ވަޒީފާއިން ސަސްޕެންޑް ކުރި ޒުވާނަކު ރައީސް މުޢިއްޒަށް: ލޯބި ލިބޭނީ ލޯބި ދީގެން!
ސަސްޕެންޑްކުރި ސަބަބު ރަސްމީކޮށް އަންގާފައި ނުވިނަމަވެސް، މިއީ ސިޔާސީ ނުފޫޒުން ކުރި ކަމެއް ކަމަށް އޭނާ ތުހުމަތުކުރޭ. ވަޒީފާގެ ބިރުދެއްކިޔަސް ފަހަތަށް ނުޖެހޭނެ ކަމަށާއި، ކުރިއަށް އޮތް އިންތިޚާބުގައި އެމްޑީޕީއަށް ކާމިޔާބު ހޯދައިދޭން މަސައްކަތް ކުރާނެ ކަމަށް އޭނާ ބުންޏެ.
ފެނަކަ ވަޒީފާއިން ސަސްޕެންޑް ކުރި ކޮނޑޭ ޒުވާނެއް | ރާއްޖެ އެމްވީ
ޕީއެންސީ ވުޖޫދަށް ގެންނަން ބުރަ މަސައްކަތެއް ކޮށް ޕީއެންސީ ވެރިކަމެއް ގެންނަންވެސް ބުރަ މަސައްކަތެއް ކުރި ޒުވާނަކު ޕީއެންސީ ކެނޑިޑޭޓުންނަށް ތާއީދު ނުކުރުމުން ވަޒީފާއިން ސަސްޕެންޑް ކޮށްފި އެވެ.
ރާއްޖެ އެމްވީ އަށް ދިން އިންޓަވިއުއެއްގައި އޭނާ ބުނީ، އޭނާ ވަޒީފާއިން ސަސްޕެންޑް ކުރިއިރު ސަސްޕެންޑް ކުރި ސަބަބު ބުނެދީފައި ނުވާ ކަމަށެވެ. އަދި ސަސްޕެންޑް ކުރި ސަބަބެއް ކަމަށް ގަބޫލުކުރެވެނީ ޕީއެންސީގެ ކެނޑިޑޭޓުންނަށް ތާއީދު ކޮށް ކުޑަކަކޫ ނުޖެހުމުން ކަމަށް އޭނާ ބުންޏެވެ. އޭނާ ބުނި ގޮތުގައި ޕީއެންސީ އުފައްދަން ތިންހާސް މީހުންގެ ސޮއި ހަމަކުރިއިރު އޭނާ ވެސް ސޮއިކޮށް ޕާޓި އުފައްދަން ގިނަ މަސެއްކަތެއް ވަނީ ކޮށްފަ އެވެ.
އެދުވަހުން ފެށްޓިގެން މިއަދާހަމައަށް ޕީއެންސީ ސަރުކާރަށް ހުރިހާ އިންތިހާބެއްގައި މަސައްކަތްކޮށް އަޅުގަނޑަކީ 6 އަހަރު ވަންދެން ފެނަކަ ކޯޕަރޭޝަންގެ ޓެކްނީޝަނެއްގެ ގޮތުގައި މަސައްކަތްކުރި މީހެއް. އެންމެފަހުން ޕީއެންސީގެ ކެނޑިޑޭޓުންނަށް ކޮނޑޭގަ ތިބި ޕީއެންސީ މީހުންނަށް ކުޑަކަކޫ ނުޖަހައިގެން މިއަދު އަޅުގަނޑު ސަސްޕެންޑް ކުރި ސަބަބެއް ނޭންގެ 30 ދުވަސް ވަންދެން ސަސްޕެންޑް ކޮށްފި.ވަޒީފާއިން ސަސްޕެންޑް ކުރި ޒުވާނާ
މީގެ އިތުރުން އޭނާ ބުނީ ކުރިއަށްވުރެ ވަރުގަދަޔަށް އެމްޑީޕީއާއެކު މަސައްކަތްކޮށް އެމްޑީޕީގެ ފަސް ކެނޑިޑޭޓުން ހޮވުމަށް ކުރަންޖެހުނު ހުރިހާ މަސައްކަތެއް ކުރާނެ ކަމަށެވެ. އަދި ވަޒީފާގެ ބިރު ދައްކައިގެން ފަހަތައް ނުޖެއްސޭނެ ކަމަށާއި މިފަހަރު ގަދަކޮށް ނުކުމެ ހުރީ ބަދަލަކަށް ކަމަށް އޭނާ ބުންޏެވެ.
އޭނާ ބުނީ ވަޒީފާގެ ބިރުދައްކާ ނުފޫޒުގެ ބޭނުންކޮށްގެން ކެނޑިޑޭޓުންނަށް ތާއީދު ހޯދަން އުޅުނަސް އެކަން ކާމިޔަބު ނުވާނެ ކަމަށެވެ. އަދި ލޯބި ލިބޭނީ ލޯބި ދީގެން ކަމަށް އޭނާ ބުންޏެވެ.
