އީރާނުގެ ވެރިކަން ބަދަލު ކުރަން ތާއީދު، އެކަމަކު އެމެރިކާ އާއި އިޒްރޭލް އިން ދެނީ ޤާނޫނާ ޚިލާފު ހަމަލާ ތަކެއް: ކެނެޑާގެ ބޮޑު ވަޒީރު ކާނީ

އެމެރިކާ އާއި އިޒްރޭލް އެކުވެގެން އީރާން އަށް ދެމުން އަންނަ ހަމަލާ ތަކަކީ، ބައިނަލްއަޤުވާމީ ޤާނޫނާ ޚިލާފަށް ދެމުން ގެންދާ ހަމަލާ ތަކެއް ކަމަށް ކެނެޑާގެ ބޮޑު ވަޒީރު މާކް ކާނީ ވިދާޅުވެއްޖެ އެވެ. 

އޮސްޓްރޭލިއާގެ ސިޑްނީގައި ހުންނަ ލޯވީ އިންސްޓިޓިއުޓް ތިންކް ޓޭންކުގައި ބުދަ ދުވަހު ވާހަކަ ދައްކަވަމުން ކާނީ މިހެން ވިދާޅުވެފައިވާއިރު، އޭނާ ވަނީ މެދު އިރުމަތީގައި އުފެދިފައިވާ ހަމަ ނުޖެހުންތައް ކުޑަ ކުރުމަށް އަވަސް ފިޔަވަޅު އެޅުމަށް ވެސް ގޮވާލަައްވައިފަ އެވެ. 

ނަމަވެސް ކާނީ ވިދާޅުވީ މެދު އިރުމަތީގެ ހަމަ ނުޖެހުމާއި ބިރުވެެރިކަން ފެތުރުމުގެ މައިގަނޑު އަސްލަމީ އީރާންގެ މިހާރުގެ ސަރުކާރު ކަމަށެވެ. އެއާ އެކު، އީރާންގެ ސަރުކާރު ބަދަލު ކުރުމަށް ކުރަމުން އަންނަ މަސައްކަތް ތަކަށް ކެނެޑާ އިން މަރުޙަބާ ކިޔާ ކަމަށް ވެސް ކާނީ ވިދާޅުވި އެވެ.

އެކަން ފާހަގަ ކުރައްވައި ކާނީ ވިދާޅުވީ، އެމެރިކާ އާއި އިޒްރޭލް އިން ދެމުން އަންނަ ހަމަލާ ތަކަކީ، ބައިނަލްއަޤުވާމީ ޤާނޫނު ތަކާ އެއްގޮތަށް ދެމުން އަންނަ ހަމަލާ ތަކެއްގެ ގޮތުގައި ފެންނަން ނެތް ކަމަށެވެ. އެގޮތުން ކާނީ ވިދާޅުވީ، އޭނާ އަކީ ޤާނޫނީ މާހިރަކަށް ނުވި ނަމަވެސް، މި އަމަލު ތަކަކީ ޤާނޫނާ ޚިލާފު ކަންކަމުގެ ގޮތުގައި ބެލެވޭނެ ކަމަށެވެ. 

ބޮޑުވަޒީރު ކާނީ ވިދާޅުވީ މެދުއިރުމަތީގައި ހަމަނުޖެހުމާއި ބިރުވެރިކަން ފެތުރުމުގެ މައިގަނޑު އަސްލަކީ އީރާނުގެ މިހާރުގެ ސަރުކާރު ކަމަށާއި، އެ ގައުމުގެ ވެރިކަމުގެ ނިޒާމަށް ބަދަލުތަކެއް ގެނައުމަށް ކުރެވޭ މަސައްކަތްތަކަށް ކެނެޑާއިން މަރުހަބާ ކިޔާ ކަމަށެވެ. ނަމަވެސް، އެމެރިކާއާއި އިސްރާއީލުން މިހާރު ދެމުން ހެންދާ ހަމަލާތަކަކީ ބައިނަލްއަގުވާމީ ގާނޫނުތަކާ އެއްގޮތްވާ ގޮތުގެ މަތިން ކުރިއަށްދާ ކަންކަން ކަމަށް ފެންނަން ނެތް ކަމަށް އޭނާ ފާހަގަކުރެއްވިއެވެ. ކާނީ ވިދާޅުވީ އޭނާއަކީ ގާނޫނީ މާހިރަކަށް ނުވީ ނަމަވެސް، މި އަމަލުތަކަކީ ގާނޫނާ ޚިލާފު ކަންކަމުގެ ގޮތުގައި ބެލެވޭ ކަމަށެވެ.

ކާނީ މިހާރު އޮސްްޓްރޭލިއާ އަށް ކުރައްވަމުން ގެންދަވާ ދަތުރުފުޅަކީ އޭޝިއާ ޕެސިފިކް ސަރަހައްދުގެ ޤައުމު ތަކާ އެކު އޮންނަ ގުޅުން ބަދަހިކޮށް، އެމެރިކާ އަށް ބަރޯސާވާ މިންވަރު ކުޑަ ކުރުމަށް ކުރައްވާ ދަތުރުފުޅެކެވެ. ކާނީ ވިދާޅުވި ގޮތުގައި، މެދު އިރުމަތީގެ ހަނގުރާމަ އަކީ ބައިނަލްއަޤުވާމީ ނިޒާމު ފެއިލްވެފައިވާ ކަމުގެ ހެއްކެކެވެ. އަދި އެމެރިކާ އާއި އިޒްރޭލް އިން މި ހަމަލާތައް ދީފައި ވަނީ އދ. އާ މަޝްވަރާ ކުރުމެއް ނެތި ކަމަށާއި، އަދި ކެނެޑާ ފަދަ ބައިވެރި ޤައުމު ތަކުގެ ލަފާ ހޯދުމެއް ނެތި ކަމަށް ވެސް ކާނީ ވިދާޅުވި އެވެ. 

އިތުރަށް ކާނީ ވިދާޅުވީ އެމެރިކާގެ އަމަލުތަކާ މެދު އޭނާ ވަރަށް ބޮޑަށް ހިތްހަމަ ނުޖެހިފައި ހުންނެވި ކަމަށެވެ.