ޒެލެންސްކީއާ ބައްދަލު ކުރެއްވުމަށް ފަހު ޓްރަމްޕް ވިދާޅުވީ، ރަޝިޔާ އިން ސުލްޙައިގެ އެއްބަސްވުމަކަށް އަންނަން ޖެހޭ ކަމަށް
ޖީ7 ގެ ސަމިޓުގެ ތެރެއިން ޓްރަމްޕް ވަނީ ޔޫކްރެއިންގެ ރައީސް ވުލޮޑިމިއަރ ޒެލެންސްކީއާ ވެސް ބައްދަލު ކުރައްވާފައި. ސޯޝަލް މީޑިއާގައި ދައުރު ވަމުން އަންނަ ފޮޓޯ ތަކުން ފެންނަ ގޮތުގައި، ޓްރަމްޕްގެ އިތުރުން އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ ވެސް އެ ބައްދަލުވުމުގައި އިންނެވި.
ޖީ7 ގެ ބައްދަލުވުމުގެ ތެރެއިން ޓްރަމްޕް އާއި ޒެލެންސްކީ ބައްދަލު ކުރައްވަނީ. | ރޮއިޓާސް
ރަޝިޔާ އާއި ޔޫކްރެއިންއާ ދެމެދު ހިނގަމުން އަންނަ ހަނގުރާމަ ނިމުމަކަށް ގެނައުމަށް، ރަޝިޔާ އިން ސުލްޙައިގެ އެއްބަސްވުމަކަށް އަންނަން ޖެހޭ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ފްރާންސްގައި ކުރިއަށްދާ ޖީ7 ގެ ބައްދަލުވުމުގައި ޓްރަމްޕް ވަނީ ޤައުމު ތަކުގެ އިސްވެރިންނާ ބައްދަލު ކުރައްވައިފަ އެވެ. އެ ބައްދަލުވުމަށް ފަހު ޓްރަމްޕް ވިދާޅުވީ އެއީ ވަރަށް ކާމިޔާބު ބައްދަލުވުމެއް ކަމަށާއި، ހަނގުރާމަ ނިންމުމަށްޓަކައި ކުރެވެން ހުރި ހުރިހާ މަސައްކަތްތަކެއް ކުރައްވާނެ ކަމަށެވެ.
ހޯމަ ދުވަހުން ފެށިގެން، ބުދަ ދުވަހުގެ ނިޔަލަށް ކުރިއަށްދާ މި ސަމިޓަށް ޓްރަމްޕް ވަޑައިގެންނެވީ، އީރާން އާއެކު އޮތް ނުތަނަވަސްކަން ނިންމުމަށް އެއްބަސްވުމަކަށް އާދެވި ވަރަށް އަވަހަށް ސޮއިކުރާނެ ކަމަށް އިއުލާންކުރެއްވުމަށް ފަހު އެވެ. އެއާ އެކު، ރަޝިޔާ އާއި ޔޫކްރެެއިންއާ ދެމެދު ހިނގަމުން އަންނަ ހަނގުރާމަ ނިންމުމަށް ޓްރަމްޕް އިތުރު ހިތްވަރެއް ލައްވާނެ ކަމަށް ބުނެފައިވެ އެވެ.
ޖީ7 ގެ ސަމިޓުގެ ތެރެއިން ޓްރަމްޕް ވަނީ ޔޫކްރެއިންގެ ރައީސް ވުލޮޑިމިއަރ ޒެލެންސްކީއާ ވެސް ބައްދަލު ކުރައްވައިފަ އެވެ. ސޯޝަލް މީޑިއާގައި ދައުރު ވަމުން އަންނަ ފޮޓޯ ތަކުން ފެންނަ ގޮތުގައި، ޓްރަމްޕްގެ އިތުރުން އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ ވެސް އެ ބައްދަލުވުމުގައި އިންނެވި އެވެ.
މި މަޝްވަރާ ތަކުގައި ޔޫކްރެއިން އިން ބާރު އެޅީ، ރަޝިޔާ އާއެކު ކުރެވޭ ސުލްޙައިގެ މަޝްވަރާ ތަކުގައި ޔޫކްރެއިންގެ މަގާމު ވަރުގަދަ ކުރުމަށްޓަކައި ބައިނަލްއަޤުވާމީ އެހީތެރިކަން އިތުރަށް ބޭނުންވާ ކަމަށެވެ. ޔޫކްރެއިންގެ މިހާރުގެ ޙާލަތު ރަނގަޅު ވަމުން އަންނަ ކަމަށް ޔޫރަޕުގެ ލީޑަރުންނާއި، ޔޫކްރެއިން އިން ވެސް ވަނީ ޓްރަމްޕް އަށް ބުނެދީފައި އެވެ.
ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވީ، ހަނގުރާމައިގެ މައިދާނުގައި ދެފަރާތުން ވެސް މަރުވަމުން ދަނީ ވަރަށް ޒުވާން ކުދިން ކަމަށާއި، އެކަން ހުއްޓުވުމަށް ކުރެވެން އޮތް ކޮންމެ ކަމެއް ކުރައްވާނެ ކަމަށެވެ. އަދި ރަޝިޔާ އިން ޞުލްޙައިގެ އެއްބަސްވުމަކަށް އަންނަން ޖެހޭ ކަމަށް ޓްރަމްޕް ތަކުރާރުކޮށް ވިދާޅުވި އެވެ. މީގެ ކުރިން އަށް ހަނގުރާމައެއް ނިމުމަކަށް ގެނެސްފައި ވާނެ ކަމަށް ފާހަގަ ކުރައްވަމުން ޓްރަމްޕް ވިދާޅުވީ، ޔޫކްރެއިން ހަނގުރާމަ އަކީ އެންމެ ފަސޭހަ އިން ހައްލު ކުރެވޭނެ ހަނގުރާމަ ކަމަށް ކުރިން ހީކުރެވުނު ކަމަށެވެ.
މި ސަމިޓަކީ ޔޫކްރެއިން ހަނގުރާމަ އަށް ސިޔާސީ ހައްލެއް ހޯދުމަށް ބައިނަލްއަގުވާމީ ދުނިޔެ އިން ކުރަމުންދާ މަސައްކަތުގެ މުހިންމު މަރުހަލާ އެކެވެ. ޚާއްޞަކޮށް އެމެރިކާގެ ރައީސްގެ މަގާމާ ޓްރަމްޕް ހަވާލުވެ ވަޑައިގަތުމަށް ފަހު، މި މައްސަލައިގައި ގެންގުޅުއްވާ ސިޔާސަތު ތަކަށް މުޅި ދުނިޔެ އަންނަނީ ފާރަވެރި ވަމުންނެވެ. ޓްރަމްޕްގެ ވާހަކަފުޅު ތަކުން އެނގިގެން ދަނީ ކުރިއަށް އޮތް ތަނުގައި ރަޝިޔާ އަށް ޞުލްޙައިގެ މޭޒަށް އައުމަށް އެމެރިކާ އިން ބޮޑެތި ފިއްތުން ތަކެއް ކުރިމަތި ކުރާނެ ކަމެވެ.
މަސްދަރު: ރޮއިޓާސް
