މަޝްވަރާ ތަކުގައި ބައިވެރިވުމަށް އެމެރިކާގެ ނައިބު ރައީސް ވޭންސް ސްވިޒަލެންޑަށް
އެމެރިކާގެ ނައިބު ރައީސް ވޭންސް ސްވިޒަލެންޑަށް ވަޑައިގެންފައި ވަނީ އާދީއްތަ ދުވަހުގެ ވަގުތެއްގައި. މިއީ އެމެރިކާ އާއި އީރާންއާ ދެމެދު ސުލްޙައިގެ އެއްބަސްވުމުގައި ސޮއި ކުރުމަށް ފަހު، މަޝްވަރާ ކުރުމަށް ބާއްވާ ފުރަތަމަ ބައްދަލުވުމަށް ވެގެން ދާނެ.
އެމެރިކާގެ ނައިބު ރައީސް ޖޭޑީ ވޭންސް. | ރޮއިޓާސް
އީރާން އާއި އެމެރިކާއާ ދެމެދު ޤާއިމު ކޮށްފައިވާ ހަނގުރާމަ ހުއްޓާލުމުގެ އެއްބަސްވުމުގެ މަޝްވަރާ ތަކަށް އެމެރިކާގެ ނައިބު ރައީސް ޖޭޑީ ވޭންސް ސްވިޒަލެންޑަށް ވަޑައިގެންފި އެވެ.
އެންމެ ފުރަތަމަ މި ބައްދަލުވުން ބާއްވަން ނިންމީ ހުކުރު ދުވަހު އެވެ. ނަމަވެސް ފަހު ވަގުތު ބައްދަލުވުން ވަނީ ކެންސަލް ކޮށްފަ އެވެ. ބުރާސްފަތި ދުވަހުގެ ރޭ ވޭންސް ސްވިޒަލެންޑަށް ވަޑައިގެންނެވުމަށް ހަމަޖެހިފައި އޮތް ނަމަވެސް، އެ ދަތުރު ވެސް ވަނީ ފަހު ވަގުތު ކެންސަލް ކުރައްވައިފަ އެވެ.
އެމެރިކާގެ ނައިބު ރައީސް ވޭންސް ސްވިޒަލެންޑަށް ވަޑައިގެންފައި ވަނީ އާދީއްތަ ދުވަހުގެ ވަގުތެއްގަ އެވެ. މިއީ އެމެރިކާ އާއި އީރާންއާ ދެމެދު ސުލްޙައިގެ އެއްބަސްވުމުގައި ސޮއި ކުރުމަށް ފަހު، މަޝްވަރާ ކުރުމަށް ބާއްވާ ފުރަތަމަ ބައްދަލުވުމަށް ވެގެން ދާނެ އެވެ.
ސްވިޒަލެންޑަކީ ބައިނަލްއަޤުވާމީ ސިޔާސީ މަޝްވަރާ ތަކަށް ވަރަށް ގިނައިން ބޭނުން ކުރަމުން އަންނަ ޤައުމެކެވެ. އެ ޤައުމުގައި ވަކި ފަރާތަކަށް ނުޖެހޭ ޤައުމަކަށް ވާތީ، ގިނަ ބައްދަލުވުންތައް އިންތިޒާމު ކުރުމުގައި އެ ޤައުމުން މެދުވެރިއެއްގެ ދައުރު އަދާ ކުރެ އެވެ.
އެމެރިކާ އާއި އީރާންއާ ދެމެދު ސުލްޙަ ޤާއިމު ކުރުމަށް ކުރަމުން އަންނަ މަސައްކަތުގައި، އެމެރިކާގެ ފަރާތުން އިސްކޮށް ހުންނަވަނީ ވޭންސް އެވެ. އެމެރިކާގެ ރައީސް ޑޮނަލްޑް ޓްރަމްޕްގެ ފަރާތުން މަޝްވަރާ ތަކުގައި ބައިވެރިވާ މަންދޫބުންގެ ތެރެއިން އިސްކޮށް ހުންނަވަނީ ވޭންސް އެވެ.
މަސްދަރު: ރޮއިޓާސް
