ކިއުރުސާއޯ އާއި އެކުއެޑޯ އެއްވަރުވި މެޗުގައި ކީޕަރު އެލޯއީ ރޫމް ތަފާތު ދައްކައިފި

ފީފާ ވޯލްޑް ކަޕް ގުރޫޕު އީގައި އެކުއެޑޯ އާއި ކިއުރުސާއޯ ބައްދަލު ކުރި މެޗު އެއްވަރު ވެގެން ނިމިއްޖެ އެވެ.

އާދީއްތަ ދުވަހުގެ ފަތިހު ކެންސަސް ސިޓީ ސްޓޭޑިއަމްގައި ކުޅުނު މެޗު ނިމުނީ އެއްވެސް ޓީމަކަށް ލަނޑެއް ނުޖެހި އެއްވަރު ވެގެންނެވެ. 

މެޗުގައި އެކުއެޑޯ އިން ވަނީ ލަނޑު ޖަހަން ގިނަ ހަމަލާ ތަކެއް ފޮނުވާލައިފަ އެވެ. ނަމަވެސް ކިއުރުސާއޯގެ ގޯލު ކީޕަރު އެލޯއީ ރޫމް ވަނީ އެ ހަމަލާތައް ސޭވް ކޮށްފައި އެވެ. މެޗުގައި ރޫމް ވަނީ ޖުމުލަ 14 ސޭވް ކޮށްފައި އެވެ. 

މިއީ ވޯލްޑް ކަޕްގައި އެއް މެޗެއްގައި ދެ ވަނަ އަށް އެންމެ ގިނަ ހަމަލާ ސޭވް ކުރި ކީޕަރެވެ. މީގެ ކުރިން 2014 ވަނަ އަހަރުގެ މުބާރާތުގައި އެމެރިކާގެ ޓިމް ހަވާޑް ވަނީ 15 ސޭވް ކޮށްފައި އެވެ. މިއީ އެއް މެޗެއްގައި އެންމެ ގިނަ ސޭވް ކުރި ކީޕަރެވެ. 

ކިއުރުސާއޯ އާއި އެކުއެޑޯ އިން ގުރޫޕު ސްޓޭޖުގައި ކުޅުނު ފުރަތަމަ މެޗުން ދެ ޓީމު ވެސް ވަނީ ބަލިވެފައި އެވެ. މި ގުރޫޕުގެ އެއް ވަަނައިގައި ޖަރުމަނު އޮތްއިރު، ދެ ވަނައިގައި އޮތީ އައިވަރީ ކޯސްޓް އެވެ. ތިން ވަނައިގައި އެކުއެޑޯ އޮތްއިރު، ކިއުރުސާއޯ އޮތީ ފުލުގައި އެވެ.