ސުލްޙައިގެ އެއްބަސްވުމުގައި ސޮއި ކުރުމަކީ ފަސޭހަ ކަމެއް ނޫން: ޓްރަމްޕް
އެއްބަސްވުމުގައި ޓްރަމްޕް ސޮއި ކުރެއްވިއިރު، ކުޑަ ވަގުތު ކޮޅަކަށް އޭނާ މަޑު ޖެހުނު.. ސޯޝަލް މީޑިއާގައި ދައުރު ވަމުން އަންނަ ވީޑިއޯ ތަކުން ފެންނަ ގޮތުގައި، އެއްބަސްވުމުގައި ސޮއި ކުރެއްވުމަށް ގަލަން ނެންގެވުމަށް ފަހު ޓްރަމްޕް ފުން ވިސްނުމެއްގައި މަޑު ކޮށްލައްވާ. އެއަށް ފަހު، އެ ތަނުގައި އެއްވެ ތިބި މީހުންނާ މުޚާތަބު ކުރައްވައި ޓްރަމްޕް ވިދާޅުވީ، އެއީ އެއްގޮތަކަށް ވެސް ފަސޭހަ ކަމެއް ނޫން ކަމަށެް
އެމެރިކާގެ ރައީސް ޑޮނަލްޑް ޓްރަމްޕް. | ގެޓީ އިމޭޖަސް
އީރާން އާއެކު އެއްބަސްވުމަކަށް އައިސް، އެ އެއްބަސްވުމުގައި އެމެރިކާގެ ރައީސް ޑޮނަލްޑް ޓްރަމްޕް ސޮއިކުރައްވަމުން މި ސޮއިކުރެއްވުމަކީ ފަސޭހަ ކަމެއް ނޫންކަމަށް އޭނާ ވިދާޅުވިއެވެ.
އެއްބަސްވުމުގައި ޓްރަމްޕް ސޮއި ކުރައްވާފައި ވަނީ، ފްރާންސްގެ ވާސައިލްސް ޕެލަސްގައި އޮތް ރަސްމިއްޔާތެއްގެ ތެރެއިންނެވެ. ޖީ7 ގެ ބައްދަލުވުމުގައި ބައިވެރިވެ ވަޑައިގެންނެވުމަށް ފްރާންސް އަށް ކުރެއްވި ދަތުރުފުޅުގެ ތެރެއިން، ޓްރަމްޕް ވަނީ އެއްބަސްވުމުގައި ސޮއި ކުރައްވައިފަ އެވެ.
އެމެރިކާއާއި އީރާނުގެ ވެރިން ސުލްހައިގެ އެއްބަސްވުމެއްގައި ސޮއިކޮށްފި
އެއްބަސްވުމުގައި ޓްރަމްޕް ސޮއި ކުރެއްވިއިރު، ކުޑަ ވަގުތު ކޮޅަކަށް އޭނާ މަޑު ޖެހުނެވެ. ސޯޝަލް މީޑިއާގައި ދައުރު ވަމުން އަންނަ ވީޑިއޯ ތަކުން ފެންނަ ގޮތުގައި، އެއްބަސްވުމުގައި ސޮއި ކުރެއްވުމަށް ގަލަން ނެންގެވުމަށް ފަހު ޓްރަމްޕް ފުން ވިސްނުމެއްގައި މަޑު ކޮށްލައްވަ އެވެ. އެއަށް ފަހު، އެ ތަނުގައި އެއްވެ ތިބި މީހުންނާ މުޚާތަބު ކުރައްވައި ޓްރަމްޕް ވިދާޅުވީ، އެއީ އެއްގޮތަކަށް ވެސް ފަސޭހަ ކަމެއް ނޫން ކަމަށެވެ.
އެއްބަސްވުމުގެ ފުރަތަމަ ސަފުހާގައި ސޮއި ކުރައްވަމުން ޓްރަމްޕް ވަނީ އެކަން ތަކުރާރު ކުރައްވައި، އެއީ ވަރަށް އުނދަގޫ މަސައްކަތެއްކަން އެނގި ވަޑައިގަންނަވާ ކަމަށް ވިދާޅުވެފައި އެވެ. މި ވަގުތީ އެއްބަސްވުމަކީ ދެ ގައުމުގެ ދެމެދުގައި އޮތް ގުޅުން ތަކަށް ބަދަލު ތަކެއް އަންނާނެ މުހިންމު ފިޔަވަޅެއްގެ ގޮތުގައި ބެލެވެ އެވެ.
މި ރަސްމިއްޔާތު ކުރިއަށް ދިޔަ ވަގުތު ޓްރަމްޕްގެ ވާހަކަފުޅުތައް ހުރީ ވަރަށް ސީދާ އަދި ސާފު ބަހުރުވަ އަކުންނެވެ. އެމަނިކުފާނު ފާހަގަ ކުރެއްވި ގޮތުގައި މިފަދަ އެއްބަސްވުމަކަށް އައުމަށް ކުރެވުނު މަސައްކަތް ތަކަކީ ގޮންޖެހުން ތަކުން ފުރިގެންވާ މަސައްކަތް ތަކެކެވެ.
ވާސައިލްސް ޕެލަސްގައި ބޭއްވި މި ރަސްމިއްޔާތަށް ބައިނަލްއަގުވާމީ މީޑިއާ ތަކުގެ ސަމާލުކަން ވަރަށް ބޮޑަށް ހުއްޓުނެވެ. ޚާއްސަކޮށް ޓްރަމްޕް ސޮއި ކުރެއްވުމުގެ ކުރިން ދެއްކެވި ވާހަކަފުޅާއި އަމަލުތައް ހުރި ގޮތުން، މި އެއްބަސްވުމުގެ ސީރިއަސްކަން ހާމަ ވެގެންދާ ކަމަށް ތަޖުރިބާކާރުން ފާހަގަ ކުރެ އެވެ.
މަސްދަރު: އަލް ޖަޒީރާ
