނޑައެޅިފައިވާ ބައިނަލްއަގުވާމީ މިންގަނޑުތަކާ އެއްގޮތަށް ނޫން | މޯލްޑިވްސް ވާޗުއަލް ޓުއަރ
ހއ. ބާރަށު ކައުންސިލްގެ އިދާރާގެ 2022 ވަނަ އަހަރުގެ މާލީ ބަޔާނުގައި، 2021 ވަނަ އަހަރުގެ މާލީ މައުލޫމާތުތައް ނުވަތަ ކޮމްޕެރެޓިވް އިންފޮމޭޝަން ފުރިހަމައަށް ހިމަނާފައިނުވާ ކަމަށް އޮޑިޓް އޮފީހުން ބުނެފި އެވެ.
އެ އޮފީހުން އާންމު ކޮށްފައިވާ ތިލަދުންމަތީ އުތުރުބުރީ ބާރަށު ކައުންސިލްގެ އިދާރާގެ 2022 ވަނަ އަހަރުގެ މާލީ ބަޔާންތަކަށް އޮޑިޓަރ ޖެނެރަލް ދޭ ރިޕޯޓުގައި ބުނީ ކައުންސިލްތަކުގެ މާލީ ބަޔާން ތައްޔާރު ކުރަންވީ އޮނިގަނޑު މާލިއްޔަތާއި ބެހޭ ސަރކިއުލާގައި ކަނޑައަޅާފައިވާއިރު މާލީ ބަޔާން ތައްޔާރުކުރުމުގައި "އިންޓަރނޭޝަނަލް ޕަބްލިކް ސެކްޓަރ އެކައުންޓިންފ ސްޓޭންޑަރޑް: ފައިނޭންޝަލް ރިޕޯޓިންގ އަންޑަރ ދަ ކޭޝް ބޭސިސް އޮފް އެކައުންޓިންގ" އާ އެއްގޮތަށް މާލީ ބަޔާންތައް ތައްޔާރު ކުރުމަށް ބަޔާންކޮށްފައިވާ ކަމަށެެވެ.
މި ސްޓޭންޑާޑް ގައިވާ އުސޫލުތަކާ އެއްގޮތަށް މާލީ ބަޔާން ތައްޔާރު ކުރުމަށްޓަކައި އެ އަހަރެއްގެ މާލީ ބަޔާންތަކާއެކު ކުރީ އަހަރުގެ މާލީ މައުލޫމާތު ހުށަހެޅުމަށް މި ސަރކިއުލާގައި ބަޔާން ކޮށްފައިވާ ކަމަށް ވެސް ރިޕޯޓުގައިވެ އެވެ. އެ ރިޕޯޓުގައި ބުނީ މި ސްޓޭންޑާޑްގައިވާ އުސޫލުތަކާ އެއްގޮތަށް މާލީ ބަޔާން ތައްޔާރު ކުރުމަށްޓަކައި އެ އަހަރެއްގެ މާލީ ބަޔާންތަކާއެކު ކުރީ އަހަރުގެ މާލީ މައުލޫމާތު ހުށަހެޅުމަށް ވެސް ސަރކިއުލާގައި ބަޔާންކޮށްފައިވާ ކަމަށެވެ.
އޮޑިޓް ރިޕޯޓުގައި ބުނީ ކައުންސިލް އިދާރާގެ 2022 ވަނަ އަހަރުގެ މާލީ ބަޔާނުގައި، 2021 ވަނަ އަހަރުގެ މާލީ މައުލޫމާތުތައް ނުވަތަ ކޮމްޕެރެޓިވް އިންފޮމޭޝަން ފުރިހަމައަށް ހިމަނާފައިނުވުމުގެ އިތުރުން، މާލީ ބަޔާނުގައި ފާއިތުވި އަހަރުގެ ޚަރަދުތައް ކޮމްޕެރެޓިވްސް ހިމެނުމަށް އޮންނަ ކޮލަމްތަކުގައި ގިނަ ޚަރަދުތަކެއް ނުހިމަނައި ހުސްކޮށް ބާއްވާފައިވާ ކަން ފާހަގަ ކުރެވޭ ކަމަށެވެ.
އެހެންކަމުން އޮޑިޓް އޮފީހުން ބުނީ ދައުލަތުގެ މާލިއްޔަތުގެ ގާނޫނުގެ 35 ވަނަ މާއްދާގެ (ހ) ގައި ބަޔާންކޮށްފައިވާ މައުލޫމާތު ހިމަނައިގެން މާލީ ކަންކަމާއި ސަރުކާރު ކުންފުނިތަކާ ބެހޭ ވުޒާރާގެ މާލިއްޔަތާ ބެހޭ ސަރކިއުލާ 27 ފެބްރުއަރީ ގައި އާންމު ކޮށްފައިވާއިރު، އެ ސަރކިއުލާގައި ކަނޑައަޅާފައިވާ އޮނިގަނޑާ އެއްގޮތަށް މާލީ ބަޔާން ތައްޔާރުކޮށް، ކޮންމެ މީލާދީ އަހަރެއް ނިމޭތާ ތިން މަސްދުވަހުގެ ތެރޭގައި އޮޑިޓަރ ޖެނެރަލަށް ހުށަހެޅުމަށް އެ ރަށު ކައުންސިލަށް އަންގާފައިވާނެ އެވެ.
އޭގެ އިތުރުން ލޯކަލް ކައުންސިލްތަކުގެ މާލީ ކަންކަން ބެލެހެއްޓުމުގައި ލޯކަލް ގަވަރމަންޓް އޮތޯރިޓީ (އެލްޖީއޭ) އިން ކަނޑައަޅާފައިވާ ގޮތަށް "ވިޔަ މޮޑިއުލް"ގެ ތެރެއިން ބެލެހެއްޓުމަށާއި އެ މޮޑިއުލްގައި ކައުންސިލްގެ އިދާރާގެ މާލީ މުއާމަލާތްތަކާއި މާލީ ކަންކަމާ ގުޅޭ މައުލޫމާތު ގަވާއިދުން ފުރިހަމަ ކޮށް، އަދާހަމަ ކޮށް، ބެލެހެއްޓުމަށް އޮޑިޓް އޮފީހުން ވަނީ ކައުންސިލަށް އަންގާފަ އެވެ. އަދި އެ ރެކޯޑުތަކަށް ބިނާކޮށް، މާލީ ބަޔާންތަކާއި މާލީ ބަޔާންތަކާ ގުޅޭ ނޯޓުތައް ތައްޔާރު ކުރުމަށާއި މާލީ ބަޔާންތައް ހުށަހެޅުމުގެ ކުރިން އެ މާލީ ބަޔާންތަކަކީ އިދާރާ އަށް ލިބުނު ފައިސާއާއި، ފައިސާ އިން ކުރެވުނު ހޭދައާއި، މާލީ އަހަރު ނިމުނު އިރު ބާކީ ހުރި ފައިސާ ފުރިހަމައަށް ތެދުވެރިކަމާއެކު ހަގީގަތާ އެއްގޮތަށް ދައްކުވައިދޭ މާލީ ބަޔާންތަކެއް ކަން ކަށަވަރު ކުރުމަށް ވެސް ވަނީ އެދިފަ އެވެ.
