އެމެރިކާ އާއި އިޒްރޭލްގެ ހަމަލާ ތަކުން، ޚާމާނައީގެ ދަރިކަލުން މުޖްތަބާ ޚާމަނާއީ ސަލާމަތް ވެއްޖެ

އީރާންގެ ރޫހާނީ ލީޑަރު އާޔަތުﷲ އަލީ ޚާމަނާއީ އަވަހާރަ ކޮށްލަން އެމެރިކާ އާއި އިޒްރޭލް އިން ދިން ހަމަލާ އިން، ޚާމަނާއީގެ ދަރިކަލުން މުޖުތަބާ ޚާމަނާއީ ސަލާމަތްވެ ވަޑައިގެންފި އެވެ. 

ބުދަ ދުވަހު ދެ މަސްދަރަކާ ހަވާލާދީ ރޮއިޓާސް އިން ވަނީ އެކަން ރިޕޯޓު ކޮށްފަ އެވެ. މުޖުތަބާ ޚާމަނާއޯ އަކީ، އީރާންގެ އެންމެ މަތީ ވެރިޔާ، އަދި ރޫހާނީ ލީޑަރުގެ މަޤާމަށް ދެން ވަޑައިގަންނަވާނެ ކަމަށް ބެލެވޭ ފަރާތެވެ. 

އީރާންގެ އިސްލާމިކް ރިވޮލިއުޝަނަރީ ގާޑްސް ކޯޕް (އައިއާރުޖީސީ)އާ ގާާތް ގުޅުމެއް އޮންނަ މެދު ފަންތީގެ ދީނީ ޢިލްމުވެރިއެއް ކަމަށްވާ މުޖުތަބާ އަކީ، އީރާންގެ ދީނީ ވެރިކަމުގައި ތެރޭގައި ވަރަށް ބާރު ގަދަ ފަރާތެއްގެ ގޮތުގައި ފާހަގަވެފައިވާ ބޭފުޅެކެވެ. ގިނަ ބަޔަކު ޤަބޫލު ކުރާ ގޮތުގައި އޭނާގެ ބައްޕަ ޚާމަނާއީ އަވަހާރަ ވެވަޑައިގެންނެވި ފަހުން، ދެން އެ މަޤާމަށް ވަޑައިގަންނަވާނީ މުޖުތަމާ އެވެ. 

އެއް މަސްދަރަކުން ބުނެފައި ވަނީ، މުޖުތަބާ ޚާމަނާއީ ދިރި ހުންނެވި ކަމަށެވެ. އަދި ޚާމަނާއީ އަވަހާރަ ކޮށްލަން އެމެރިކާ އާއި އިޒްރޭލް އިން ހަމަލާ ދިންއިރު، އޭނާ ވެރި ރަށް ތެހެރާންގައި ނެތް ކަމަށް ވެސް މަސްދަރުން ބުނެފައިވެ އެވެ. އެމެރިކާ އިން ދިން ހަމަލާ ތަކުގައި ޚާމަނާއީ އަވަހާރަ ވެފައި ވަނީ އާދީއްތަ ދުވަހު އެވެ. 

މުޖުތަބާ ޚާމަނާއީ އަކީ ސިޔާސީ ގޮތުން ވަރަށް ނުފޫޒު ގަދަ ބޭފުޅެއްގެ ގޮތުގައި ފާހަގަވެފައިވާ ބޭފުޅެކެވެ. އަދި އޭނާ އަކީ އީރާންގެ ވެރި ކަމުގެ ތެރޭގައި ވެސް ވަރަށް ނުފޫޒު ގަދަ ބޭފުޅެކެވެ. އީރާންގެ އެންމެ މަތީ ވެރިޔާގެ މަގާމަށް އަންނަން ޖެހޭނީ ދީނީ ޢިލްމުވެރިންގެ މަޖިލީހުން ހޮވާ މީހެއް ކަމަށްވާއިރު، މުޖުތަބާ އަކީ އެ މަޤާމަށް ވާދަ ކުރާ މީހުންގެ ތެރެެއިން އެންމެ ބާރު ގަދަ އެއް މީހާ އަށް ވާނެ އެވެ.