ހިޔާ ފްލެޓުގެ ކުލި 5،300 ރުފިޔާ އަށް ބޮޑުކޮށްފި
އެޗްޑީސީ އިން ހިޔާ ފްލެޓުތަކުގެ ވެރިންނަށް ފޮނުވި ސިޓީއެއްގައި ވަނީ އަންނަ މަހުން ފެށިގެން ފްލެޓުތަކުގެ ޖުމްލަ އަގު ދައްކާ ހަލާސް ކުރެވެންދެން ފްލެޓުތަކުގެ ކުއްޔަކީ 5،300 ރުފިޔާ ކަމަށް. މިއީ މި ސަރުކާރުން ހިޔާ ފްލެޓެއްގެ ކުލި 3،854 ރުފިޔާ އަށް ކުޑަކުރުމުގެ ކުރިން ނަގަމުން އައި ކުލި. ހިޔާ ފުލެޓުތަކުގެ އެއްބަސްވުން ހެދީ މަހު ކުލީގެ ގޮތުގައި 7،500 ރުފިޔާ ދައްކާ ގޮތަށް. ނަމަވެސް ގިނަ ޝަކުވާ ތަކަކާއެކު އެމްޑީޕީ ސަރުކާރުން ވަނީ މަހު ކުލި 5،300 ރުފިޔާ އަށް ކުޑަކޮށްފަ.
ހިޔާ ފްލެޓްތައް | އެޑިޝަން.އެމްވީ
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހިޔާ ފްލެޓުތަކުގެ ފިނިޝިން ޑިސްކައުންޓު ދޭން ވެގެން ހޯމަ ދުވަހު ގެނައި ބަދަލާއެކު އަންނަ މަހުން ފެށިގެން ހިޔާ ފްލެޓެއްގެ ކުލި 5،300 ރުފިޔާ އަށް ބޮޑުކުރާނެ ކަން ފްލެޓުގެ ވެރިންނަށް އަންގައިފި އެވެ.
އެޗްޑީސީ އިން ހިޔާ ފްލެޓުތަކުގެ ވެރިންނަށް ފޮނުވި ސިޓީއެއްގައި ވަނީ އަންނަ މަހުން ފެށިގެން ފްލެޓުތަކުގެ ޖުމްލަ އަގު ދައްކާ ހަލާސް ކުރެވެންދެން ފްލެޓުތަކުގެ ކުއްޔަކީ 5،300 ރުފިޔާ ކަމަށެވެ. މިއީ މި ސަރުކާރުން ހިޔާ ފްލެޓެއްގެ ކުލި 3،854 ރުފިޔާ އަށް ކުޑަކުރުމުގެ ކުރިން ނަގަމުން އައި ކުއްޔެވެ. ފިނިޝިން ޑިސްކައުންޓުގެ ގޮތުގައި ބާކި ހުރި އަދަދު ކޮންމެ މަހަކު އުނިކުރަމުން ދާނީ ވެސް މި ރޭޓުގައި ކަމަށް އެ ކުންފުނިން ބުނެ އެވެ.
ހިޔާ ފުލެޓުތަކުގެ އެއްބަސްވުން ހެދީ މަހު ކުލީގެ ގޮތުގައި 7،500 ރުފިޔާ ދައްކާ ގޮތަށެވެ. ނަމަވެސް ގިނަ ޝަކުވާ ތަކަކާއެކު އެމްޑީޕީ ސަރުކާރުން ވަނީ މަހު ކުލި 5،300 ރުފިޔާ އަށް ކުޑަކޮށްފަ އެވެ.
އޭގެ ފަހުން ހިޔާ ފުލެޓުތައް ނިންމަން ދިޔަ ހަރަދު އަނބުރާ ދިނުމަށް ރައީސް މުއިއްޒު ވެވަޑައިގެންނެވި ރިޔާސީ ވައުދު ފުއްދުމަށް ހިޔާގެ ކޮންމެ ފުލެޓެއްގެ ޖުމްލަ ކުލިން 200،000 ރުފިޔާ އުނިކުރި އެވެ. އެއާއެކު އެ ފުލެޓުތަކުގެ ކުލި 3،984 ރުފިޔާ އަށް ކުޑަވި އެވެ.
ދެ އަހަރުގެ ކުލި މާފުކޮށްދޭން އެޗްޑީސީ އިން ގެނައި ބަދަލުގެ ލުއި ލިބެނީ ގަވާއިދުން ކުލި ދައްކަމުން އައިސް އެޗްޑީސީ އަށް ދައްކަން ޖެހޭ އެއްވެސް ފައިސާ އެއް ނެތް މީހުންނަށެވެ. މިއާއެކު ކުރިޔަށް އޮތް ދެ އަހަރު، މީގެ ކުރިން ގަވައިދުން ހިޔާފްލެޓްތަކަށް ކުލި ދައްމުން އައި މީހުންގެ އަތުން ކުލީގެ ގޮތުގައި އެއްވެސް އާމްދަނީ އެއް އެޗްޑީސީ އަކަސް ނުލިބޭނެ އެވެ.
އެޗްޑީސީ އަށް ފްލެޓުތަކުން ލިބޭ އާމްދަނީގެ ބޮޑު ބަޔަކީ ހިޔާ ފްލެޓުތަކުން ލިބޭ ކުލި ކަމުގައި ވާއިރު މިކަމުގެ ސަބަބުން އެޗްޑީސީގެ ކޭޝްފްލޯ އަށް ބޮޑު ތާށިކަމެއް އަންނާނެ ކަމަށް ގިނަ ބަޔަކު ދަނީ ބުނަމުންނެވެ.
ރާއްޖެ އެމްވީ އަށް މައުލޫމާތު ލިބިފައިވާ ގޮތުން އެޗްޑީސީގެ ބައެއް ވެރިން ވަނީ އެ ކުންފުންޏަށް މާލިގޮތުން ބޮޑެތި ގެއްލުންތަކެއް ވާނެތީ މި ބަދަލު ގެންނަން ދެކޮޅު ވެސް ހަދާފަ އެވެ. ނަމަވެސް އިންތިހާބަށް ކުޑަތަންވެފަ އޮއްވާ މިނިންމުން ނިންމީ ސީދާ ރައީސް މުއިއްޒުގެ އޯޑަރަށް ކަމަށް ވެސް ވަނީ މައުލޫމަތު ލިބިފަ އެވެ.
އަވަސް އަރުވާލައިގެން އެންމެ ފަހު ވަގުތު މިކަން ކުރަން ނިންމީ ހުޅުމާލޭގެ ބައެއް ދާއިރާ ތައް ޕީއެންސީ އަށް އުނދަގޫ ވުމާއި ރިފަރެންޑަމް ވޯޓު ކާމިޔާބުކުރަން ދަތި ވާނެ ކަން ސަރުކާރަށް ޔަގީންވާތީ ކަމަށް ގިނަ ފަރާތްތަކަކުން ދަނީ ބުނަމުންނެވެ.
