އެމްޑީޕީގެ ރައީސް އަބްދުﷲ ޝާހިދު ލޯކަލް ކައުންސިލް އިންތިހާބުގެ ކެމްޕޭނަށް ތ އަދި ފ އަތޮޅަށް ފުރާވަޑައިގެންފި
މި ދަތުރުފުޅުގައި ދޮރުން ދޮރަށް ހިނގެވުމާއި، ޖަގަހަ ހުޅުވައި ދެއްވުމުގެ އިތުރުން ކެންޑިޑޭޓުންނާ ބައްދަލުކުރައްވައި މުހިންމު މަޝްވަރާތަކެއް ކުރެއްވުމަށް ވަނީ ހަމަޖެހިފަ. އެމްޑީޕީން އަންނަނީ މިދިޔަ ފެބްރުއަރީ މަހުން ފެށިގެން އަތޮޅުތެރޭގެ އެކި ރަށްރަށުގައި ކެމްޕޭނނު ހަރަކާތްތައް ވަރުގަދަކުރަމުންނެ.
އެމްޑީޕީގެ ރައީސް އަބްދުﷲ ޝާހިދު ގެ އިތުރުން ރައްޔިތުން މަޖިލީހުގެ މެންބަރު އިބްރާހިމް ނާޒިލް އާއި މަރަދޫ ދާއިރާގެ މެންބަރު އަހުމަދު ދީދީ އަދި އެމްޑީޕީގެ ބައެއް އާންމު މެންބަރުން | ރާއްޖެ އެމްވީ
ކުރިއަށް އޮތް ލޯކަލް ކައުންސިލްގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގެ ކެމްޕޭނަށް އެމްޑީޕީގެ ރައީސް އަބްދުﷲ ޝާހިދު ތ އާއި ފ އަތޮޅަށް ފުރާ ވަޑައިގެންފި އެވެ.
ލޯކަލް ކައުންސިލްގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގެ ކެމްޕޭނަށް އެމްޑީޕީގެ ރައީސް އަބްދުﷲ ޝާހިދު ގެ އިތުރުން ރައްޔިތުންގެ މަޖިލީހުގެ މެންބަރު އިބްރާހިމް ނާޒިލް އާއި މަރަދޫ ދާއިރާގެ މެންބަރު އަހުމަދު ދީދީ އަދި އެމްޑީޕީގެ ބައެއް އާންމު މެންބަރުންވެސް ބައިވެރިވެވަޑައިގަންނަވަ އެވެ.
އެގޮތުން މިދަތުރުގައި ތ އަތޮޅުގެ ރަށްތަކުގެ އިތުރުން ފ އަތޮޅު ރަށްތަކުގައިވެސް ކެމްޕެއިންގެ ހަރަކާތްތައް ކުރިއަށް ގެންދިއުމަށް ވަނީ ހަމަޖެހިފަ އެވެ. ކުރިއަށް އޮތް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިޚާބުގެ ކެމްޕެއިން ފެބްރުއަރީ މަހުގެ 12 ވަނަ ދުވަހުގެ ރޭ ލޯންޗުކުރުމަށް ފަހު އެމްޑީޕީން އަންނަނީ އަތޮޅުތެރޭގެ އެކި ރަށްރަށަށް ޒިޔާރަތް ކުރަމުންނެވެ.
އެމްޑީޕީގެ ރައީސް އަބްދުﷲ ޝާހިދު ބައިވެރިވެވަޑައިގަންނަވާ މިދަތުރުފުޅުގައި ޒިޔާރަތްކުރައްވާ ދެ އަތޮޅުގައި ވެސް ދޮރުން ދޮރަށް ކެމްޕެއިން ހަރަކާތުގެ އިތުރުން ޖަގަހަ ހުޅުވުމުގެ ހަރަކާތްތައް ވެސް ކުރިއަށް ގެންދިއުމަށް ވަނީ ހަމަޖެހިފަ އެވެ.
އޭގެ އިތުރުން ކެންޑިޑޭޓުންނާއި ބައްދަލުކުރައްވާ މުހިންމު މަޝްވަރާތަކެއް ކުރައްވާނެ އެވެ.
