އީރާނުން ޢަރަބި ޤައުމު ތަކަށް ހަމަލާ ދިނުމަކީ ގޯހެއް: ތުރުކީގެ ފޮރިން މިނިސްޓަރު

އެމެރިކާ އާއި އިޒްރޭލުން ދިން ހަަމަލާ ތަކަށް ރައްދު ދިނުމުގެ ގޮތުން، އީރާނުން ޢަރަބި ޤައުމުތަކަށް ހަމަލާ ދިނުމަކީ ވަރަށް

ބޮޑު ގޯސް ހަމަ ނުޖެހުމެއް ކަމަށާއި، އެކަމަގެ ސަބަބުން ސަރަހައްދުގެ ހަމަޖެހުން ގެއްލިފައިވާ ކަމަށް، ތުރުކީގެ ފޮރިން މިނިސްޓަރު ހަކަން ފިދާން ވިދާޅުވެއްޖެ އެވެ. 

ސަރުކާރުގެ ޓީވީ ޓީއާރުޓީ އަށް ދެއްވި ބަސްދީ ގަތުމެއްގައި ފިދާން ވިދާޅުވީ، އީރާނުން ގެންގުޅެނީ އެ ޤައުމު ނިކަމެތި ވެއްޖެ ނަމަ، ދެން ތިބި ސަރަހައްދުގެ އެހެން މީހުން ވެސް ނިކަމެތި ކޮށްލުމުގެ ވިސްނުން ކަމަށް އޭނާ ފާހަގަ ކުރއްވި އެވެ. އަދި އެއީ ބޮޑު ގޯހެއް ކަމަށް ވެސް އޭނާ ސިފަ ކުރެއްވި އެވެ.

މީގެ އިތުރުން ފިދާން ވިދާޅުވީ، އީރާނުން ހުއްޓުމެއް ނެތި ހަމަލާތައް ދިނުން ކުރިއަށް ގެންގޮސްފި ނަމަ، ހަމަލާ އަމާޒުވި ޤައުމުތަކުން މަޑުން ނުވަތަ ހިމޭނުން ނު ތިބޭނެ ކަމަށެވެ. މިއީ މުޅި ސަރަހައްދުގެ މަސްލަހަތު ގެއްލި، ސަރަހައްދުގެ ޙާލަތު އިތުރަށް ގެއްލޭނެ ކަމެއް ކަމުގައި ވެސް އޭނާ ވިދާޅުވި އެވެ. 

ތުރުކީގެ ފޮރިން މިނިސްޓަރު ވިދާޅުވީ އީރާނުގެ އައު ވެރިންނާއި، އައު ސަރުކާރެއް އުފެދުމުން، މިހާރުއެމެރިކާ އާއި އިޒްރޭލާ އެކު ކުރިއަށްދާ ހަނގުރާމަ ހުއްޓުވުމަށް ފުރުސަތު ލިބިގެން ދާނެ ކަމަށެވެ. އީރާނުގެ އައު ވެރިން އިންތިހާބުވެ، އައު ސަރުކާރެއް އުފެދުމަކީ މި ހަނގުރާމަ ހުއްޓުވުމަށް ވަރަށް ރަނގަޅު ފުރުސަތެއް ކަމަށް ވެސް ފިދާން ފާހަގަ ކުރެއްވި އެވެ.

މި ވާހަކަތައް ތުރުކީގެ ފޮރިން މިނިސްޓަރު ފިދާން ދައްކަވާފައި ވަނީ މެދު އިރުމަތީގެ ސަރަހައްދުގައި ހަނގުރާމައިގެ ހާލަތު ދުވަހުން ދުވަހަށް ގޯސް ވަމުންދާ ދަނޑިވަޅެއްގަ އެވެ.