35 އަހަރު ފަހުން ޕާކިސްތާން އަތުން ބަލިވެ ރާއްޖެ ކަޓައިފި
މިއީ 35 އަހަރުގެ ތެރޭގައި ޕާކިސްތާން އަށް ރާއްޖެ އަތުން މޮޅުވެވުނު ފުރަތަމަ ފަހަރު. މީގެ ކުރިން 1991 ވަނަ އަހަރުފެ ސާފް ގޭމްސްގައި ޕާކިސްތާން އިން ރާއްޖެ ބަލި ކުރި.
މެޗުގައި ލަނޑު ޖެހުމަށް ފަހު ޕާކިސްތާންގެ ކުޅުންތެރިން އުފާ ފާޅު ކުރަނީ. | އެފްއޭއެމް
ރާއްޖޭގައި ކުރިއަށްދާ ޑައިމަންޑް ޖުބިލީ އިންޓަނޭޝަނަލް މުބާރާތުގައި ޕާކިސްތާންއާ ދެކޮޅަށް ކުޅުނު މެޗުން ބަލިވެ ރާއްޖެ މުބާރާތުން ކަޓައިފި އެވެ.
ގަލޮޅު ރަސްމީ ދަނޑުގައި ކުޅުނު މެޗުގައި ޕާކިސްތާން އިން ވަނީ 3-0 އިން ރާއްޖެ ބަލިކޮށްފަ އެވެ. މެޗުގައި ޕާކިސްތާން އިން އެ ޓީމުގެ ތިން ލަަނޑު ވެސް ޖެހީ ދެ ވަނަ ހާފުގަ އެވެ.
ދެ ވަނަ ހާފު ފަށައިގެން އަށް ވަނަ މިނެޓުގައި ޕާކިސްތާން އަށް ލީޑު ނަގައިދިނީ އުމަރު ނަވާޒް އެވެ. އޭގެ ފަހުން މެޗުގެ ފުރިހަމަ ވަގުތު ހަމަވާން ހަ މިނެޓަށް ވެފައި ވަނިކޮށް ޕާކިސްތާންގެ ދެ ވަނަ ލަނޑު ޖެހީ އަބްދުލް ސަމަދު ޝަހުޒާދު އެވެ. އޭގެ ފަހުން ޕާކިސްތާންގެ ތިން ވަނަ ލަނޑު ޖެހީ ހާރޫން ހާމިދު އެވެ.
މުބާރާތުގައި ރާއްޖޭގެ ފުރަތަމަ މެޗުގައި އަފްޣާނިސްތާން އަތުން ބަލިވެފައިވާއިރު، ދެ ވަނަ މެޗުގައި ޕާކިސްތާން އަތުން ބަލިވެ ވަނީ މުބާރާތުން ކަޓައިފަ އެވެ. މިއީ 35 އަހަރުގެ ތެރޭގައި ޕާކިސްތާން އަށް ރާއްޖެ އަތުން މޮޅުވެވުނު ފުރަތަމަ ފަހަރެވެ. މީގެ ކުރިން 1991 ވަނަ އަހަރުފެ ސާފް ގޭމްސްގައި ޕާކިސްތާން އިން ރާއްޖެ ބަލި ކުރި އެވެ.
ހަތަރު ޤައުމު ވާދަ ކުރާ މުބާރާތުގައި ރާއްޖެ އަށް ބާކީ އޮތީ ބަންގްލަދޭޝްއާ ދެކޮޅަށް ކުޅޭ މެޗުވެ.
