ޕަޓްނީ ބަލިކޮށް އަލީ ވަޙީދުގެ އޭއެފްސީ ސައުތު ލަންޑަން ވިމްބަލްޑަން އެންޑް ކިންގްސްޓަން ޓްރޮފީ ފައިނަލް އަށް

ލަންޑަންގެ ގްރާސްރޫޓްސް ޕްރިމިއާ ޑިވިޝަންގެ ޕަޓްނީ ބަލިކޮށް، ދިވެހި ރާއްޖޭގެ ޔުއެފާ ބީ ކޯޗު އަލީ ވަޙީދު (ބަލަކް) އިރުޝާދު ދެމުން އަންނަ ސައުތު ލަންޑަން އިން، ވިމްބަލްޑަން އެންޑް ކިންގްސްޓަން ޓްރޮފީގެ ފައިނަލް އަށް ދަތުރު ކޮށްފި އެވެ.

ހޮނިހިރު ދުވަހު ލަންޑަންގެ ޕްރިންސް ޖޯޖް ދަނޑުގއި ކުޅުނު ސެމީ ފައިނަލް މެޗުގައި އޭއެފްސީ ސައުތު ލަންޑަން އިން ވަނީ 3-0 އިން ޕަޓްނީ ބަލިކޮށްފަ އެވެ.

މެޗުގައި އޭއެފްސީ އަށް ލަނޑު ޖަހައިދިނީ އިނގިރޭސި ފޯވަޑް އައިވަން ވްލަސަންކޯ އާއި އަޔަލޭންޑްގެ ފޯވާޑް ޕޯލް ރިންގް އެވެ. މިމެޗުގައި ޕޯލް ދެ ލަނޑު ޖެހި އެވެ.

އަންނަ މެއި މަހުގެ 16 ވާ ހޮނިހިރު  ދުވަހު މިސީޒަންގެ އިނގިރޭސި ގްރާސް ރޫޓްސް ނިންމަން ކުޅޭ ވިމްބަލްޑަން އެންޑް ކިންގްސްޓަން ޓްރޮފީ ފައިނަލުގައި އޭއެފްސީއާ ދެކޮޅަށް ނިކުންނާނީ ސެމީ ފައިނަލުގެ ދެވަނަ މެޗުގައި ބަޓޭސިއާ ބަލިކުރި ރެއިންސް ޕާކް ޔުނައިޓެޑް ޗާޗް އެވެ.