ލީޑްސް އާކުޅެ ހޯދި އުނދަގޫ މޮޅާ އެކު، ސިޓީ އިން ފަރަގު ކުޑަ ކޮށްފި
މެޗުން މޮޅުވެ ލީގު ތާވަލްގެ ދެ ވަނަ މަގާމުގައި ސިޓީ އޮތީ މިހާތަނަށް ކުޅެފައިވާ 28 މެޗުން 59 ޕޮއިންޓާ އެކު. ހަމަ އެ އަދަދަށް މެޗު ކުޅެގެން އެއް ވަަނައިގައި އާސެނަލް އަށް 61 ޕޮއިންޓު ލިބޭއިރު، ދެ ޓީމުގެ ދެ މެދުގައި އޮތީ ދެ ޕޮއިންޓުގެ ފަރަގެއް.
މެޗުގައި ލަނޑު ޖެހުމަށް ފަހު ސިޓީގެ ކުޅުންތެރިން އުފާ ފާޅު ކުރަނީ | ރޮއިޓާސް
އިނގިރޭސި ޕްރިމިއާ ލީގުގައި ލީޑްސް ޔުނައިޓެޑާ ދެކޮޅަށް ކުޅުނު މެޗުން މޮޅުވެ، އެއް ވަނައިގައި އޮތް އާސެނަލްއާ ދެމެދު ގައި ހުރި ފަރަގު މެންޗެސްޓަރ ސިޓީ އިން ކުޑަ ކޮށްފި އެވެ.
ލީޑްސް ޔުނައިޓެޑުގެ އަމިއްލަ ދަނޑުގައި ކުޅުނު މެޗު ސިޓީ އިން ކާމިޔާބު ކުރީ 1-0 އިންނެވެ. މެޗުގައި ސިޓީ އިން ޖެހި ހަމައެކަނި ލަނޑު ޖެހީ ވެސް މެޗުގެ ފުރަތަމަ ހާފުގަ އެވެ.
މެޗު ފަށައިގެން ސިޓީ އިން ވަނީ ލަނޑު ޖަހަން ފުރުސަތު ތަކެއް ހޯދައިފަ އެވެ. ސިޓީ ކޮޅަށް ލަނޑު ޖަހަން ލީޑްސް އަށް ވެސް ވަނީ ރަނގަޅު ފުރުސަތު ތަކެއް ލިބިފަ އެވެ. މެޗުގެ ފުރަތަމަ ހާފުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގައި ސިޓީ އަށް ލީޑު ނަގައިދިނީ އެންޓޮއިން ސެމެންޔޯ އެވެ. އެ ލަނޑު ޖަހަން ސެމެންޔޯ އަށް ފުރުސަތު ތަނަވަސްކޮށްދިނީ ރަޔާން އައިޓް ނޫރީ އެވެ.
މެޗުގެ ދެ ވަނަ ހާފުގައި ސިޓީ އަށް ވަނީ އިތުރު ލަނޑު ޖަހައި ލީޑު ފުޅާ ކުރާނެ ފުރުސަތު ވެސް ލިބިފަ އެވެ. ނަމަވެސް، ސިޓީ އިން ފޮނުވާލި ދެ ހަމަލާއެއް ލީޑްސްގެ ގޯލު ކީޕަރު ވަނީ މަތަކޮށްފަ އެވެ. ސިޓީ ކޮޅަށް ލަނޑު ޖަހައި ނަތީޖާ ހަމަހަމަ ކުރާނެ ފުރުސަތު ލިބުނު ނަމަވެސް، ވެސްޓް ހޭމް އަށް ފުރުސަތުގެ ބޭނުން ކުރެވޭ ގޮތެއް ނުވި އެވެ.
މެޗުން މޮޅުވެ ލީގު ތާވަލްގެ ދެ ވަނަ މަގާމުގައި ސިޓީ އޮތީ މިހާތަނަށް ކުޅެފައިވާ 28 މެޗުން 59 ޕޮއިންޓާ އެކު އެވެ. ހަމަ އެ އަދަދަށް މެޗު ކުޅެގެން އެއް ވަަނައިގައި އާސެނަލް އަށް 61 ޕޮއިންޓު ލިބޭއިރު، ދެ ޓީމުގެ ދެ މެދުގައި އޮތީ ދެ ޕޮއިންޓުގެ ފަރަގެކެވެ.
