ބްރައިޓަން ބަލިކޮށް، އާސެނަލް އަށް ހަތް ޕޮއިންޓުގެ ލީޑެއް.

އިނގިރޭސި ޕްރިމިއާ ލީގުގައި ބްރައިޓަންއާ ދެކޮޅަށް ކުޅުނު މެޗުން މޮޅުވެ، އާސެނަލް އިން އެއް ވަަނައިގައި ލީޑު ފުޅާ ކޮށްފި އެވެ.

ބްރައިޓަންގެ އަމިއްލަ ދަނޑުގައި ބުދަ ދުވަހުގެ ރޭ ކުޅުނު މެޗު އާސެނަލް އިން ކާމިޔާބު ކުރީ 1-0 އިންނެވެ. މެޗުގައި އާސެނަލްގެ ހަމައެކަނި ލަނޑު އެ ޓީމުން ޖެހީ ވެސް ނުވަ ވަނަ މިނިޓުގަ އެވެ.

މެޗު ފަށައިގެން ކުރީ ކޮޅު ބްރައިޓަން އަށް ވަނީ އާސެނަލް ކޮޅަށް ލަނޑު ޖަހަން ރަނގަޅު ފުރުސަތެއް ލިބިފަ އެވެ. އާސެނަލްގެ ޑިފެންސް އިން ހެދުނު ގޯހެއްގައި ލިބުނު ބޯޅަ ބްރައިޓަންގެ ކާލޮސް ބަލެބާ ފޮނުވާލި ނަމަވެސް، އެ ބޯޅަ ސަލާމަތް ކުރީ ގަބްރިއެލް މަގާލައެސް އެވެ.

އޭގެ ފަހުން މެޗުގެ ނުވަ ވަނަ މިނެޓުގަައި އާސެނަލް އިން ވަނީ ލަނޑު ޖަހައި ލީޑު ނަގައިފަ އެވެ. އެ ލަނޑު އާސެނަލް އަށް ޖަހައިދިނީ ބުކަޔޯ ސަކާ އެވެ. އެ ލަނޑު ޖަހަން ސަކާ އަށް ފުރުސަތު ތަނަވަސްކޮށްދިނީ ޔޫރިއެން ޓިމްބާ އެވެ. އޭގެ ފަހުން ވެސް މެޗުގައި އާސެނަލް އިން ވަނީ އިތުރު ލަނޑު ޖަހަން ފުރުސަތު ހޯދައިފަ އެވެ. 

ބްރައިޓަން އަތުން ހޯދި މޮޅާ އެކު، އާސެނަލް އެއް ވަނައިގައި އޮތީ ހަތް ޕޮއިންޓުގެ ލީޑަކުންނެވެ. މިހާތަނަށް ލީގުގައި ކުޅެފައިވާ 30 މެޗުން އާސެނަލް އަށް ލިބެނީ 67 ޕޮއިންޓެވެ. އާސެނަލް އަށް ވުރެ އެއް މެޗު މަދުން ކުޅެގެން ދެ ވަނައިގައި މެންޗެސްޓަރ ސިޓީ އަށް ލިބެނީ 60 ޕޮއިންޓެވެ.