ބާންހަމްގެ ވިސްނުން ހުރީ ބޮޑު ވަޒީރު ކަމަށް ވަޑައިގެންނެވުމަށް ފަހު، އަވަސް އިންތިޚާބެއް ބޭއްވުމަށް

އިނގިރޭސިވިލާތުގެ ގްރޭޓަރ މެންޗެސްޓަރގެ މޭޔަރު އެންޑީ ބާންހަމް އެ ޤައުމުގެ ބޮޑު ވަޒީރު ކަމަށް ވަޑައިގަތުމަށް ފަހު އަވަސް އާންމު އިންތިޚާބެއް ބާއްވަން ވިސްނަވަމުން އަންނަ ކަމަށް ދަ ސަން އިން ހޮނިހިރު ދުވަހު ރިޕޯޓު ކޮށްފި އެވެ.

ވެރިކަން ކުރާ ލޭބާ ޕާޓީގެ ތެރެއިން މައުލޫމާތު ދޭ މެމްބަރުންނާ ހަވާލާދީ ދަ ސަންގައި ރިޕޯޓު ކޮށްފައިވާ ގޮތުގައި، ބާންހަމް އޭނާގެ ފައިނޭންސް މިނިސްޓަރު ކަމަށް ގެންނަން ބޭނުން ވަނީ މިހާރުގެ ހޯމް ސެކްރެޓަރީ ޝަބާނާ މަހްމޫދު އެވެ. ޝަބާނާ އަކީ މިހާރުގެ ބޮޑު ވަޒީރު ކިއާ ސްޓާމާއާ ގާތް ގުޅުމެއް އޮންނަ ބޭފުޅެކެވެ. 

އިނގިރޭސިވިލާތުގެ ސިޔާސީ މަސްރަހުގައި މިހާރު ހިނގަމުން އަންނަނީ މުހިންމު ބަދަލު ތަކެކެވެ. ލޭބާ ޕާޓީގެ ލީޑަރު ކަމަށް ވަޑައިގަތުމަށް މަސައްކަތް ކުރައްވާ ވާދަވެރިންގެ ތެރޭގައި ބާންހަމް އަކީ ފާހަގަ ކޮށްލެވޭ ބޭފުޅެކެވެ. މިހާރު ގްރޭޓަރ މެންޗެސްޓަރގެ މޭޔަރު ކަމުގައި ހުންނަވައި، ސަރަހައްދީ ސިޔާސަތުގައި އޭނާ ވަރަށް ބޮޑަށް މަސައްކަތް ކުރައްވަމުން ގެންދަވަ އެވެ.

ބާންހަމް ބޮޑު ވަޒީރު ކަމަށް ވަޑައި ގަތުމަށް ފަހު އަވަސް އިންތިހާބެއް ބާއްވަން ވިސްނަވަނީ ރައްޔިތުންގެ ތާޒާ މެންޑޭޓެއް ހޯދުމުގެ ބޭނުމުގައި ކަމަށް ސިޔާސީ ތަޖުރިބާކާރުން ބުނެ އވެެ.  މިއީ އިނގިރޭސިވިލާތުގެ ސިޔާސީ ގަވާއިދު ތަކާ އެއްގޮތަށް، ބޮޑު ވަޒީރު ބަދަލުވުމުން ރައްޔިތުންގެ ވޯޓަށް ދާން ޖެހޭ ކަމެއް ނޫނަސް، ގިނަ ފަހަރަށް އައު ލީޑަރުން ކުރާ ކަމެކެވެ.

ޝަބާނާ މަހްމޫދު ފައިނޭންސް މިނިސްޓަރު ކަމަށް ހަމަޖެއްސުމަކީ ވެސް މުހިންމު ގޮތެކެވެ. މިހާރު ހޯމް ސެކްރެޓަރީގެ މަގާމުގައި ހުންނަވައި، ސަރުކާރުގެ މުހިންމު ނިންމުން ތަކުގައި އޭނާ ބައިވެރިވެ ވަޑައިގަންނަވަ އެވެ. ފައިނޭންސް މިނިސްޓަރު ކަމަކީ އިނގިރޭސިވިލާތުގެ ސަރުކާރުގެ އެންމެ މުހިންމު މަގާމު ތަކުގެ ތެރެއިން މަގާމެކެވެ.

މި ރިޕޯޓު އާންމުވުމާ ގުޅިގެން ލޭބާ ޕާޓީގެ ތެރޭގައި އަދި އިނގިރޭސިވިލާތުގެ ސިޔާސީ ދާއިރާގައި ވަނީ ބޮޑެތި މަޝްވަރާ ތަކެއް ފަށާފައި. ނަމަވެސް، ރަސްމީ އެއްވެސް ފަރާތަކުން މިކަމުގެ ޔަޤީންކަމެއް ހާމަ ކޮށްފައި ނުވޭ.